وزیرِ اعظم شہباز شریف کا ’روشن معیشت بجلی پیکیج‘، صنعت و زراعت کے لیے 3 سالہ رعایتی منصوبے کا اعلان
اشاعت کی تاریخ: 23rd, October 2025 GMT
وزیرِ اعظم محمد شہباز شریف نے ملکی صنعت اور زراعت کی ترقی کے لیے ’روشن معیشت بجلی پیکیج‘ کا اعلان کردیا ہے۔ یہ تاریخی اقدام ملک کی معیشت کو توانائی کے ذریعے مستحکم کرنے کی سمت ایک اہم پیشرفت قرار دیا جا رہا ہے۔
وزیرِ اعظم نے صنعتی و زرعی ماہرین اور کاروباری برادری کے وفد سے ملاقات میں پیکیج کی تفصیلات بتاتے ہوئے کہا کہ یہ اسکیم نومبر 2025 سے اکتوبر 2028 تک مؤثر رہے گی، جس کے تحت صنعتوں اور کسانوں کو رعایتی نرخوں پر اضافی بجلی فراہم کی جائے گی۔
پیکیج کی تفصیلاتصنعتی شعبے کو پہلے 34 روپے فی یونٹ میں ملنے والی بجلی اب کم نرخ پر دستیاب ہوگی۔
زرعی شعبے کو بھی 38 روپے فی یونٹ سے کم قیمت پر اضافی بجلی فراہم کی جائے گی۔
آئندہ 3 سال تک پورے سال کے دوران صنعت اور زراعت دونوں شعبوں کو بجلی 22 روپے 98 پیسے فی یونٹ کے حساب سے دی جائے گی۔
وزیرِ اعظم نے واضح کیا کہ اس پیکیج کا مالی بوجھ نہ تو گھریلو صارفین پر ڈالا جائے گا اور نہ ہی کسی دوسرے شعبے پر۔
مزید پڑھیں: وزیرِ اعظم شہباز شریف کا گلگت بلتستان میں 100 میگاواٹ سولر منصوبہ ایک سال میں مکمل کرنے کی ہدایت
معاشی استحکام کی مثبت سمتوزیرِ اعظم شہباز شریف نے کہا کہ ملکی معیشت کی ترقی اور روزگار کے فروغ کے لیے صنعت و زراعت کی مضبوطی ناگزیر ہے۔ انہوں نے مزید کہا کہ حکومت صنعتوں اور کسانوں کی علاقائی مسابقت بڑھانے اور کاروباری سہولیات میں اضافے کے لیے ہر ممکن اقدام کر رہی ہے۔
وزیرِ اعظم کے مطابق گزشتہ برس موسمِ سرما میں جاری پیکیج کے تحت صنعتی و زرعی شعبے نے 410 گیگا واٹ اضافی بجلی استعمال کی، جس کے نتیجے میں برآمدات میں اضافہ اور روزگار کے نئے مواقع پیدا ہوئے۔
وزیرِاعظم نے مزید کہا کہ یہ سفر معاشی بحران سے استحکام تک کا ضرور مشکل تھا، مگر ہماری معاشی ٹیم اور کاروباری طبقے کی محنت سے ممکن ہوا۔ صنعت و زراعت کے استحکام سے ہی ملک کو قرضوں کے بوجھ سے نجات ملے گی۔
مزید پڑھیں: چھوٹے کسانوں کے لیے قرضوں کی فراہمی آسان بنائی جائے، وزیرِاعظم شہباز شریف کی ہدایت
ان کا کہنا تھا کہ بہتر پالیسیوں کے باعث معاشی اشاریے مثبت سمت میں جا رہے ہیں، لیکن ابھی مزید محنت درکار ہے۔ مجھے یقین ہے کہ آپ سب کے تعاون سے ہم جلد پاکستان کی معاشی خودمختاری کا ہدف حاصل کر لیں گے۔
وزیرِ اعظم نے وزیرِ بجلی سردار اویس لغاری اور ان کی ٹیم کی اس پیکیج کی تیاری میں خدمات کو قابلِ تحسین قرار دیا اور کہا کہ ان کی کوششوں سے یہ پیکیج قومی ترقی اور عوامی فلاح کا سنگِ میل ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روشن معیشت بجلی پیکیج وزیر اعظم شہباز شریف.ذریعہ: WE News
کلیدی لفظ: روشن معیشت بجلی پیکیج وزیر اعظم شہباز شریف اعظم شہباز شریف کے لیے کہا کہ
پڑھیں:
نواز شریف کی قیادت میں آئندہ انتخابات میں تاریخی نتائج آئیں گے: وزیراعظم
نواز شریف کی قیادت میں آئندہ انتخابات میں تاریخی نتائج آئیں گے: وزیراعظم WhatsAppFacebookTwitter 0 6 December, 2025 سب نیوز
گوجرانوالہ: (آئی پی ایس) وزیراعظم شہباز شریف نے کہا ہے کہ نواز شریف کا سب سے بڑا کارنامہ ملک کو ایٹمی قوت بنانا ہے اور پاکستان اگر ایٹمی طاقت نہ ہوتا تو اس سال جنگ میں حالات مختلف ہوتے، نواز شریف کی قیادت میں آئندہ انتخابات میں تاریخی نتائج آئیں گے۔
گوجرانوالہ میں ماس ٹرانزٹ منصوبے کی تقریب سے خطاب کرتے ہوئے شہباز شریف نے کہا کہ پورے پاکستان میں(ن) لیگ کانعرہ بلند ہوگا، نوازشریف کی قیادت میں پنجاب میں پہلی مرتبہ تعمیراتی سیاست کا آغاز ہوا، نوازشریف نے بطور وزیراعلیٰ اور وزیراعظم جو کام انجام دیے تاریخ ہمیشہ یاد رکھےگی۔
انہوں نے کہا کہ آج آپ کے شہر میں جو منصوبہ وزیراعلیٰ پنجاب نے تحفہ دیا ہے اس سے پوری ضلع کی تقدیر بدلے گی، اس منصوبے سے شہریوں کو بے پناہ سہولتیں میسر ہوں گی۔
شہباز شریف کا کہنا تھا کہ اس منصوبے سے بچے وقت پر سکول پہنچ سکیں گے، مزدور کارخانوں میں، وکلا عدالتوں میں پہنچ سکیں گے، غرض یہ کہ ماس ٹرانزٹ منصوبے سے زندگی کے ہر شعبے سے تعلق رکھنے والا مستفید ہوگا۔
ان کا کہنا تھا کہ نوازشریف نے لاہور میں دل کے امراض کا پہلا اسپتال تعمیرا کرایا اور عام آدمی کے لیے ترقیاتی منصوبے تعمیرا کرائے، نوازشریف کا سب سے بڑا کارنامہ ملک کو ایٹمی قوت بنانا ہے اور پاکستان اگر ایٹمی طاقت نہ ہوتا تو اس سال جنگ میں حالات مختلف ہوتے۔
شرکاء سے مخاطب ہوئے شہباز شریف نے کہا کہ لاہور کا شمار دنیا کے آلودہ ترین شہروں میں ہوتا تھا مگر اسموگ میں آج کمی آئی ہے تو اس پر مریم نواز اور ان کی ٹیم کو شاباش ملنی چاہیے، یہ تمام کام کوئی چاہے بھی تو اس کو چھپا نہیں سکتا اور مخالف کو بھی ان کاموں کا اقرار کرنا پڑےگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشارجہ وارئرز ایم آئی کے خلاف واپسی کے لیے تیار،فتح کے لیے ہر حربہ آزمایا جائے گا،ہیڈ کوچ جے پی ڈومنی عالمی و مقامی مارکیٹوں میں سونے کی قیمتوں میں بڑی کمی کراچی کے ابراہیم کے بعد لودھراں کا 7 سالہ ریحان بھی کھُلے مین ہول میں گر کر جاں بحق راولپنڈی کی عدالت نے عمران خان کو سزائے موت سنادی صدر ایف پی سی سی آئی عاطف اکرام شیخ کی فیلڈ مارشل عاصم منیر کو چیف آف ڈیفنس فورسز تعیناتی پر مبارکباد خیبر پختونخوا: پاک فوج کی دو علیحدہ کارروائیوں میں بھارتی حمایت یافتہ 9 خوارج ہلاک بلوچستان میں کالعدم تنظیم کے کمانڈر نے 100 ساتھیوں سمیت ہتھیار ڈال دیئےCopyright © 2025, All Rights Reserved
رابطہ کریں ہماری ٹیم
اعلان کررہا ہوں جنرل عاصم منیر چیف آف ڈیفنس فورسز ہیں، حنیف عباسی