سیلاب آئے تو مدد مانگتے ہیں لیکن خود کو نہیں دیکھتے ، خواجہ آصف
اشاعت کی تاریخ: 1st, September 2025 GMT
وزیر دفاع خواجہ محمد آصف نے ملک میں بڑھتی ہوئی ماحولیاتی تباہی، پانی کے بہاؤ میں رکاوٹیں اور غیر سنجیدہ سیاسی رویوں پر شدید تشویش کا اظہار کیا ہے۔ قومی اسمبلی میں خطاب کرتے ہوئے انہوں نے کہا کہ بھی سیلاب آتا ہے، ہم فوراً اقوامِ متحدہ اور دنیا سے مدد مانگنے لگتے ہیں، لیکن کبھی اپنے گریبان میں نہیں جھانکتے کہ اس حال کو ہم خود لائے ہیں۔”
انہوں نے کہا کہ ان کے اپنے حلقے سے دو دریا گزرتے ہیں، لیکن وہاں آبی گزرگاہوں پر اسکیمیں اور تعمیرات کر کے پانی کے قدرتی راستے بند کر دیے گئے ہیں۔ ان کا کہنا تھا کہ یہ وقت دوسروں پر انگلی اٹھانے کا نہیں، خود احتساب کا ہے۔ ہمیں پوچھنا ہوگا کہ ہم نے اب تک کتنی غیرقانونی تجاویزات ہٹائیں؟
خواجہ آصف نے اشارہ دیا کہ طاقتور طبقے، جو ایوانِ بالا میں بیٹھے ہیں، خود ان تجاوزات میں ملوث ہیں ،سیاستدانوں نے دریا کنارے ہوٹل بنوائے، اور سب جانتے ہیں کہ وہ وہاں کیسے پہنچے۔ جب قیادت خود مثال نہ بنے، تو عوام کس کو رول ماڈل بنائیں؟
انہوں نے مزید کہا کہ ملک میں بڑے ڈیم ہمیشہ آمریت کے دور میں بنے، کیونکہ تب فیصلے نافذ کرنے کی طاقت موجود تھی،جمہوری ادوار میں تو صرف سیاسی دکانداری چلتی ہے۔ اگر ہم نے ابھی بھی چھوٹے ڈیم نہ بنائے تو آئندہ پانی کے ایک ایک قطرے کو ترسیں گے۔ بھاشا اور مہمند ڈیم کا خواب کب پورا ہوگا؟
انہوں نے مطالبہ کیا کہ ملک بھر میں درجنوں چھوٹے ڈیمز تعمیر کیے جائیں، جو دو سے تین سال میں مکمل ہو سکتے ہیں، تاکہ پانی ذخیرہ کرنے کی صلاحیت بڑھے اور سیلاب کا خطرہ کم ہو۔
لاہور، نارووال اور سیالکوٹ کی حالیہ صورتحال پر بات کرتے ہوئے خواجہ آصف نے کہاکہ لاہور سے تو پانی جلد نکل گیا، لیکن سیالکوٹ اور نارووال میں کئی دن تک پانی کھڑا رہا — یہ سب تجاوزات کا نتیجہ ہے۔”
انہوں نے پنجاب میں بلدیاتی اداروں کی غیر فعالیت پر بھی سخت تنقید کرتےہوئے کہاکہ بلدیاتی نظام کو ہم نے صرف سیاست کا آلہ بنایا، عوامی خدمت کا نہیں۔ اختیارات نیچے منتقل کیے بغیر مسائل حل نہیں ہوں گے۔
اپنی تقریر کے دوران ایک حیران کن انکشاف کرتے ہوئے انہوں نے کہاکہ مجھے بھی ‘واردات کی پیشکش ہوئی تھی۔ یہاں سب بکاؤ مال ہیں، بولیاں لگتی ہیں، اور لوگ اپنی قیمت خود لگا لیتے ہیں۔
انہوں نے خبردار کیا کہ سیاسی ایڈونچرز کے ذریعے ایسے لوگ ایوانوں میں لائے جاتے رہے، تو وہ بھی عوام کے ساتھ وہی کچھ کریں گے، جو زیڈ کے بی نے سیالکوٹ کے ساتھ کیا تھا۔
ذریعہ: Daily Mumtaz
کلیدی لفظ: انہوں نے
پڑھیں:
افغانستان کے ساتھ مذاکرات کے نتیجے تک سب کچھ معطل رہےگا
سٹی42: پاکستان کے وزیردفاع خواجہ آصف نے کہا ہے کہ افغانستان کے ساتھ مذاکرات جب تک مکمل نہیں ہو جاتے، افغانستان کے ساتھ تمام معاملات معطل رہیں گے، ویزہ پروسیسنگ بھی معطل رہے گی۔
خواجہ آصف نے یہ بات آج اپنے شہر سیالکوت میں ایک نیوز چینل سے گفتگو کرتے ہوئے کہی۔
خواجہ آصف نے کہا، افغانستان سے اِس وقت ہر چیز کی آمدورفت معطل ہے ویزہ پروسیس بھی بند ہے، جب تک گفت و شنید مکمل نہیں ہوجاتی یہ پروسیس معطل رہے گا۔
وزیر دفاع خواجہ آصف نے کہا کہ بھارت ہمیں مشرقی اور مغربی محاذوں پر مصروف رکھنا چاہتا ہے، مشرقی محاذ پر بھارت کو جوتے پڑے ہیں، مودی تو چپ ہی کرگیا اور مغربی محاذ پرہم پُرامید ہیں کہ دونوں ممالک(پاکستان اور افغانستان) کی ثالثی کے مثبت نتائج آئیں گے۔
بھارتی نژاد دنیا کی معروف کمپنی کو اربوں کا چونا لگا کر فرار
سیالکوٹ میں میڈیا سے باتیں کرتے ہوئے خواجہ آصف نے بتایا کہ طورخم بارڈر غیرقانونی مقیم افغانیوں کی بے دخلی کیلئے کھولا گیا ہے، طورخم بارڈر پر کسی قسم کی تجارت نہیں ہوگی، بے دخلی کا عمل جاری رہنا چاہیے تاکہ اس بہانے دوبارہ نہ ٹک سکیں۔
انہوں نے کہا کہ اِس وقت ہر چیز معطل ہے ویزہ پروسیسنگ بھی بند ہے، جب تک گفت و شنید مکمل نہیں ہوجاتی یہ پروسیس معطل رہے گا، افغان باشندوں کا معاملہ پہلی دفعہ بین الاقوامی سطح پر آیا ہے، ترکیے اور قطر خوش اسلوبی سے ثالثی کا کردار ادا کررہے ہیں۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
خواجہ آصف نے کہا، پہلے تو غیرقانونی مقیم افغانیوں کےمسئلہ کو افغانستان تسلیم ہی نہیں کرتا تھا، ان کاموقف تھاکہ یہ مسئلہ پاکستان کا ہے، اب اس کی بین الاقوامی سطح پر اونرشپ سامنے آگئی ہے۔
خواجہ آصف نے بتایا کہ ترکیے میں ہونے والے مذاکرات میں یہ شق بھی شامل ہے کہ اگروہاں (افغانستان) سے کوئی غیرقانونی سرگرمی ہوتی ہےتو اس کاہرجانہ ہوگا۔
انہوں نے کہا کہ ہماری طرف سے تو کسی قسم کی حرکت نہیں ہورہی۔ سیز فائر کی خلاف ورزی ہم تو نہیں کررہے افغانستان کررہا ہے۔ افغانستان تاثر دے رہا ہے کہ اس سب میں اسٹیبلشمنٹ کا کردار ہے۔ انہوں نے واضح کیا کہ اس (استنبول مذاکرات) ثالثی میں چاروں ملکوں کی اسٹیبلشمنٹ کے نمائندے گفتگو کررہے ہیں۔
نئے بھرتی کنٹریکٹ ملازمین کو ریگولر ہونے پر بھی پنشن نہیں ملے گی
حل صرف ایک ہے: افغان سرزمین سے دہشت گردی بند ہو
وزیردفاع نپاکستان مین افغانستان سے دہشتگردوں کی مسلسل دراندازی کے متعلق بات کرتے ہوئے کہا پاکستان میں ساری قوم خصوصاً کے پی کے عوام میں سخت غصہ ہے۔ اس مسئلے کی وجہ سے کے پی صوبہ سب سے زیادہ متاثر ہورہا ہے۔ قوم کے تمام نمائندے- سیاستدان اورتمام ادارے آن بورڈ ہیں اور وہ چاہتے ہیں کہ افغانستان کےمسئلے کا فوری حل ہو۔ حل صرف ایک ہے کہ افغان سرزمین سے دہشت گردی بند ہو۔
محسن نقوی کا ٹی چوک فلائی اوور ،شاہین چوک انڈر پاس منصوبوں کا دورہ
خواجہ آصف نے کہا، اگر دونوں ریاستیں سویلائزڈ تعلقات بہتر رکھ سکتے تو یہ قابل ترجیح ہوگا، افغانستان کی طرف سےجوتفریق کرنےکی کوشش کی جارہی ہے اسے پوری دنیاسمجھتی ہے جو نقصانات پانچ دہائیوں میں پاکستان نے اٹھائے ہیں وہ ہمارے مشترکہ نقصانات ہیں۔
خواجہ آصف نے مزید کہا، بھارت کی جانب سے پراکسی وار کے ثبوت اشرف غنی کے دور سے سامنے ہیں۔ اب تو کسی مزید ثبوت کی ضرورت ہی نہیں کیونکہ سب اس بات پر یقین کررہے ہیں۔ اگر ضرورت پڑی تو ہم ثبوت دیں گے۔
پنجاب : لاؤڈ سپیکر ایکٹ سختی سے نافذ کرنے کا فیصلہ
ؒواجہ آصف نے کہا، بھارت ہمیں مشرقی اور مغربی محاذوں پر مصروف رکھنا چاہتا ہے، مشرقی محاذ پر بھارت کو جوتے پڑے ہیں۔ مودی تو چپ ہی کرگیا ہے۔ اس (مغربی) محاذ پر پُرامید ہیں کہ دونوں ممالک کی ثالثی کے مثبت نتائج آئیں گے
Waseem Azmet
الیکشن کمیشن کی نگران حکومت کی مدت بڑھانے سے متعلق آئین میں ترمیم کی سفارش