انسٹاگرام نے تخلیق کاروں کے لیے خصوصی فیچر لانچ کردیا
اشاعت کی تاریخ: 7th, September 2025 GMT
سوشل میڈیا پلیٹ فارم انسٹاگرام نے تخلیق کاروں (کریئیٹرز) کے لیے ایک اہم فیچر متعارف کرا دیا ہے جس کے تحت وہ اب اپنی ہی پوسٹس اور ریلز پر کیے گئے اپنے تبصروں کو پنِ (Pin) کر سکیں گے۔
یہ بھی پڑھیں: میٹا نے فیس بک اور انسٹاگرام پر اے آئی ترجمہ فیچر متعارف کرا دیا
اس نئی سہولت سے تخلیق کاروں کو نہ صرف اپنی بات کو نمایاں کرنے کا موقع ملے گا بلکہ بحث و مباحثے کے انداز اور لہجے کو کنٹرول کرنے میں بھی آسانی ہوگی۔
واضح رہے کہ فی الحال عام صارفین صرف دوسرے لوگوں کے تبصرے کو پن کر سکتے ہیں (اگر ان کے پاس یہ فیچر فعال ہے) لیکن اپنا تبصرہ پن کرنے کی سہولت صرف ان صارفین کو دی جا رہی ہے جنہیں انسٹاگرام کریئیٹر کے طور پر پہچانتا ہے یعنی ایسے صارفین جو انسٹاگرام پر کریئیٹر اکاؤنٹ استعمال کر رہے ہوں۔
اپڈیٹ میں کیا نیا ہے؟انسٹاگرام کے سربراہ ایڈم موسیری کے مطابق یہ فیچر تخلیق کاروں کو یہ سہولت دیتا ہے کہ وہ اہم معلومات کو اجاگر کریں، بامقصد گفتگو شروع کریں یا اضافی سیاق و سباق فراہم کریں۔
پہلے انسٹاگرام پر صرف صارفین کے تبصرے پن کیے جا سکتے تھے لیکن اب یہ سہولت تخلیق کاروں کے اپنے تبصروں تک بھی بڑھا دی گئی ہے۔
نئے فیچر کے فوائدنئے فیچر کے فوائد کچھ اس طرح ہیں۔ اہم لنکس یا تفصیل شیئر کرنے کے لیے تبصرہ پن کیا جا سکتا ہے، ناظرین کو اضافی معلومات یا ہدایات دی جا سکتی ہیں اور گفتگو کا لہجہ بہتر اور مثبت بنایا جا سکتا ہے۔
مزید پڑھیے: انسٹاگرام کا نیا ری پوسٹنگ فیچر، جانیں کیا ہے اور کیسے کام کرتا ہے؟
علاوہ ازیں مجموعی مصروفیت کو بڑھانے میں مدد ملے گی اور یہ فیچر خصوصاً ان کریئیٹرز کے لیے فائدہ مند ہے جو اپنی کمیونٹی سے گہرا رابطہ رکھنا چاہتے ہیں۔
انسٹاگرام آئی پیڈ ایپ بھی لانچانسٹاگرام نے اس کے ساتھ ساتھ آئی پیڈ کے لیے بھی آفیشل ایپ لانچ کر دی ہے جو تمام اہم فیچرز جیسے کہ اسٹوریز، فیڈ، اور میسجنگ پر مشتمل ہے۔
ایپ کو بڑی اسکرینز کے لیے نئے انداز میں ڈیزائن کیا گیا ہے۔ ریلز کو خاص اہمیت دی گئی ہے۔ ملٹی کالم ڈیزائن متعارف کیا گیا ہے تاکہ ڈی ایمز اور نوٹیفکیشنز زیادہ آسانی سے دیکھے جا سکیں۔
ایپ آئی فون کے مقابلے میں زیادہ تیز اور ہموار تجربہ فراہم کرتی ہے۔
مزید پڑھیں: شادی کے بعد غائب ہونے والا شوہر برسوں بعد انسٹاگرام ریلز پر دوسری عورت کے ساتھ نظر آگیا
انسٹاگرام کی یہ اپڈیٹس نہ صرف کریئیٹرز کو مزید بااختیار بناتی ہیں بلکہ صارفین کے لیے بہتر اور زیادہ کنٹرولڈ تعامل کا موقع بھی فراہم کرتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسٹاگرام انسٹاگرام پر کریئیٹررز کے لیے فیچر انسٹاگرام تخلیق کاروں کے لیے فیچر انسٹاگرام نیا فیچر.ذریعہ: WE News
کلیدی لفظ: انسٹاگرام انسٹاگرام نیا فیچر انسٹاگرام پر تخلیق کاروں کے لیے
پڑھیں:
پاکستان میں کاروبار سے متعلق غیر ملکی انویسٹرز کے اعتماد میں اضافہ، رپورٹ جاری
اوورسیز انویسٹر چیمبر آف کامرس اینڈ انڈسٹری (او آئی سی سی آئی) نے 2025 کی ایک سروے رپورٹ جاری کی ہے جس میں بتایا گیا ہے کہ غیر ملکی سرمایہ کاروں کا پاکستان پر اظہار اعتماد بڑھ گیا ہے۔
او آئی سی سی آئی سروے رپورٹ کے مطابق 73 فیصد غیر ملکی سرمایہ کار پاکستان میں سرمایہ کاری پر مطئمن ہیں۔ ایس آئی ایف سی کی کاوشوں نے پاکستان کی ترقی اور غیرملکی سرمایہ کاری کے نئے باب روشن کر دئیے ہیں۔
سرمایہ کار دوست پالیسی کی بدولت پاکستان پر غیر ملکی سرمایہ کاروں کے اعتماد میں نمایاں اضافہ ہوا ہے۔ سروے 2025 کے مطابق مستقبل کی غیر ملکی سرمایہ کاری کے لیے تین چوتھائی سے زائد بین الاقوامی سرمایہ کار پاکستان کوقابلِ اعتماد سمجھتے ہیں۔
سروے رپورٹ میں یہ بھی بتایا گیا کہ 2025 میں 73 فیصد غیرملکی سرمایہ کاروں نے پاکستان کو سرمایہ کاری کے لیے موزوں قرار دیا۔ 2023 میں یہ شرح 61 فیصد تک ریکارڈ کی گئی تھی۔
او آئی سی سی آئی کے صدر، یوسف حسین کے مطابق ایس آئی ایف سی نے سرمایہ کاری کے فروغ اور بین الحکومتی ہم آہنگی کے لیے ایک منظم طریقہ کار فراہم کیا ہے۔ غیر ملکی سرمایہ کاروں نے آئی ٹی ، زراعت، توانائی، فارما اور برآمدی صنعت کو سرمایہ کاری کے لیے سب سے پرکشش شعبہ قرار دیا۔
وزیراعظم شہباز شریف 3 روزہ دورے پر سعودی عرب پہنچ گئے