قائداعظم کے نظریات مشعلِ راہ ہیں، وزیراعظم
اشاعت کی تاریخ: 11th, September 2025 GMT
بابائے قوم قائداعظم محمد علی جناح کی 77ویں برسی کے موقع پر وزیراعظم پاکستان شہباز شریف نے ان کی بے مثال سیاسی قیادت، قومی خدمات اور نظریاتی رہنمائی کو زبردست خراج عقیدت پیش کیا ہے اور کہا ہے کہ پاکستان کو فلاحی ریاست بنانے کے لیے قائداعظم کے نظریات مشعلِ راہ ہیں۔
یہ بھی پڑھیں: حکومت رواداری اور باہمی احترام کے ماحول کو فروغ کے لیے پرعزم ہے، وزیراعظم شہباز شریف
وزیراعظم نے کہا کہ قائداعظم نے نامساعد حالات میں اپنی سیاسی بصیرت اور قائدانہ صلاحیتوں کے ذریعے برصغیر کے مسلمانوں کے لیے ایک علیحدہ وطن حاصل کیا، جو آج اسلامی جمہوریہ پاکستان کی صورت میں دنیا کے نقشے پر موجود ہے۔
اپنے پیغام میں وزیراعظم شہباز شریف کا کہنا تھا کہ قائداعظم نے مسلمانوں کے سیاسی، مذہبی، معاشی اور ثقافتی حقوق کے تحفظ کے لیے ایک آزاد ریاست کے قیام کی مخلصانہ جدوجہد کی، اللہ تعالیٰ نے ان کی قیادت میں اس جدوجہد کو بارآور کیا اور ہمیں پاکستان کی صورت میں ایک نظریاتی اسلامی ریاست کی نعمت سے نوازا۔
آج باباۓ قوم قائد اعظم محمد علی جناح کی 77 ویں برسی پر ان کی بے مثال سیاسی قیادت اور بے لوث قومی رہنمائی پر پورا ملک انکو خراج عقیدت پیش کرتا ہے۔
قائد اعظم محمد علی جناح دنیا کی تاریخ کے وہ عظیم راہنما ہیں جنہوں نے انتہائی نامسائد حالات میں اپنی سیاسی بصیرت اور قائدانہ…
— Shehbaz Sharif (@CMShehbaz) September 11, 2025
وزیراعظم نے تقسیم ہند کے وقت درپیش چیلنجز جیسے کہ لاکھوں افراد کی نقل مکانی، وسائل کی کمی اور انتظامی دشواریوں کا ذکر کرتے ہوئے کہا کہ ان مشکلات کے باوجود قائداعظم نے ایک مضبوط ریاست کی بنیاد رکھی اور قوم کو ترقی و خوشحالی کی راہ دکھائی۔
انہوں نے کہا کہ قائداعظم نے پاکستان کی بنیاد مسلمہ اصولوں پر رکھی، جن میں مذہبی آزادی، برابری، جمہوریت، انصاف اور اقلیتوں کے حقوق شامل ہیں، قائد کی سیاسی میراث ہی پاکستان کی ترقی، فلاح و بہبود اور خوشحالی کا راستہ ہے۔
یہ بھی پڑھیں: یوم قائد اعظم پر ایرانی سفیر کا بانی پاکستان کو زبردست خراج تحسین
شہباز شریف نے قوم پر زور دیا کہ وہ قائداعظم کے نظریاتی اصولوں ایمان، اتحاد اور یقین محکم پر کاربند رہتے ہوئے ملک کو ایک حقیقی اسلامی فلاحی ریاست بنانے کی اجتماعی کوششوں کو یقینی بنائے۔
انہوں نے کہا کہ پاکستان کو ترقی یافتہ ممالک کی صف میں لانے کے لیے قوم کو قائداعظم کی تعلیمات کو اپنی آئندہ نسلوں تک پہنچانا ہوگا۔
یہ بھی پڑھیں: قربانی سے تعمیر تک۔۔۔قائد کے پاکستان کی تلاش!!!
اپنے پیغام کے اختتام پر وزیراعظم نے دعا کی کہ اللہ تعالیٰ بانی پاکستان کے درجات بلند کرے اور قوم کو ان کے بتائے ہوئے راستے پر چلنے کی توفیق عطا فرمائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بابائے قوم برسی پاکستان شہباز شریف قائداعظم.ذریعہ: WE News
کلیدی لفظ: پاکستان شہباز شریف شہباز شریف پاکستان کی کے لیے کہا کہ
پڑھیں:
شہرِ قائد میں سب سے زیادہ چالان کس ٹریفک قانون کی خلاف ورزی پر جاری ہوئے؟
ویب ڈیسک : ٹریفک پولیس کی جانب سے قوانین کی خلاف ورزی پر 24 گھنٹوں میں مزید 5791 الیکٹرانک چالان جاری کیے گئے۔
ٹریفک پولیس کے مطابق بدھ کی شب 12 بجے سے جمعرات کی شب 12 بجے تک سیٹ بیلٹ نہ باندھنے پر 3546 ای چالان ،بغیر ہیلمٹ موٹر سائیکل چلانے پر 1555، ریڈ لائٹ کی خلاف ورزی پر 325، موبائل فون کے استعمال پر 166، اوور اسپیڈنگ پر 65 چالان کیے گئے ۔ اس کے علاوہ کالے شیشوں پر 40 ای چالان ، نوپارکنگ پر 19 ، رانگ وے پر 13،اوور لوڈنگ پر 9 اور بے جا لوڈ پر 6ای چالان جاری کیے گئے ہیں۔
فضائی آلودگی کا وبال، لاہور دنیا کے آلودہ شہروں میں پھر سرفہرست
ترجمان کے مطابق یہ نظام شہریوں میں ٹریفک قوانین کی پاسداری کو یقینی بنانے اورمؤثرنگرانی کے لیے ایک اہم سنگ میل ہےاورعوامی تعاون سے یہ نظام مزید بہتر بنایا جا رہا ہے۔
شہریوں سے اپیل ہے کہ ٹریفک قوانین کی مکمل پاسداری کریں تاکہ شہر میں ٹریفک کا نظام بہتر ہو اور حادثات میں کمی لائی جا سکے۔
یاد رہے کہ شہرِ قائد میں گزشتہ4 روزکے دوران ای چالانز کی تعداد18ہزار733 سے تجاوز کرگئی۔
عدالت نے عمران خان اور بشریٰ بی بی کی گرفتاری 5 مقدمات میں روک دی