سیاحتی مقامات، صدیوں پر محیط تاریخ، ثقافت، مذہبی سیاحت کا فروغ،محمد بن سلمان کا ویژن 2030کیا ہے؟
اشاعت کی تاریخ: 8th, March 2025 GMT
سیاحتی مقامات، صدیوں پر محیط تاریخ، ثقافت، مذہبی سیاحت کا فروغ،محمد بن سلمان کا ویژن 2030کیا ہے؟ WhatsAppFacebookTwitter 0 8 March, 2025 سب نیوز
اسلام آباد (سب نیوز )سعودی عرب کے ولی عہد شہزادہ محمد بن سلمان کے ویژن 2030 کے تحت سعودی عرب کی تاریخ، سیاحت اور ثقافت کو اجاگر کیا جارہا ہے۔ دنیا بھر کے سیاحوں کے لیے سعودی عرب کے سیاحتی مقامات، صدیوں پر محیط تاریخ، ثقافت، مذہبی سیاحت اور ورثے کو سعودی ٹورازم اتھارٹی ویژن 2030 کے تحت سامنے لارہی ہے۔
سعودی ٹورازم اتھارٹی کے نمائندے ڈاکٹر عماد کشمیری نے بتایا کہ ولی عہد شہزادہ محمد بن سلمان نے ویژن 2030 ذریعے سعودی عرب کو ترقی کا ایک نیا راستہ دیا ہے، جہاں تیل کی معیشت کے ساتھ دیگر شعبوں کو معاشی نقطہ نظر سے فروغ دیا جارہا ہے، سعودی عرب میں تبدیلی اور نئے زاویے سے ترقی کے اہداف کو حاصل کرنے کی بھرپور کوشش نظر آتی ہے جہاں سیاحت اور ثقافت کے شعبے کو انتہائی اہمیت دی جارہی ہے۔
جدہ کے خوبصورت ساحل پر تفریحی مقامات کا جائزہ لیا تو مقامی لوگوں اور سیاحوں کے لیے جدہ کے وسط میں 9 کلومیٹر ساحلی پٹی پر خوبصورت تفریح گاہیں بنائی گئی ہیں جہاں سیاحوں کے لیے پرکشش ماحول فراہم کیا گیا ہے، جدہ شہر کے خوبصورت ساحل پر یاٹ کلب اور کارنش سیاحوں کے لیے توجہ کا مرکز ہے، جہاں کشتیاں، نجی یاٹ یا لگژری کروز دستیاب ہیں، نیلے خوبصورت ساحل پر لوگ مچھلی کا شکار سے بھی لطف اٹھاتے ہیں۔
جدہ میں 9کلو میٹر کی ساحلی پٹی پر دن رات مقامی اور غیرملکی سیاحوں کی آمد کا سلسلہ جاری رہتا ہے، رات کے خوبصورت مناظر میں جدہ کے ساحل کے قریب جزیرے پر قائم بادشاہ کے محل کے سامنے دنیا کا سب سے بلند فوارہ بھی عرب تاریخ سے جڑا ہے۔اس حوالے سے ڈاکٹر عماد کشمیری بتاتے ہیں کہ شاہ فہد نے اس فوارے کو جزیرہ پر قائم محل کے سامنے نصب کرایا، گنیز بک آف ورلڈ ریکارڈ کے مطابق یہ دنیا کا سب سے اونچا فوارہ ہے۔
سعودی عرب خطے میں اہم معاشی حب کے طور پر ابھرے گا،نئے معاشی منصوبے کے تحت سعودی معیشت تیل کی بجائے دیگر شعبوں خصوصا سیاحت کو فروغ دے کر مضبوط بنائی جائے گی۔ ولی عہد شہزادہ محمد بن سلمان کا ارادہ ہے کہ ان کے ‘ویژن 2030’ کے تحت اگلے برسوں میں سعودی عرب معاشی اور تجارتی مرکز کے طور پر ابھرے گا۔
.ذریعہ: Daily Sub News
پڑھیں:
کے پی میں سینیٹ الیکشن صدر زرداری کے ویژن کے مطابق ہوئے، فیصل کریم کنڈی
گورنر کا کہنا تھا کہ اچھا بچہ جن کا ہے ان کے لیے ہے، جس روز ہمارے پاس ایک ممبر ہوا تحریک عدم اعتماد لانا ہمارا حق ہے، خیبر پختونخوا اور بلوچستان میں مختلف قسم کی دہشتگرد ہے۔ اسلام ٹائمز۔ گورنر فیصل کریم کنڈی نے کہا ہے کہ خیبر پختونخوا میں صدر زرداری کے ویژن کے مطابق بلامقابلہ سینیٹ انتخابات منعقد ہوئے، جس دن ایک ممبر زیادہ ہوا حکومت کے خلاف تحریک عدم اعتماد لاسکتے ہیں۔ تفصیلات کے مطابق اسلام آباد میں میڈیا سے گفتگو کرتے ہوئے فیصل کریم کنڈی نے کہا کہ خیبر پختونخوا کے سینیٹ کے انتخابات کے حوالے سے حکومت اور اپوزیشن نے افہام و تفہیم کے ساتھ معاملات کو طے کیا۔ انہوں نے کہا کہ صدر زرداری کے ویژن کے مطابق کے پی میں بلامقابلہ سینٹ انتخابات کرائے، علی امین گنڈا پور نے کہا کہ ماحولیاتی تبدیلی کے چیلنجوں سے نمٹنے کے لیے کام کرنے کی ضرورت ہے۔ گورنر کا کہنا تھا کہ اچھا بچہ جن کا ہے ان کے لیے ہے، جس روز ہمارے پاس ایک ممبر ہوا تحریک عدم اعتماد لانا ہمارا حق ہے، خیبر پختونخوا اور بلوچستان میں مختلف قسم کی دہشتگرد ہے۔
انہوں نے کہا کہ سابق پی ٹی آئی حکومت نے دہشتگردوں کو آباد کیا، خیبر پختونخوا میں اسی فیصد دہشتگردی افغانستان سے ہوتی ہے، خیبرپختونخوا مال بنانے میں مصروف ہے، چینی اور گندم کے بعد سولر کا اسکینڈل ہوا ہے۔ گورنر کنڈی نے کہا کہ صوبہ میں پچاس پچاس ارب کے سکینڈل آرہے ہیں۔ انہوں نے کہا کہ سانحہ نو مئی سے متعلق عدالتی فیصلوں کا احترام کرتے ہیں جو جو ذمہ دار ہیں باہر بیٹھے ہیں ان کو بھی سامنا کرنا پڑے گا۔ فیصل کریم کنڈی نے کہا کہ پی ٹی آئی میں اب تحریک چلانے کا دم نہیں باقی نہیں ہے، ریاست کا فیصلہ ہے کہ جو قانون ہاتھ میں لے گا اس کے خلاف کارروائی ہوگی۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست