عمران خطوط پر آرمی چیف کی پہلی بارلب کشائی،دعوے غلط
اشاعت کی تاریخ: 14th, February 2025 GMT
اسلام آباد(طارق محمودسمیر)پاکستان تحریک انصاف کے چیئرمین عمران خان کی طرف سے آرمی چیف جنرل سیدعاصم منیرکولکھے گئے خطوط پر پہلی بارآرمی چیف کابراہ راست ردعمل آنے کے بعد یہ بات واضح ہوگئی ہے کہ اسٹیبلشمنٹ اور تحریک انصاف کے درمیان مفاہمت اور رابطوں کے دعووں اور کہانیوں میں کوئی صداقت نہیں ہے،جب تک نومئی کے واقعات پر عمران خان معافی نہیں مانگیںگے اسٹیبلشمنٹ کے ساتھ پی ٹی آئی کی مفاہمت کے کوئی امکانات نہیں ہیں،پاکستان کے قریبی دوست ترکیہ کے صدر رجب طیب کے اردوان کے دورہ پاکستان کے موقع پر وزیراعظم ہاوس میں معززمہمان کے اعزاز میں دیئے گئے ظہرانے میں اخبارنویسوں سے غیررسمی بات چیت میں آرمی چیف نے واضح کردیاہے کہ انہیں کسی کاکوئی خط نہیں ملا،اگرکوئی خط ملاتو پڑھوں کانہیں اسے وزیراعظم کو بجھوادوں گاخط کی باتیں سب چالیں ہیں پاکستان ترقی کررہاہے اور آگے بڑھ رہاہے،یہ پہلاموقع ہے کہ آرمی چیف نے عمران خان کے خط پر ازخودردعمل دیااس سے قبل سکیورٹی ذرائع کے حوالیسے یہ خبریں آئی تھیں کہ عمران خان کاکوئی خط جی ایچ کیونہیں پہنچااور نہ ہی خط سے اسٹیبلشمنٹ کو کوئی دلچسپی ہے جس پر تحریک انصاف کے بعض رہنماوں جن میں سیکرٹری اطلاعات شیخ وقاص اکرم اور وکیل رہنما فیصل چودھری نے یہ تبصرہ کیاتھاکہ ذرائع کی بات پر ہم کیسے یقین کرلیں؟آئی ایس پی آراپناردعمل دے،آئی ایس پی آرسے بڑھ کراب تو آرمی چیف نے اپناردعمل دے دیاہے اس غیررسمی گفتگو کے بعد ان باتوں اور تجزیوں میں کوئی صداقت نظرنہیں آئی کہ اسٹیبلشمنٹ اورتحریک انصاف کید رمیان کوئی مفاہمت ہونے والی ہے حتیٰ کہ وزیراعلیٰ علی امین گنڈاپوریہاں تک دعویٰ کرچکے ہیں کہ ننانوے فیصدمعاملات طے پاچکے ہیں اور عمران خان کوبنی گالہ یانتھیاگلی منتقل کرنے کی پیشکش ہوئی تھی ،ڈی جی آئی ایس پی آراس سے پہلے کئی بات اپنے بیانات میں فوج کی پالیسی واضح کرچکے تھے کہ نومئی کے ملزمان ،سہولت کاروں اور منصوبہ بندی کرنے والوں کو کسی صورت معاف نہیں کیاجائے گا،تحریک انصاف نے مذاکرات کرنے ہیں تو سیاسی جماعتوں اور حکومت سے کرے جب کہ گزشتہ ایک ڈیڑھ سال سے عمران خان مسلسل یہ کہتے رہیکہ فوج سے مذاکرات کئے جائیں گے حال ہی میں انہوں نے خطوط لکھنے کاایک نیاسلسلہ شروع کیا،یہ خطوط عمران خان کے امریکہ سے چلائے جانے والے ایکس اکاونٹ پر جاری کئے جاتے ہیں جن میں انتخابات میں مبینہ دھاندلی اور26ویں ترمیم سمیت دیگرنکات اٹھائے جاتے ہیں اور فوج کی قیادت پر الزام تراشی بھی کی جاتی ہے جو ایک درست رویہ اورعمل نہیں ہے،عمران خان کو چاہئے کہ آئین دائرے میں رہتے ہوئے سیاسی اور قانونی جنگ لڑیں۔
.ذریعہ: Daily Mumtaz
کلیدی لفظ: تحریک انصاف ا رمی چیف
پڑھیں:
پی ٹی آئی کوئی تحریک چلانے کی پوزیشن میں نہیں، انہیں کچھ نہیں ملے گا، رانا ثناء اللّٰہ
---فائل فوٹووزیرِ اعظم کے مشیر برائے سیاسی امور رانا ثناء اللّٰہ نے کہا ہے کہ پی ٹی آئی کوئی تحریک چلانے کی پوزیشن میں نہیں، انہیں کچھ نہیں ملے گا۔
فیصل آباد میں نماز عید کی ادائیگی کے بعد میڈیا سے گفتگو کرتے ہوئے رانا ثناء اللّٰہ کا کہنا تھا کہ اپوزیشن وزیراعظم شہباز شریف کی ملاقات کی پیشکش کو قبول کرے، ہمارے ساتھ بیٹھے اور الیکشن قوانین میں ترامیم کرے، عمران خان قومی مسائل کو اپنی رہائی سے مشروط کرتے ہیں تو یہ ان کے لیے خسارے کا سودا ہوگا۔
انہوں نے کہا کہ پاکستان کی خوشحالی کا ہمارے آبا و اجداد کا خواب آج پورا ہوتے نظر آرہا ہے، حکومت کے دلیرانہ فیصلوں کی وجہ سے پاکستان معاشی طور پر خوشحال ہو رہا ہے۔
انہوں نے کہا کہ گزشتہ ماہ بھارت نے پاکستان پر بغیر کسی وجہ کے حملہ کیا، پاکستان نے بھارت کو ایسا جواب دیا کہ وہ آج دنیا میں ذلیل ہو رہا ہے، پاکستان آج دنیا میں ایک مضبوط ملک کے طور پر جانا جارہا ہے۔
وزیرِ اعظم کے مشیر برائے سیاسی امور رانا ثناء اللّٰہ نے کہا ہے کہ سندھ کو کوئی نقصان نہیں پہنچے گا، سندھ کا ایک بوند بھی پانی چوری کا ارادہ نہیں۔
ان کا کہنا تھا کہ مودی کی سیاست مسلمان اور پاکستان دشمن ہے، نریندر مودی کے ہوتے ہوئے ہندوستان کے عزائم ٹھیک نہیں ہوسکتے، بھارت پاکستان پر دوبارہ حملہ کرنے کی ہمت نہیں کرے گا۔
رانا ثناءاللّٰہ نے کہا کہ پاکستان کو درپیش مسائل پر قومی اتفاق رائے پیدا کیا جانا چاہیے، اپوزیشن 24 کروڑ عوام کے مسائل کے حل کے لیے ہمارے ساتھ بات کرے، معاشی خوشحالی ہر فرد کا مسئلہ ہے، اپوزیشن پہلے میثاق معیشت کرے، اس کے بعد سیاست سمیت دیگر مسائل پر بھی بات ہوجائے گی۔
وزیرِاعظم کے مشیر نے مزید کہا کہ میثاق معیشت ذاتی نہیں ایک قومی مسئلہ ہے، اپوزیشن کو مذاکرات کی دعوت قومی معاملات پر دے رہے ہیں، قومی معاملات حل ہوجائیں تو دیگر مسائل کے حل کا بھی راستے نکل سکے گا۔
ن لیگ کے رہنما نے کہا کہ بانی پی ٹی آئی سے ملاقات نہیں ہوتی تو یہ حکومت پر الزام لگادیتے ہیں، پی ٹی آئی اس وقت کوئی تحریک چلانے کی پوزیشن میں نہیں، یہ جو تحریک شروع کرنے جارہے ہیں ان کو اس سے کچھ نہیں ملے گا۔
مون سون کی تباہی: بھارت میں سیلاب اور لینڈ سلائیڈنگ سے 5 ہلاکتیں