ندیم بیگ نے فلم اور ڈرامہ انڈسٹری کے زوال کی وجوہات بتا دیں
اشاعت کی تاریخ: 2nd, September 2025 GMT
کراچی (شوبز ڈیسک) پاکستان فلم و ڈرامہ انڈسٹری کے سینئر اداکار ندیم بیگ نے فلمی دنیا کے زوال پر کھل کر اظہار خیال کیا ہے۔ ان کا کہنا ہے کہ آج بننے والی فلمیں ڈراموں کا تاثر دیتی ہیں کیونکہ وہ لیجنڈری فلم میکرز اب ہمارے درمیان نہیں رہے جنہوں نے حقیقی سینما بنایا تھا۔
ندیم بیگ نے ایک گفتگو میں کہا کہ آج کل زیادہ تر فلم ساز ٹی وی سے آتے ہیں۔ اگرچہ وہ فلمیں بنا رہے ہیں لیکن حقیقت یہ ہے کہ ہماری انڈسٹری کو شدید دھچکا لگا ہے۔ سینما گھر ایک ایک کرکے بند ہو گئے، اسٹوڈیوز ختم ہوگئے اور فلمی ماحول ناپید ہوگیا۔
انہوں نے بتایا کہ وسائل اور سہولیات کی کمی کے باعث فلم ساز اپنی پوری صلاحیت استعمال نہیں کر پاتے۔ پھر بھی ہمیں ان کی کوششوں کو سراہنا چاہیے کہ وہ حالات کے باوجود کچھ نہ کچھ کر رہے ہیں۔
سنیما انڈسٹری کے زوال کی بڑی وجوہات گنواتے ہوئے ندیم بیگ نے کہا کہ تقسیم کے بعد جب مشرقی پاکستان ہم سے جدا ہوا تو ایک بڑی مارکیٹ ہاتھ سے نکل گئی۔ اس کے بعد اسٹوڈیوز بتدریج بند ہونا شروع ہوگئے۔ پاکستان میں فلم اکیڈمیز نہ ہونے کے باعث نئی نسل کو سیکھنے کا کوئی پلیٹ فارم نہیں مل سکا جبکہ ٹکٹوں کی بڑھتی ہوئی قیمتوں نے عام عوام کو سینما گھروں سے دور کردیا۔
ان کے مطابق ہمارے اصل ناظرین نچلے اور متوسط طبقے کے لوگ تھے جو مہنگائی کے باعث سینما کا رُخ نہیں کر پاتے۔ اس لیے اگر ہمیں سنیما کو زندہ کرنا ہے تو سب سے پہلے اسی طبقے کے لیے سہولت پیدا کرنی ہوگی تاکہ وہ دوبارہ بڑی اسکرین سے جڑ سکیں۔
Post Views: 4.ذریعہ: Daily Mumtaz
کلیدی لفظ: ندیم بیگ نے
پڑھیں:
صوبائی وزیر صنعت و تجارت کا لا ہور چیمبر کا دورہ
data-id="863a0a8" data-element_type="widget" data-widget_type="theme-post-content.default">
لاہور (کامرس ڈیسک ) صوبائی وزیر صنعت و تجارت چوہدری شافع حسین نے ایوان صنعت و تجارت لاہور کا دورہ کیا جہاں صنعتکاروں سے ملاقات کی۔ اس موقع پر انڈسٹری اور صنعتکاروں کو درپیش مسائل پر بات چیت ہوئی۔ صدر لاہور چیمبر فہیم الرحمن سہگل نے انڈسٹری اور صنعتکاروں کو درپیش مسائل سے آگاہ کیا۔صوبائی وزیر صنعت و تجارت چوہدری شافع حسین نے صنعتکاروں سے خطاب کرتے ہوئے کہا کہ پنجاب کے صنعتی مراکز میں برسوں سے جاری پراپرٹی کاروبار بند کروادیا اب یہاں صرف انڈسٹری لگ رہی ہے جس سے روزگار کے نئے مواقع پیدا ہو رہے ہیں۔انہوں نے کہا کہ پالیسی کے مطابق انڈسٹریل اسٹیٹس میں صنعتی یونٹس نہ لگانے والوں کے 90 فیصد پلاٹ کینسل کر دئیے گئے ہیں جبکہ پالیسی کے مطابق صنعتی یونٹس نہ لگانے والے باقی لوگوں کے پلاٹ بھی کینسل ہوں گے۔کسی کو بھی پنجاب انڈسٹریل اسٹیٹس کے غلط استعمال کی اجازت نہیں دیں گے۔ صوبائی وزیر نے لاہور چیمبر میں بزنس فسیلیٹیشن سینٹر کے قیام کا اعلان کرتے ہوئے سیکرٹری انڈسٹری کو لاہور چیمبر میں بی ایف سی کے قیام کے لئے ورکنگ شروع کرنے کی ہدایت کی۔انہوں نے کہا کہ پاکستان میں پہلی بار وی وو موبائل فون کی مینوفیکچرنگ شروع ہونے جا رہی ہے۔ صوبائی وزیر نے کہا کہ انڈسٹریل اسٹیٹس میں صنعتی یونٹس لگانے کیلئے پلاٹوں کی قیمتوں میں کمی کی جارہی ہے اب پلاٹس 30 سال کی لیز پر بھی حاصل کئے جاسکتے ہیں۔
آزاد کشمیر: مسلم لیگ (ن) اور پیپلزپارٹی وزیراعظم کے خلاف عدم اعتماد پر متفق