پنجاب میں اربن فلڈنگ کا خطرہ، وزیراعظم نے وزرا کو فوری لاہور روانگی کا حکم دے دیا
اشاعت کی تاریخ: 27th, August 2025 GMT
اسلام آباد(نیوز ڈیسک) وزیراعظم محمد شہباز شریف کی زیر صدارت پنجاب میں شدید بارشوں اور دریاؤں میں ممکنہ سیلابی صورتحال پر ہنگامی اجلاس منعقد ہوا جس میں نیشنل ڈیزاسٹر مینجمنٹ اتھارٹی (این ڈی ایم اے) نے تفصیلی بریفنگ دی۔ اجلاس میں دریائے چناب، ستلج اور راوی میں پانی کے بڑھتے اخراج، متاثرہ اضلاع میں امدادی سرگرمیوں اور آئندہ کے لائحہ عمل پر غور کیا گیا۔
وزیراعظم کی ہدایات
وزیراعظم نے کہا کہ حالیہ بارشوں کے پیش نظر حکومت اور اداروں نے بروقت وارننگ جاری کر کے بڑے پیمانے پر جانی و مالی نقصان کو روکا۔ انہوں نے واضح کیا کہ پیشگی اطلاع پہنچانے کے اس سلسلے کو مزید مؤثر اور مربوط انداز میں جاری رکھا جائے تاکہ متاثرین کو زیادہ سے زیادہ تحفظ مل سکے۔
وزیراعظم نے ہدایت کی کہ این ڈی ایم اے کی جانب سے فراہم کردہ 5 ہزار خیموں کے ساتھ ساتھ دیگر ضروری امدادی سامان کی فوری ترسیل یقینی بنائی جائے۔ انہوں نے کہا کہ گجرات، سیالکوٹ اور لاہور میں اربن فلڈنگ کے خدشات کے پیش نظر ضلعی اور صوبائی سطح پر ہنگامی اقدامات کیے جائیں۔
شہباز شریف نے وفاقی وزرا اور اداروں کو خصوصی ذمہ داریاں سونپتے ہوئے کہا کہ وزیر مواصلات، وزیر توانائی، سیکرٹری توانائی اور چیئرمین این ایچ اے لاہور پہنچ کر صوبائی حکومت کے ساتھ براہِ راست عملی تعاون کریں۔ ان کا کہنا تھا کہ بجلی کی بلاتعطل فراہمی، سڑکوں اور ذرائع مواصلات کی بحالی اولین ترجیح ہونی چاہیے۔
قومی ہم آہنگی پر زور
وزیراعظم نے کہا کہ کسی بھی صوبے میں سیلابی صورتحال کو قومی سطح پر مکمل ہم آہنگی کے ساتھ حل کیا جائے گا۔ خیبرپختونخوا میں حالیہ سیلابی صورتحال کے دوران وفاقی حکومت نے بھرپور تعاون فراہم کیا اور پنجاب میں بھی ایسا ہی تعاون یقینی بنایا جائے گا۔ انہوں نے سندھ کے حوالے سے کہا کہ دریائے ستلج اور دیگر ریلوں کے سندھ میں داخل ہونے سے قبل بروقت وارننگ دی جائے تاکہ مقامی انتظامیہ نقصان کو کم سے کم کرے۔
انہوں نے عوامی نمائندوں اور حکومتی اداروں کو ہدایت کی کہ متاثرہ آبادیوں کے بروقت انخلاء اور محفوظ مقامات پر منتقلی کے ساتھ ساتھ امدادی کارروائیوں کی نگرانی مؤثر انداز میں کی جائے۔ وزیراعظم نے کہا کہ فصلوں، مویشیوں اور بنیادی ڈھانچے کو نقصان سے بچانے کے لیے حکمت عملی کے تحت حفاظتی اقدامات ناگزیر ہیں۔
این ڈی ایم اے کی بریفنگ
چیئرمین این ڈی ایم اے لیفٹیننٹ جنرل انعام حیدر ملک نے اجلاس کو بریفنگ دیتے ہوئے بتایا کہ دریائے چناب میں پانی کے اخراج میں مسلسل اضافہ ہو رہا ہے اور ہیڈ مرالہ اور خانکی کے مقام پر اونچے درجے کے سیلاب کا خدشہ موجود ہے۔ اسی طرح دریائے راوی میں شاہدرہ اور جسٹر جبکہ دریائے ستلج میں گنڈا سنگھ والا اور سلیمانکی کے مقام پر دباؤ بڑھ رہا ہے۔
انہوں نے بتایا کہ متاثرہ علاقوں کے بروقت انخلاء کے لیے 2 ہزار ٹرک فراہم کیے گئے ہیں جبکہ ریسکیو 1122، سول ڈیفنس، رینجرز، پی ڈی ایم اے اور دیگر ادارے مکمل مستعدی کے ساتھ کارروائیوں میں مصروف ہیں۔ مزید بتایا گیا کہ آرمی اور پولیس کی خدمات بھی پیشگی انخلاء اور متاثرین کی مدد کے لیے حاصل کی گئی ہیں۔
چیئرمین این ڈی ایم اے نے کہا کہ خانکی، بلوںکی اور قادر آباد کے بیراجوں پر پانی کے اخراج سے پیدا ہونے والے دباؤ کی مسلسل نگرانی کی جا رہی ہے۔
اجلاس میں شرکت
اجلاس میں وفاقی وزیر منصوبہ بندی و ترقی احسن اقبال، وفاقی وزیر توانائی اویس احمد لغاری، وفاقی وزیر موسمیاتی تبدیلی ڈاکٹر مصدق ملک، وفاقی وزیر اطلاعات عطاء اللہ تارڑ، وفاقی وزیر اقتصادی امور احد خان چیمہ، چیئرمین این ڈی ایم اے اور دیگر متعلقہ حکام نے شرکت کی۔
وزیراعظم کا عزم
اجلاس کے اختتام پر وزیراعظم نے کہا کہ وفاقی اور صوبائی ادارے مل کر عوام کو تحفظ فراہم کریں گے۔ انہوں نے کہا کہ وفاقی حکومت پنجاب سمیت کسی بھی صوبے کو اکیلا نہیں چھوڑے گی اور عوام کی جان و مال کے تحفظ کے لیے تمام وسائل بروئے کار لائے جائیں گے۔
وزیراعظم نے کہا کہ سیلاب سے متاثرہ علاقوں میں انتظامیہ کو ڈسٹرکٹ اور تحصیل سطح پر ہنگامی بنیادوں پر اقدامات کرنے ہوں گے تاکہ انسانی جانوں اور املاک کو زیادہ نقصان نہ پہنچے۔ انہوں نے زور دیا کہ سیلاب کو ایک قومی چیلنج سمجھ کر یکجہتی اور تعاون کے ساتھ اس کا مقابلہ کیا جائے۔
Post Views: 7.ذریعہ: Daily Mumtaz
کلیدی لفظ: وزیراعظم نے کہا کہ ڈی ایم اے وفاقی وزیر انہوں نے کے ساتھ کے لیے
پڑھیں:
وفاقی حکومت طلبہ کو اے آئی تربیت کے لیے سعودی عرب بھجوائے گی، وزیراعظم کا اعلان
وفاقی حکومت طلبہ کو مصنوعی ذہانت کی تربیت کے لیے سعودی عرب بھجوائے گی۔
اسلام آباد میں پرائم منسٹر یوتھ لیپ ٹاپ اسکیم 2025 کی افتتاحی تقریب سے خطاب کرتے ہوئے وزیراعظم نے کہا کہ ہونہار طلبہ قوم کا فخر ہیں، ان کی کامیابی والدین اور اساتذہ کی محنت و دعاؤں کا نتیجہ ہے،طلبہ کی فنی تربیت کے لیے تمام وسائل استعمال کیے جائیں گے، سو فیصد میرٹ پر ایک لاکھ لیپ ٹاپس تقسیم کیے جا رہے ہیں، جبکہ طلبہ کو مصنوعی ذہانت کی تربیت کے لیے سعودی عرب بھجوایا جائے گا۔
یہ بھی پڑھیں: پرائم منسٹر یوتھ لیپ ٹاپ اسکیم 2025 کا باقاعدہ آغاز ہوگیا
وزیراعظم نے کہا کہ پروگرام میں تاخیر اس وجہ سے ہوئی کہ لیپ ٹاپ بیگز پر تشہیری لوگو لگا ہوا تھا، جسے ہٹانے کی ہدایت دی گئی۔ شہباز شریف نے کہا کہ ایک لاکھ لیپ ٹاپس پر 40 سے 50 ارب روپے خرچ ہوئے ہیں، اور اگر قوم کے نوجوانوں کی ترقی کے لیے 500 ارب روپے بھی لگانے پڑیں تو وہ بھی کم ہیں۔
وزیراعظم کا کہنا تھا کہ سعودی عرب مصنوعی ذہانت کے شعبے میں اربوں ڈالر کی سرمایہ کاری کر رہا ہے اور اس نے پیشکش کی ہے کہ پاکستانی طلبہ کو مفت اے آئی کی تربیت دی جائے گی۔ سعودی عرب ایک عظیم دوست ملک ہے جو پاکستان کے کروڑوں بھائیوں کے لیے ہمیشہ تعاون کرتا ہے۔
یہ بھی پڑھیں: وزیراعظم لیپ ٹاپ اسکیم میں بڑا اسکینڈل، 1011 لیپ ٹاپ غائب ہوگئے
شہباز شریف نے کہا کہ حکومت بھرپور کوشش کرے گی کہ ہزاروں طلبہ کو سعودی عرب بھیج کر جدید تربیت فراہم کی جائے۔ ان کا کہنا تھا کہ جب تک یہ ذمے داری میرے پاس ہے، میں قوم کے نوجوانوں کی تعلیم، تربیت اور روزگار کے لیے تمام وسائل ان کے قدموں میں نچھاور کروں گا۔
وزیراعظم نے نوجوانوں کو مخاطب کرتے ہوئے کہا کہ آپ نے ستاروں پر کمند ڈالنی ہے، پاکستان کو عظیم، اقبال اور قائداعظم کا پاکستان بنانا ہے اور ملک کو قرضوں سے نجات دلانی ہے۔
یہ بھی پڑھیں: وزیراعلیٰ مریم نوازشریف نے دوسرے صوبوں کے لیے بھی لیپ ٹاپ اسکیم کا اعلان کردیا
تقریب کے اختتام پر وزیراعظم نے پرائم منسٹر یوتھ لیپ ٹاپ اسکیم 2025 کا باضابطہ آغاز کیا اور طلبہ میں لیپ ٹاپ تقسیم کیے۔ اس موقع پر وفاقی وزرا عطااللہ تارڑ، طلال چوہدری، چیئرمین وزیراعظم یوتھ پروگرام رانا مشہود، طلبہ اور والدین کی بڑی تعداد بھی موجود تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اے آئی تربیت سعودی عرب طلبہ لیپ ٹاپ اسکیم مصنوعی ذہانت وزیراعظم شہباز شریف
کچھی: مسلح افراد کا سرکاری عمارتوں اور تھانوں پر حملہ، پولیس اہلکار شہید