کراچی پولیس کی کارروائیاں، 50 ملزمان گرفتار
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں پولیس نے کارروائیوں کے دوران 50 ملزمان کو گرفتار کرلیا، جب کہ متعدد مقابلوں میں زخمی ڈاکوؤں کو حراست میں لیا گیا۔ پولیس کے مطابق گرفتار ملزمان کے قبضے سے اسلحہ، منشیات، موبائل فونز، موٹر سائیکلیں، نقدی اور مسروقہ سامان برآمد کیا گیا۔تفصیلات کے مطابق سعید آباد پولیس نے میمن کالونی میں مبینہ مقابلے کے بعد دو ڈاکوؤں صدام حسین اور سائیں بخش کو زخمی حالت میں گرفتار کیا، جبکہ چاکیواڑہ اور کلاکوٹ پولیس نے لیاری کے مختلف علاقوں سے تین زخمی ڈاکوؤں بلال عرف ٹینشن، حارث عرف رام جانے اور اسماعیل عرف بنگالی کو گرفتار کرلیا۔ اسی طرح سہراب گوٹھ میں پولیس مقابلے کے بعد چار ملزمان کاشف، رحمان، رسول بخش اور سعید کو حراست میں لیا گیا۔پولیس ترجمان کے مطابق شہر کے مختلف تھانوں — عزیز آباد، سول لائن، اورنگی، اور نیو کراچی — میں کومبنگ آپریشن کے دوران داخلی و خارجی راستے بند کر کے مشتبہ افراد کی بائیومیٹرک تصدیق کی گئی۔ آپریشن کے نتیجے میں پانچ افغان باشندے بھی حراست میں لیے گئے۔دیگر کارروائیوں میں گلستانِ جوہر، کورنگی، ماڈل کالونی اور سعود آباد پولیس نے اسٹریٹ کرائم میں ملوث 15 ملزمان کو گرفتار کیا، جن کے قبضے سے چھینی گئی موٹر سائیکلیں، موبائل فون اور نقدی برآمد ہوئی۔گارڈن پولیس نے سی سی ٹی وی کی مدد سے موٹر سائیکل چور اسد احمد کو گرفتار کیا، جب کہ ملیر کینٹ اور اسٹیل ٹاؤن پولیس نے وحید علی اور سراج خان کو اسٹریٹ کرائم کی وارداتوں میں ملوث ہونے پر حراست میں لیا۔مزید برآں عیدگاہ اور چاکیواڑہ پولیس نے جوئے کے اڈے پر چھاپہ مار کر سات افراد کو گرفتار کیا۔ گلشن اقبال، عزیز بھٹی، جمشید کوارٹرز اور بلوچ کالونی پولیس نے گٹکا ماوا فروخت کرنے والے چار افراد کو بھی گرفتار کیا، جن کے قبضے سے 170 پڑیاں، 6 کلو تیار ماوا اور 2190 روپے نقدی برآمد ہوئے۔پولیس حکام کے مطابق تمام گرفتار ملزمان کے خلاف مقدمات درج کر کے انہیں متعلقہ تفتیشی ٹیموں کے حوالے کردیا گیا ہے، جب کہ شہر بھر میں جرائم پیشہ عناصر کے خلاف کومبنگ آپریشن جاری ہے۔
ذریعہ: Jasarat News
کلیدی لفظ: گرفتار کیا کو گرفتار پولیس نے کے مطابق
پڑھیں:
نوشہرہ: گھریلو جھگڑے پر والد کا قتل، 2 سفاک بیٹے گرفتار
فائل فوٹوخیبر پختونخوا ( کے پی ) کے ضلع نوشہرہ میں اپنے والد کو قتل کروانے والے 2 سفاک بیٹے دھر لیے گئے۔
پولیس کا کہنا ہے کہ بیٹوں نے والد کو گھریلو جھگڑے پر کرائے کے قاتل سے موت کے گھاٹ اتروا دیا تھا۔
پولیس نے اجرتی قاتل سمیت 4 ملزمان کو گرفتار کرلیا ہے، گرفتار ملزمان میں مقتول کے 2 بیٹے بھی شامل ہیں۔
پولیس کے مطابق قتل سے متعلق مزید تفتیش کا سلسلہ جاری ہے۔
وزیراعظم شہباز شریف بحرین کے 2 روزہ سرکاری دورے پر روانہ