قیمتی دھاتوں کی کان کنی کیلئے پاکستان اور امریکی کمپنیوں کے درمیان معاہد، 50 کروڑ ڈالر کی سرمایہ کاری کا اعلان
اشاعت کی تاریخ: 8th, September 2025 GMT
وزیراعظم شہباز شریف سے امریکی کمپنیوں کے اعلیٰ سطحی وفد نے ملاقات کی ہے، جس میں اہم معاہدے اور مفاہمت کی یادداشتوں (ایم او یوز) پر دستخط کردیے گئے۔
سرکاری اعلامیے کے مطابق ابتدائی مرحلے میں پاکستان میں 50 کروڑ ڈالر کی سرمایہ کاری کا اعلان کیا گیا ہے۔
یہ بھی پڑھیں: پاکستان امریکا کے ساتھ معاشی تعاون بڑھانے کا خواہاں ہے، وزیر خزانہ محمد اورنگزیب
امریکی وفد نے پاکستان میں کان کنی کے شعبے اور بنیادی ڈھانچے کی ترقی میں سرمایہ کاری کے امکانات کا جائزہ لیا۔ وفد کو پاکستان کے تانبے، سونے اور دیگر قیمتی معدنیات کے وسیع ذخائر سے آگاہ کیا گیا۔
اس موقع پر نائب وزیراعظم و وزیرخارجہ اسحاق ڈار، وفاقی وزرا اور چیف آف آرمی اسٹاف فیلڈ مارشل عاصم منیر بھی موجود تھے۔
ملاقات کے دوران 2 اہم ایم او یوز پر دستخط ہوئے جن میں معدنیات کی ترقی و پروسیسنگ اور لاجسٹکس کے شعبے میں تعاون شامل ہے۔
فرنٹیئر ورکس آرگنائزیشن (ایف ڈبلیو او) اور امریکی کمپنی کے درمیان کریٹیکل منرلز کے حوالے سے تاریخی معاہدہ طے پایا، جس کے ابتدائی مرحلے میں 50 کروڑ ڈالر کی سرمایہ کاری کا اعلان کیا گیا۔
اس معاہدے کے تحت پاکستان سے اینٹیمونی، تانبا، سونا، ٹنگسٹن اور دیگر قیمتی معدنیات برآمد کی جائیں گی جبکہ امریکی کمپنی ملک میں ایک جدید پولی میٹلک ریفائنری قائم کرے گی، جو ٹیکنالوجی کی منتقلی، روزگار کے مواقع اور پائیدار ترقی کو فروغ دے گی۔
اسی طرح، نیشنل لاجسٹکس کارپوریشن اور امریکی کمپنی کے درمیان بھی لاجسٹکس اور تعمیرات کے شعبے میں مفاہمت کی یادداشت پر دستخط کیے گئے ہیں۔ امریکی کمپنی پاکستان میں طویل مدتی شراکت داری کے خواہاں ہے۔
یہ بھی پڑھیں: پاکستان امریکا تعلقات کو پاک چین دوستی کے تناظر میں نہ دیکھا جائے، اسحاق ڈار
وفد کے دورے اور معاہدوں کو پاکستان میں غیر ملکی سرمایہ کاری کے نئے دور کی شروعات قرار دیا جا رہا ہے، جو ملک کے معدنی وسائل اور بنیادی ڈھانچے کے شعبوں میں نمایاں ترقی کا باعث بنے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایم او یو پر دستخط پاکستان امریکا معاہدہ شہباز شریف قیمتی دھاتیں وزیراعظم پاکستان وی نیوز.ذریعہ: WE News
کلیدی لفظ: ایم او یو پر دستخط پاکستان امریکا معاہدہ شہباز شریف قیمتی دھاتیں وزیراعظم پاکستان وی نیوز کی سرمایہ کاری امریکی کمپنی پاکستان میں
پڑھیں:
چین نے ٹیکنالوجی کمپنیوں کو امریکی اے آئی چپس خریدنے سے روک دیا
data-id="863a0a8" data-element_type="widget" data-widget_type="theme-post-content.default">
بیجنگ (انٹرنیشنل ڈیسک) چین نے اپنی ٹیکنالوجی کمپنیوں کو امریکی کمپنی این ویڈیا کی اے آئی چپس خریدنے سے روک دیا۔ برطانوی جریدے کے مطابق سائبر اسپیس ایڈمنسٹریشن آف چائنا کی بائٹ ڈانس اور علی بابا سمیت دیگر کمپنیوں کو امریکی کمپنی سے چپس نہ لینے کی ہدایت کی گئی ہے۔چین کا اس حوالے سے کہنا ہے کہ چینی ٹیکنالوجی کمپنیاں امریکی کمپنی این ویڈیا کی تمام آرٹیفیشل انٹیلی جنس چپس کی خریداری اور آرڈرز بھی منسوخ کر دیں۔
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید