پنجاب میں 10 لاکھ ایکڑ اراضی زیرِ آب، وبائی امراض پھوٹنے کا خدشہ بڑھ گیا
اشاعت کی تاریخ: 5th, September 2025 GMT
پاکستان اس وقت مون سون کے شدید ترین سیلابی بحران سے گزر رہا ہے۔ دریائے سندھ، راوی اور ستلج میں پانی کی سطح بلند ترین ریکارڈز کے قریب پہنچ چکی ہے۔
لاکھوں ایکڑ زرعی اراضی تباہ ہوچکی ہے اور متاثرین کی تعداد روز بروز بڑھ رہی ہے۔
5 ستمبر صبح 6 بجے ڈیمز لیول اور دریاؤں کے اہم مقامات پر پانی کے بہاؤ اور سیلابی سطح کی موجودہ صورتحال۔ pic.
— FFDLahore (@ffdlhr) September 5, 2025
حکومت، فوج اور ریسکیو ادارے امدادی سرگرمیوں میں مصروف ہیں، تاہم متاثرہ علاقوں میں وبائی امراض اور خوراک کی قلت کا خطرہ بڑھ گیا ہے۔
پنجاب میں لاکھوں ایکڑ زیرِ آب، بیماریوں کا خدشہپنجاب میں اب تک 10 لاکھ ایکڑ سے زائد زرعی زمین زیرِ آب آچکی ہے۔ محکمہ صحت کے مطابق متاثرہ علاقوں میں پانی سے پیدا ہونے والی بیماریوں کا خطرہ بڑھ رہا ہے، جس کے باعث طبی ٹیموں کو ایمرجنسی پر تعینات کیا گیا ہے۔
دریائے سندھ میں خطرناک سطح، بیراجوں پر دباؤسندھ انفارمیشن ڈیپارٹمنٹ کے مطابق 5 ستمبر کو گڈو بیراج پر پانی کی آمد 342,153 کیوسک اور اخراج 310,408 کیوسک رہا۔ سکھر بیراج پر آمد 331,230 کیوسک ریکارڈ ہوئی۔
جبکہ کوٹری بیراج پر بھی پانی کی سطح خطرناک حد تک بلند ہوگئی ہے۔ نشیبی علاقے ڈوبنے لگے ہیں۔
راوی اور ستلج میں دباؤ، ہزاروں دیہات متاثرہیڈ بلوکی پر دریائے راوی میں 138,760 کیوسک ریکارڈ کیا گیا۔ ستلج میں بھی پانی کی سطح خطرناک حد تک بڑھ چکی ہے۔
یہ بھی پڑھیں:نواب شاہ: آصفہ بھٹو زرداری نے ممکنہ سیلاب سے نمٹنے کے لیے انتظامات کا جائزہ لیا
پنجاب میں اب تک 3,900 دیہات متاثر ہوئے اور 18 لاکھ سے زائد افراد کو محفوظ مقامات پر منتقل کیا جا چکا ہے۔
گجرات میں تعلیمی ادارے بندڈپٹی کمشنر گجرات نورالعین قریشی نے اعلان کیا کہ شہری سیلاب کی سنگین صورتحال کے باعث آج 5 ستمبر کو ضلع بھر کے تمام تعلیمی ادارے اور دفاتر بند رہیں گے۔
وزیراعلیٰ پنجاب مریم نواز کا دورہ اور امدادی سرگرمیاںوزیراعلیٰ مریم نواز نے گزشتہ روز سیلابی کیمپوں کا دورہ کیا اور متاثرہ بچوں میں تحائف تقسیم کیے۔
انہوں نے کہا کہ حکومت متاثرین کو اکیلا نہیں چھوڑے گی اور ہنگامی بنیادوں پر بحالی کے اقدامات کیے جارہے ہیں۔
آصفہ بھٹو کا سندھ میں دورہ اور تیاریوں کا جائزہپیپلز پارٹی رہنما آصفہ بھٹو نے نوابشاہ کا دورہ کرتے ہوئے کہا کہ سندھ حکومت ممکنہ بڑے ریلا سے نمٹنے کے لیے تیار ہے۔
یہ بھی پڑھیں:این ڈی ایم اے کا سیلابی الرٹ، دریاؤں میں اونچے درجے کے بہاؤ کی نشاندہی، عوام کو محتاط رہنے کی ہدایت
انہوں نے امدادی کیمپوں اور طبی سہولیات کا معائنہ کیا اور کہا کہ “سیلاب متاثرین کی حفاظت اولین ترجیح ہے۔
اقوام متحدہ کے سیکریٹری جنرل کا اظہار افسوساقوام متحدہ کے سیکریٹری جنرل نے گزشتہ روز پاکستان میں حالیہ تباہ کن سیلاب پر گہرے دکھ کا اظہار کیا اور عالمی برادری سے اپیل کی کہ متاثرہ لوگوں کی فوری امداد کے لیے آگے آئیں۔
حکومت کا بڑا فیصلہ: ملتان کو بچانے کے لیے دریائے چناب کا بند توڑنے پر غورحکومت نے اعلان کیا ہے کہ اگر پانی کی سطح مزید بڑھی تو ملتان شہر کو بچانے کے لیے دریائے چناب کے بند کو توڑنے کا فیصلہ کیا جاسکتا ہے۔
یہ بھی پڑھیں:دریائے چناب و ستلج میں بلند ترین سیلاب، لاکھوں افراد متاثر، حکومت کا بڑے ریلیف آپریشن کا دعویٰ
حکام کا کہنا ہے کہ یہ اقدام آخری آپشن کے طور پر استعمال ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصفہ بھٹو پنجاب چناب دریائے چناب دریائے راوی سندھ سیلاب مریم نواز ملتان وزیراعلٰی پنجابذریعہ: WE News
کلیدی لفظ: ا صفہ بھٹو دریائے چناب دریائے راوی سیلاب مریم نواز ملتان دریائے چناب پانی کی سطح ستلج میں کے لیے
پڑھیں:
پنجاب میں جنگلی حیات کے تحفظ کے لیے نئے قوانین اور جرمانوں میں اضافہ
پنجاب حکومت نے صوبے میں جنگلی حیات کے تحفظ اور انسانی آبادیوں کو ممکنہ خطرات سے محفوظ رکھنے کے لیے اہم اقدامات کیے ہیں۔ نئے اقدامات میں ’’پنجاب وائلڈ لائف ہیزرڈ کنٹرول رولز 2025‘‘ کا نفاذ اور جنگلی حیات کے قوانین میں ترامیم شامل ہیں، جو ماحول اور حیاتیاتی تنوع کے تحفظ کو جدید خطوط پر استوار کریں گی۔ سرکاری اعلامیے کے مطابق نئے قواعد کا مقصد انسان اور جنگلی جانوروں کے درمیان تصادم یا خطرے کی صورت میں سائنسی، منظم اور فوری کارروائی ممکن بنانا ہے۔ اگر کوئی جانور انسانی جان یا دیگر جانداروں کے لیے خطرہ بن جائے یا کسی بیماری یا چوٹ کی وجہ سے زندہ رہنے کے قابل نہ ہو، تو چیف وائلڈ لائف رینجر عوامی شکایات اور سائنسی شواہد کی بنیاد پر کارروائی کا حکم دے سکے گا۔ ہنگامی حالات میں رینجر متعلقہ ماہرین سے مشورہ کرکے جانور کو قابو میں لانے، منتقل کرنے یا ہٹانے کا فیصلہ کرے گا۔ تمام اقدامات کے لیے ویٹرنری ماہرین اور پنجاب کیپٹیو وائلڈ لائف مینجمنٹ کمیٹی سے مشاورت لازمی ہوگی۔ قوانین میں غیر قانونی شکار کے جرمانے بڑھا دیے گئے ہیں۔ فرسٹ شیڈول کے بعض پرندوں کا شکار یا قبضہ 10 ہزار روپے فی جانور، باز، ہریڑ، لگر اور الو کا معاوضہ ایک لاکھ روپے، شیڈول دوئم اور سوئم کے ممالیہ جانوروں کا معاوضہ ایک لاکھ روپے جبکہ گیدڑ، سور اور جنگلی سور کا معاوضہ 25 ہزار روپے مقرر کیا گیا ہے۔ شکار میں استعمال ہونے والے آلات پر بھی جرمانے سخت کیے گئے ہیں، شارٹ گن 25 ہزار، غیر ملکی شارٹ گن 50 ہزار، مقامی رائفل 50 ہزار، غیر ملکی رائفل ایک لاکھ، پی سی پی ائیر گن 50 ہزار، گاڑی یا جیپ 5 لاکھ، موٹر سائیکل ایک لاکھ، سائیکل یا کشتی 25 ہزار اور برقی آلات 25 ہزار روپے کا جرمانہ ہوگا۔ اعزازی گیم وارڈن کا عہدہ ختم کر دیا گیا ہے جبکہ کمیونٹی بیسڈ کنزروینسی کے ارکان کو قانونی اختیار حاصل ہوگا کہ وہ غیر قانونی شکار یا تجارت کی روک تھام میں مدد دے سکیں۔ شکار، بریڈنگ اور خرید و فروخت کے اجازت ناموں کی نیلامی کے لیے ڈیجیٹل پلیٹ فارم متعارف کرایا جائے گا، کتوں کی دوڑ میں زندہ خرگوش کے استعمال پر پابندی ہوگی اور صرف مشینی چارے کی اجازت دی جائے گی۔ صوبے بھر میں جدید آلات سے لیس خصوصی وائلڈ لائف پروٹیکشن سینٹرز قائم کیے جائیں گے جہاں اہلکاروں کو وارنٹ کے بغیر تلاشی اور گرفتاری کا اختیار حاصل ہوگا تاکہ جنگلی حیات کے تحفظ سے متعلق قوانین پر مؤثر عمل در آمد یقینی بنایا جا سکے۔ نئے قوانین کا مقصد نہ صرف جنگلی حیات کے تحفظ کو یقینی بنانا ہے بلکہ انسانی زندگی اور معاشرتی تحفظ کو بھی برقرار رکھنا ہے۔
حیدرآباد ،شہریوں کی بڑی تعداد نے کشمیریوں کی حمایت میں کیے گئے مظاہرے میں بھرپور شرکت کی