بچے کی موت پر وی لاگ، صارفین کا یوٹیوبر رجب بٹ پر پابندی کا مطالبہ
اشاعت کی تاریخ: 23rd, June 2025 GMT
مقبول اور متنازعہ یوٹیوبر رجب بٹ کو بچے کی موت پر وی لاگ بنانا مہنگا پڑ گیا، صارفین کی جانب سے یوٹیوبر پر پابندی لگانے کا مطالبہ کیا جانے لگا۔
رجب بٹ نے دو دن قبل اپنے یوٹیوب پر ایک وی لاگ اپلوڈ کیا جس میں انہوں نے کہا کہ اسپتال میں داخل رجب خاندان کا بچہ اب اس دنیا میں نہیں رہا۔ اور تھبنیل پر بچے کی کفن میں لپٹی ہوئی تصویر بھی لگائی جس پر صارفین کی جانب سے ان پر خوب تنقید کی جا رہی ہے۔
ایک صارف نے ویڈیو کا اسکرین شاٹ شیئر کرتے ہوئے لکھا کہ میں خود جا کر یوٹیوب پر دیکھا ہے اور یہ سچ ہے کہ رجب بٹ نے یہ وی لاگ اپلوڈ کیا ہے۔ ان کا کہنا تھا کہ لوگ واقعی معصوم بچوں کے دنیا سے جانے کا فائدہ اٹھا رہے ہیں اور یہ ناقابلِ یقین ہے۔ صارف کا مزید کہنا تھا کہ اللّٰہ ان کو اور ان کے فالوورز کو ہدایت دے۔
View this post on Instagram
A post shared by Pendu Production (@penduproduction)
حمزہ نامی صارف نے کہا کہ جب میں ان یوٹیوبرز پر تنقید کرتے ہیں تو ان کے چاہنے والے ہمیں برا بھلا کہتے ہیں اور اب یہ لوگ موت کا بھی وی لاگ بنا رہے ہیں اللہ ان کو ہدایت دے۔ ایک اور صارف نے کہا کہ اللہ بچے کو جنت میں جگہ دے لیکن اس کا وی لاگ بھی بن گیا ہے یہ نسل کس طرف جا رہی ہے۔
ایک سوشل میڈیا صارف کا کہنا تھا کہ رجب بٹ پر پابندی لگائی جائے۔ انہوں نے مزید کہا کہ ہمیں رجب بٹ اور اس کے اہل خانہ کو بتانا چاہیے کہ اس کا مواد اب بہت آگے جا چکا ہے۔ اگر اس پر پابندی نہیں لگائی گئی تو ہر دوسرا بلاگر اس کی پیروی کرے گا۔ عائشہ وسیم نے کہا کہ پیسے کے لیے ایک بچے کی موت کا فائدہ اٹھایا جا رہا ہے یہ ڈوب مرنے کا مقام ہے۔
حدیقہ لکھتی ہیں کہ دولت کا نشہ آ جائے تو لوگ موت کا بھی فائدہ اٹھاتے ہیں۔ جبکہ ایک اور صارف نے کہا کہ یہ اب بزنس بن چکا ہے ان کو اس چیز سے فرق نہیں پڑتا کہ کوئی جیے یا مرے بس کانٹینٹ ہونا چاہیے۔
واضح رہے کہ انتقال کرنے والے بچے کا رجب بٹ کے خاندان سے تعلق نہیں تھا بلکہ وہ یوٹیوبر کا فین تھا اور بچے کی اسپتال سے ایک ویڈیو دکھائی گئی تھی جس میں وہ رجب بٹ سے ملنے کی خواہش کا اظہار کرتا ہے لیکن رجب بٹ ان سے ملنے نہیں گئے اور ویلاگ میں بتایا کہ ان کا بچے سے ملنے کا پلان تھا لیکن ان کے والد کا آڈیو پیغام آیا کہ وہ بچہ اپنی سالگرہ والے دن انتقال کر گیا ہے۔ اب رجب بٹ کا اپنے ویلاگ میں کہنا تھا کہ وہ بچے کے والد سے ملنے ضرور جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچے کا انتقال رجب بٹ رجب بٹ تنقید رجب بٹ ویلاگ.