مزدور کا حق دلائیں گے! رومہ مشتاق مٹو کا مزدوروں کے لیے بڑا اعلان
اشاعت کی تاریخ: 9th, September 2025 GMT
کراچی:
سندھ اسمبلی کی رکن اور پارلیمانی سیکرٹری برائے اقلیتی امور، رومہ مشتاق مٹو نے کہا ہے کہ دورانِ ڈیوٹی جاں بحق ہونے والے مزدور اقبال مسیح کی قربانی پورے مزدور طبقے کے لیے ایک پیغام ہے کہ ان کے حقوق کی جدوجہد جاری رہے گی۔ اس موقع پر ان کے ہمراہ پاکستان پیپلز پارٹی کراچی ڈویژن منارٹیز وِنگ کے صدر جناب مشتاق مٹو بھی موجود تھے۔
تفصیلات کے مطابق یہ افسوسناک واقعہ کراچی کے علاقے مرتضیٰ چورنگی میں پیش آیا، جہاں صفائی کے دوران حفاظتی اقدامات نہ ہونے کے باعث مزدور اقبال مسیح جان کی بازی ہار گئے۔
رومہ مشتاق مٹو نے کہا کہ یہ مزدور طبقے کے ساتھ سنگین ناانصافی ہے۔ انہوں نے بتایا کہ مسلسل جدوجہد اور مذاکرات کے نتیجے میں متاثرہ خاندان کے ایک بیٹے کو ملازمت دی گئی ہے جبکہ دونوں نجی اداروں کی طرف سے چار چار لاکھ روپے معاوضہ بھی دلایا گیا ہے۔
انہوں نے کہا کہ یہ کامیابی مزدوروں کی اجتماعی طاقت اور اتحاد کی جیت ہے، تاہم یہ جدوجہد یہیں ختم نہیں ہوتی۔ وہ اس معاملے کو سندھ اسمبلی کے فلور پر بھی بھرپور طریقے سے اٹھائیں گی تاکہ مستقبل میں کوئی مزدور اس طرح اپنی جان نہ گنوائے۔
اس موقع پر جناب مشتاق مٹو نے کہا کہ پاکستان پیپلز پارٹی شہید ذوالفقار علی بھٹو اور شہید بے نظیر بھٹو کے مشن پر کاربند ہے۔ پیپلز پارٹی نے ہمیشہ مزدوروں، کسانوں اور محنت کش طبقے کے لیے آواز بلند کی ہے اور قربانیاں دی ہیں۔ مزدوروں کے جائز حقوق کے لیے جدوجہد ہر محاذ پر جاری رہے گی۔
رومہ مشتاق مٹو اور مشتاق مٹو نے آخر میں کہا کہ "مزدور کا پسینہ سُوکھنے نہ دیں گے، اُس کا حق ضرور دلائیں گے۔"
.ذریعہ: Express News
کلیدی لفظ: رومہ مشتاق مٹو مشتاق مٹو نے نے کہا کے لیے کہا کہ
پڑھیں:
لکسمبرگ کا فلسطین کو بطور ریاست تسلیم کرنے کا اعلان
data-id="863a0a8" data-element_type="widget" data-widget_type="theme-post-content.default">
لکسمبرگ نے فلسطین کو بطور ریاست تسلیم کرنے کا اعلان کر دیا۔
غیر ملکی میڈیا رپورٹس کے مطابق لکسمبرگ نے فلسطین کے حق میں ایک تاریخی قدم اٹھاتے ہوئے اقوام متحدہ کی جنرل اسمبلی کے اجلاس میں اسے بطور ریاست تسلیم کرنے کا اعلان کر دیا ہے، یہ اعلان لکسمبرگ کے وزیراعظم لُک فریڈن نے اپنے خطاب کے دوران کیا۔
وزیراعظم فریڈن نے کہا کہ حالیہ مہینوں میں مشرقِ وسطیٰ کی صورتحال سنگین حد تک بگڑ چکی ہے، جس کے نتیجے میں نہ صرف خطے بلکہ یورپ اور دنیا بھر میں دو ریاستی حل کے لیے ایک نئی اور مضبوط تحریک جنم لے رہی ہے، فلسطینی عوام کے حقِ خودارادیت کو عملی شکل دینا عالمی امن کے لیے ناگزیر ہے۔
انہوں نے واضح کیا کہ لکسمبرگ کی حکومت عالمی برادری کے ساتھ کھڑی ہے اور اسی تناظر میں جنرل اسمبلی کے اجلاس میں فلسطین کو تسلیم کرنے والے ممالک میں شامل ہوگی۔ وزیراعظم کے بقول، وقت آگیا ہے کہ الفاظ سے آگے بڑھ کر عملی فیصلے کیے جائیں تاکہ خطے میں پائیدار امن کی راہ ہموار ہو سکے۔
دوسری جانب سپین نے اسرائیل کے ساتھ ہتھیاروں کی ایک بڑی ڈیل منسوخ کر دی ہے جس کی مالیت تقریباً 70 کروڑ یورو (825 ملین ڈالر) تھی، یہ معاہدہ اسرائیلی کمپنی ایل بٹ سسٹمز کے تیار کردہ راکٹ لانچر سسٹمز کی خریداری سے متعلق تھا۔
اقوام متحدہ نے پہلی بار اپنی باضابطہ رپورٹ میں غزہ پر اسرائیل کی جارحیت کو نسل کشی قرار دے دیا۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ