سیلاب سے کتنی تباہی اور کتنا نقصان ہوا؟ رپورٹ جاری،مہنگائی کی نئی لہرکاخدشہ
اشاعت کی تاریخ: 1st, September 2025 GMT
اسلام آباد(صغیر چوہدری ) سیلاب کتنی تباہی اور کتنا نقصان پہنچا؟سیلاب کے بعد مہنگائی کے طوفان کاخدشہ،ڈیلی ممتاز کی تحقیقاتی رپورٹ میں ہوشربا انکشافات سامنے آگئے ۔ رپورٹ کے مطابق حالیہ سیلاب سے مجموعی طور پر پاکستان میں3 کروڑ افراد متاثر ہوئے جبکہ مجموعی طور پر 30 ارب ڈالر سے زائد کا مالی اور اقتصادی نقصان ہوا جبکہ ایک ہزار سے زائد افراد جاں بحق ہوئے اور کئی ہزار مویشی ہلاک یا لاپتا ہوئے ہیں۔
تحقیقات میں انکشاف ہوا کہ ذخیرہ اندوز بھی گھناونے کھیل کے لیے متحرک ہوگئے جبکہ متعلقہ اداروں اور حکومت کی نااہلی سے درآمدی گندم ناقابل استعمال ہو گئی ۔ رپورٹ کےمطابق چینی کے بعد اب اٹے کا بحران شروع ہو گیا ہے اور سیلاب کے دوران آٹا 20 روپے فی کلو مہنگا ہوچکا ہے جبکہ آنے والے دنوں میں مزید 40 روپے مہنگا ہونے کا خدشہ ظاہر کیا گیا ۔
اسی طرح 90 روپے فی کلو والا آٹا اب110 روپے میں فروخت ہو رہاہے اور آٹے کی قیمت 150 روپے فی کلوگرام تک پہنچنے کا خدشہ ہے اسی طرح روٹی کی قیمت 50 روپے تک ہونے کا پہنچنے کا امکان ظاہر کیا جارہا ہے اور چینی تاحال نا پید ہے جب کہ خوردنی گھی اور کوکنگ آئل بھی 20 روپے فی کلو گرام مہنگا ہو گیا ۔
اسی طرح درامدی گندم کو کیڑا ( سسری) کھا گئی ہے جبکہ یہ گندم فنگس کا شکار بھی ہو گئی ۔ رپورٹ کے مطابق 74 ارب روپے کی 6 لاکھ 77 ہزار ٹن گندم ناقابل استعمال ہو گئی کیا یہ گندم درآمد خراب حالت میں درآمد کی گئی یا پھر پاسکو کے گوداموں میں خراب ہوئی اس حوالے سے تحقیقات سامنے لانے کی بجائے داخل دفتر کردی گئی ہیں سال 2022.
ذرائع کا دعویٰ ہے کہ ملک میں موجودہ سیلاب کی تباہ کاریوں کا ناجائز فائدہ اٹھاتے ہوئے ذخیرہ اندوز متحرک ہو گئے ہیں اور ان عناصر نے بڑے وسیع پیمانے پر گندم ذخیرہ کر لی جس کی وجہ سے چند روز قبل 26 سو روپے من فروخت ہونے والی گندم کی قیمت اچانک 39 سو روپے فی من تک پہنچ چکی ہے اور اس میں مزید اضافے اندیشہ ہے ۔
20 کلو گرام آٹے کا تھیلا جو کچھ روز قبل 1300 روپے میں فروخت ہو رہا تھا اب اچانک 19سو روپے میں فروخت ہورہا ہے اسی طرح خوردنی گھی اور تیل بھی 20 روپے فی کلو گرام مہنگے ہو گئے ہیں جبکہ چینی تا حال عام مارکیٹ سے ناپید ہے ۔چینی کا سرکاری ریٹ 8600 روپے 50 کلوگرام کا تھیلا ہے جبکہ ذمہ داران ہر 50 کلوگرام کی بوری پر 50 روپے جگا ٹیکس وصول کرنے لگے ہیں ۔ ذرائع کا کہنا ہے کہ سیلاب کی موجودہ صورت حال کے تناظر میں آنے والے دنوں میں اشیا خوردونوش ۔فروٹ اور سبزیوں کی قیمتوں میں ہوشربا اضافہ ہوگا۔ Post Views: 7
ذریعہ: Daily Mumtaz
کلیدی لفظ: روپے فی کلو فروخت ہو ہے اور ہو گئی
پڑھیں:
کراچی، پانچ دنوں میں آتشزدگی کے متعدد واقعات، اربوں روپے کا نقصان، دو افراد جاں بحق
کراچی:شہر قائد میں گزشتہ پانچ دنوں کے دوران آتشزدگی کے متعدد واقعات رپورٹ ہوئے ہیں جن میں اربوں روپے کا مالی نقصان ہوا ہے۔
ریسکیو حکام کے مطابق، کراچی کے 12 مختلف مقامات پر آگ لگنے کے واقعات پیش آئے، جن میں 2 افراد جاں بحق ہو گئے۔
جامعہ کراچی کے قریب گلشنِ نور اپارٹمنٹ کے پاس جھاڑیوں میں لگنے والی آگ میں ایک 50 سالہ شخص محمد رفیق ولد محمد شریف انصاری جاں بحق ہوگیا۔
گلشنِ اقبال شانتی نگر میں جھونپڑیوں میں لگی آگ کے نتیجے میں 55 سالہ معذور شخص ایوب جھلس کر جان کی بازی ہار گیا۔
حب چوکی روڈ پر ایک فیکٹری میں خوفناک آتشزدگی کے بعد ریسکیو ٹیموں نے بروقت کارروائی کرکے آگ پر قابو پالیا۔
سائٹ ایریا شنگریلا انڈسٹری کے قریب گودام میں بھی آگ لگی، جس پر ریسکیو ٹیموں نے فوری طور پر قابو پایا۔
احسن آباد سائٹ ایریا یوٹوپیا انڈسٹری کے قریب فیکٹری میں بھی آگ کی اطلاع ملی، جسے ریسکیو حکام نے بروقت بجھا دیا۔
نادرن بائی پاس پر پلاسٹک کے گودام میں آگ لگی، جسے ریسکیو ٹیموں نے کامیابی سے قابو کیا۔
کیماڑی فشری مارکیٹ کے قریب کشتیوں میں لگی آگ کو ریسکیو اہلکاروں نے فوری کارروائی سے بڑی تباہی سے بچا لیا۔
کلفٹن ریلوے اسپتال کے قریب اور ایم اے جناح روڈ کے دلپسند سویٹس کے بیسمنٹ میں بھی آگ لگی، جس پر بروقت فائر بریگیڈ نے قابو پایا۔
نارتھ ناظم آباد کے بلاک ای فلیٹ میں آگ لگنے سے بڑا نقصان ہونے سے بچا۔
سب سے شدید آتشزدگی کا واقعہ بلدیہ مواچھ گوٹھ میں پیش آیا، جہاں ایک گودام میں شدید آگ لگی اور تیسرے درجے کی شدت اختیار کر گئی۔
ریسکیو حکام نے بتایا کہ 13 سے زائد فائر ٹینڈرز کئی گھنٹے گزرنے کے باوجود آگ پر قابو پانے کی کوشش میں مصروف ہیں، تاہم خوش قسمتی سے ابھی تک کسی جانی نقصان کی اطلاع نہیں ملی۔
الیکشن کمیشن کی نگران حکومت کی مدت بڑھانے سے متعلق آئین میں ترمیم کی سفارش