شدید تنقید کے بعد ٹک ٹاک نے اپنا متنازع فلٹر ہٹا دیا
اشاعت کی تاریخ: 24th, March 2025 GMT
اسلام آباد(نیوز ڈیسک)ٹک ٹاک نے اپنے ایک متنازع فلٹر کو ہٹا دیا ہے جو صارفین کی تصاویر کو اس طرح ایڈٹ کرتا تھا کہ وہ زیادہ وزنی نظر آئیں۔
یہ فلٹر استعمال کرنے والی بیشتر ویڈیوز ایک جیسی ہی تھیں۔ پہلے صارف کی اصل، بغیر ایڈیٹ کی گئی تصویر دکھائی جاتی، پھر ”چبی فلٹر“ آہستہ آہستہ اس کی جسمانی ساخت میں تبدیلی کر دیتا، اور پس منظر میں امریکی گلوکارہ ڈوچی کا گانا ”Anxiety“ بجتا۔
جب ایسی ویڈیوز کی تعداد بڑھنے لگی تو صارفین کی جانب سے شدید ردِعمل سامنے آیا۔ بہت سے لوگوں نے اسے ”باڈی شیمنگ“ (جسمانی ساخت پر شرمندہ کرنے) کے مترادف قرار دیا۔ ایک صارف نے تبصرہ کیا، ’یہ ٹرینڈ لوگوں کو کمتر محسوس کرانے کے مترادف ہے۔‘ اس تبصرے کو 5,000 سے زائد لائکس ملے۔
ٹک ٹاک کی ایک معروف صارف ”Sadiebass16“ نے کہا، ’سوچیں کہ آپ اس ایپ پر بس موجود رہنا چاہتے ہیں، اور پھر دیکھتے ہیں کہ ہزاروں لوگ ایک ایسا فلٹر استعمال کر رہے ہیں جو آپ جیسے جسم کو ظاہر کرتا ہے، مگر منفی انداز میں۔ اور تبصرے آ رہے ہیں کہ ”اوہ، یہ کیسا ہوگا!“ بہت سے لوگ اس کا اندازہ کر سکتے ہیں، کیونکہ وہ اسی جسم کے ساتھ رہ رہے ہیں۔‘
نوجوانوں کے لیے ایک صحت و تندرستی ایپ ”Luna“ نے بھی فلٹر پر تنقید کی اور کہا کہ یہ ’غیر صحت مند خوبصورتی کے معیارات کو فروغ دیتا ہے۔‘
ٹک ٹاک کا ردِعمل
ٹک ٹاک نے بی بی سی کو بتایا کہ اس نے نہ صرف فلٹر ہٹا دیا ہے بلکہ اس فلٹر کے ذریعے بنائی گئی ویڈیوز کو بھی اپنے ریکمینڈیشن سسٹم سے ہٹا رہا ہے اور انہیں کم عمر صارفین کے لیے بلاک کر دیا گیا ہے۔
کمپنی نے مزید وضاحت دی کہ یہ فلٹر ”CapCut“ نامی ایک کمپنی نے اپ لوڈ کیا تھا، جو ٹک ٹاک کی پیرنٹ کمپنی بائٹ ڈانس کی ایک علیحدہ سروس ہے۔
پیر کی صبح ٹک ٹاک کی موبائل ایپ پر ”چبی فلٹر“ سرچ کرنے سے کوئی نتیجہ سامنے نہیں آیا، تاہم ڈیسک ٹاپ ورژن میں کچھ مواد اب بھی موجود تھا۔
ٹک ٹاک فلٹرز پر تنقید
ٹک ٹاک پر سینکڑوں فلٹرز موجود ہیں، جن میں سے اکثر نقصان دہ نہیں ہوتے، جیسے خرگوش کے کان یا کتے کی ناک شامل کرنے والے فلٹرز۔ تاہم، اس کے بیوٹی فلٹرز پر طویل عرصے سے تنقید کی جا رہی ہے کہ یہ صارفین کے خود اعتمادی پر منفی اثر ڈالتے ہیں۔
ایک صارف ”SaffsStuff“ نے اس فلٹر کو سخت تنقید کا نشانہ بناتے ہوئے کہا، ’یہ مزاحیہ نہیں ہے، یہ ہلکا پھلکا نہیں ہے۔ یہ اس بڑے مسئلے کا حصہ ہے جہاں ڈائٹ کلچر اور ”ہیروئن شِک“ جیسا پتلا ہونے کا رجحان سوشل میڈیا پر دوبارہ عام ہو رہا ہے۔‘
2019 کی ایک تحقیق میں یہ انکشاف ہوا تھا کہ سوشل میڈیا فلٹرز کے استعمال سے پلاسٹک سرجری کو زیادہ قبول کیا جانے لگا ہے، جبکہ 2021 میں ”Harvard Business Review“ نے پایا کہ جو لوگ اپنی ظاہری شکل کے بارے میں خود اعتمادی رکھتے ہیں، وہ فلٹرز کے ذریعے چہرے میں کی جانے والی ”بہتریوں“ سے زیادہ متاثر ہوتے ہیں۔
گزشتہ نومبر میں ٹک ٹاک نے اعلان کیا تھا کہ 18 سال سے کم عمر صارفین کے لیے بیوٹی فلٹرز کی رسائی محدود کر دی جائے گی۔ یہ فیصلہ ایک رپورٹ کے بعد کیا گیا جس میں نوجوانوں پر ان فلٹرز کے اثرات کا جائزہ لیا گیا تھا۔
مزیدپڑھیں:ٹینکر نے میاں اور حاملہ بیوی کو کچل دیا، موقع پر بچے کی پیدائش، تینوں چل بسے
ذریعہ: Daily Ausaf
کلیدی لفظ: ٹک ٹاک نے
پڑھیں:
متنازع میچ ریفری اینڈی پائیکرافٹ نے پاکستان کے کپتان اور مینجر سے معافی مانگ لی
پاکستان کرکٹ بورڈ نے قومی ٹیم کو متحدہ عرب امارات (یو اے ای) کے خلاف میچ کھیلنے کی اجازت دے دی، جبکہ متنازع میچ ریفری اینڈی پائیکرافٹ نے پاکستان کے کپتان اور مینجر سے معافی مانگ لی۔
ترجمان پاکستان کرکٹ بورڈ کے مطابق میچ ریفری اینڈی پائیکرافٹ نے پاکستان کرکٹ ٹیم کے مینجر اور کپتان سلمان علی آغا سے معذرت کر لی ، اینڈی پائیکرافٹ نے 14 ستمبر کے واقعے کو مس کمیونیکیشن کا نتیجہ قرار دے کر پاکستان ٹیم سےمعذرت کی۔
ترجمان پی سی بی نے مزید بتایا کہ انٹرنیشنل کرکٹ کونسل (آئی سی سی) نے 14 ستمبر کو پاک-بھارت میچ کے دوران کوڈ آف کنڈکٹ کی خلاف ورزی کی انکوائری پر بھی آمادگی ظاہر کر دی ۔
قبل ازیں، چیئرمین پاکستان کرکٹ بورڈ محسن نقوی نے سماجی رابطے کی سائٹ ’ایکس‘ پر ٹوئٹ کرتے ہوئے بتایا کہ پاکستان ٹیم کو ہوٹل سے اسٹیڈیم روانہ ہونے کی ہدایت کی ۔
ایشیا کپ سے میچ ریفری اینڈی پائیکرافٹ کو ہٹانے کے مطالبے اور مشاورت میں تاخیر کے باعث میچ کو ایک گھنٹے کے لیے ملتوی کر دیا گیا ۔
پاکستان اور یو اے ای کے درمیان مقابلے کا ٹاس پاکستانی وقت کے مطابق رات 8 بجے جب کہ کھیل کا آغاز 8 بج کر 30 منٹ پر ہوگا۔
پاکستان کی جانب سے متنازع میچ ریفری اینڈی پائیکرافٹ کو ہٹانےکا مطالبہ کیا گیا تھا اور ممکنہ طور پر آج کے میچ میں ریفری کے فرائض رچی رچرڈسن نے انجام دینے تھے تاہم وہ آج کے میچ کے لیے دستیاب نہیں ہیں، جس پر متنازع میچ ریفری اینڈی پائیکرافٹ ہی آج کے میچ کے ریفری ہوں گے۔
دریں اثنا، ترجمان پاکستان کرکٹ بورڈ عامر میر نے لاہور میں میڈیا سے گفتگو کرتے ہوئے بتایا کہ چیئرمین پی سی بی محسن نقوی دبئی میں حکام کے ساتھ رابطے میں ہیں جب کہ قذافی اسٹیڈیم لاہور میں چیئرمین پی سی بی کی نجم سیٹھی اور رمیز راجہ سے بھی مشاورت جاری ہے۔
انہوں نے بتایا کہ پاکستان اور یو اے ای کے درمیان آج شام 7 بجے شیڈول میچ کو ایک گھنٹے کے لیے ملتوی کر دیا گیا ۔
تنازع کے مرکزی کرداری میچ ریفری اینڈی پائی کرافٹ کو دبئی اسٹیڈیم پہنچے کے بعد واپس بلا لیا گیا ہے۔
قبل ازیں، پاکستان کرکٹ بورڈ (پی سی بی) کی جانب سے ایشیا کپ کے میچ ریفری اینڈی پائیکرافٹ کو ایونٹ سے نکالنے کے مطالبے پر انٹرنیشنل کرکٹ کونسل (آئی سی سی) نے دبئی میں ہنگامی اجلاس منعقد کیا۔
دبئی میں ہونے والے اجلاس میں انٹرنیشنل کرکٹ کونسل، ایشین کرکٹ کونسل (اے سی سی) کے نمائندے شریک ہیں، جب کہ پاکستان کرکٹ بورڈ کے اعلیٰ حکام ویڈیو لنک کے زریعے اجلاس میں شریک ہوئے۔
ہنگامی اجلاس میں ’نو ہینڈ شیک‘ تنازع اور ریفری کے تبادلے کے معاملے پر غور کیا گیا۔
بھارتی بورڈ کی دولت میں 5برس کے دوران کروڑوں روپے کا اضافہ