خواجہ آصف نے حارث پر جرمانے کے بعد بھارت کو ایک بار پھر 0-6 یاد دلادیا
اشاعت کی تاریخ: 28th, September 2025 GMT
ویب ڈیسک:وزیر دفاع خواجہ آصف نے انٹرنیشنل کرکٹ کونسل (آئی سی سی) کی جانب سے حارث رؤف پر جرمانے پر بھارت کو ایک مرتبہ پھر 0-6 کا اسکور یاد دلادیا۔
پاکستان اور بھارت کے درمیان حالیہ ایشیا کپ میچ کے دوران ہونے والے جذباتی لمحات اب کرکٹ گراؤنڈ سے نکل کر سیاسی و سوشل میڈیا پر بھی موضوعِ بحث بن چکے ہیں۔21 ستمبر کو دبئی میں ہونے والے پاک-بھارت میچ میں پاکستانی فاسٹ بولر حارث رؤف نے ایک وکٹ لینے کے بعد "0-6" اور جہاز گرنے کا اشارہ کیا تھا، جو بھارت کے خلاف ماضی کی فتوحات کی یاد دہانی سمجھا گیا۔ اس جشن پر آئی سی سی نے حارث رؤف پر میچ فیس کا 30 فیصد جرمانہ عائد کر دیا۔
پاک،بھارت ایشیا کپ فائنل، شائقین کرکٹ پر سخت پابندیاں عائد
اسی میچ میں صاحبزادہ فرحان کو نصف سنچری کے بعد "بندوق" کے انداز میں بیٹ دکھانے پر صرف وارننگ دی گئی جبکہ پاکستان کی جانب سے بھارتی کپتان سوریا کمار یادو کے خلاف بھی شکایت کی گئی۔ آئی سی سی نے سوریا کمار یادو کو بھی قصوروار قرار دیتے ہوئے ان پر بھی 30 فیصد جرمانہ عائد کیا۔
اس پر وزیر دفاع خواجہ آصف نے طنزیہ تبصرہ کرتے ہوئے سوشل میڈیا پر لکھا کہ ’’حارث رؤف پر 30 فیصد، سوریا کمار پر بھی 30 فیصد جرمانہ، جو کہ ملا کر 60 بنتا ہے… اور وہی پھر بنتا ہے 0-6‘‘۔
(اشارہ پاکستان کی بھارت کے خلاف آئی سی سی ایونٹس میں 6-0 برتری کی طرف) تھا
دوسری جانب چیئرمین پی سی بی محسن نقوی نے حارث رؤف پر عائد جرمانہ ذاتی طور پر ادا کرنے کا اعلان کر دیا ہے۔ ذرائع کے مطابق محسن نقوی نے اس فیصلے کے ذریعے حارث کا حوصلہ بلند رکھنے اور ٹیم کے ساتھ اظہار یکجہتی کا پیغام دیا ہے۔
یکم اکتوبر کو تعطیل کا اعلان ، نوٹیفکیشن جاری
.ذریعہ: City 42
پڑھیں:
ڈاکٹر نبیہا خان نے ہنی مون کے بجائے عمرے پر جانے کی خواہش کا اظہار کردیا
معروف سوشل میڈیا انفلوئنسر ڈاکٹر نبیہا نے ہنی مون کی جگہ عمرے پر جانے کی خواہش کا اظہار کر دیا۔
تفصیلات کے مطابق معروف سوشل میڈیا انفلوئنسر اور ڈاکٹر نبیہا علی خان نے اپنے کم عمر دوست حارث کھوکھر سے تین روز قبل نکاح کیا ہے۔
نکاح کی یہ تقریب معروف مبلغ مولانا طارق جمیل کے گھر پر ہوئی جبکہ انہوں نے ہی نکاح پڑھایا۔
ڈاکٹر نبیہا اور اُن کے شوہر حارث کھوکھر نکاح کے بعد میڈیا پر آگئے ہیں۔ نجی ٹی وی کے مارننگ شو میں گفتگو کرتے ہوئے حارث کھوکھر نے کہا کہ انہیں پہاڑی علاقے، وادیاں پسند ہیں اور ہنی مون کیلیے ’میں نے نبیہا کو ویڈیوز بھی بھیجیں جبکہ ہمارا باکو جانے کا ارادہ تھا۔‘
حارث کھوکھر کے مطابق نبیہا نے ہنی مون کی بجائے عمرے پر جانے کی خواہش کا اظہار کیا جس کے بعد ہم نے عمرے پر جانے کا ارادہ کیا ہے۔
ڈاکٹر نبیہا علی خان نے کہا کہ وہ جلد اپنے شوہر، ساس اور سسر کے ساتھ عمرہ ادائیگی کیلیے جائیں گی۔
واضح رہے کہ مولانا طارق جمیل نے سوشل میڈیا انفلوئنسر کو اپنی بیٹی بنایا ہوا تھا اور اُن کے گھر میں ہی نکاح کی تقریب کا انعقاد کیا گیا۔ ڈاکٹر نبیہا کا حق مہر ایک لاکھ روپے مقرر کیا گیا ہے۔
وزیراعظم سے ترک وزیر داخلہ کی ملاقات، مضبوط اور برادرانہ تعلقات کا اعادہ