رافائل گروسی کی باتوں پر ایرانی وزیر خارجہ کا ردعمل
اشاعت کی تاریخ: 23rd, October 2025 GMT
اپنے ایک ردعمل میں سید عباس عراقچی کا کہنا تھا کہ میں نہیں جانتا کہ رافائل گروسی کی بات کا مقصد اپنی تشویش کا اظہار تھا یا دھمکی۔ لیکن ایک ناکام تجربے کو دوبارہ سے دُہرانا صرف شکست کا باعث ہی بنے گا۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" نے IAEA کے ڈائریکٹر جنرل "رافائل گروسی" کی گزشتہ روز کی باتوں کا جواب دیتے ہوئے کہا کہ میں نہیں جانتا کہ رافائل گروسی کی بات کا مقصد اپنی تشویش کا اظہار تھا یا دھمکی۔ لیکن ایک ناکام تجربے کو دوبارہ سے دُہرانا صرف شکست کا باعث ہی بنے گا۔ سید عباس عراقچی نے اس ردعمل کا اظہار مشہد میں ہونے والے صوبائی ڈپلومیسی اجلاس کے موقع پر کیا۔ واضح رہے کہ گزشتہ روز رافائل گروسی نے امریکہ و اسرائیل کی جانب سے ایران کی جوہری تنصیبات پر حالیہ حملوں کے بارے میں کہا کہ ان حملوں میں نطنز، اصفہان اور فردو جیسی اہم تنصیبات کو کافی نقصان پہنچا، لیکن "ڈونلڈ ٹرامپ" کی جانب سے مکمل تباہی کے دعووں کے باوجود ایران کی تکنیکی مہارت ختم نہیں ہوئی۔
رافائل گروسی نے مزید کہا کہ ہمارا خیال ہے کہ اعلیٰ سطحی افزودہ شدہ یورینیم کی زیادہ تر مقدار، اصفہان، نطنز اور فردو میں موجود ہے۔ تاہم اس بات کا کوئی ثبوت موجود نہیں کہ تہران، ایٹم بم بنانے کا ارادہ رکھتا ہے۔ اس بارے میں رافائل گروسی نے یقین کی حد تک اطمینان کا حوالہ دیتے ہوئے کہا کہ اسرائیلی حملوں سے ٹھیک پہلے، ہمارے انسپکٹرز نے ایرانی تنصیبات کا معائنہ کیا تھا، پھر اس وقت سے اب تک ہم سیٹلائٹ تصاویر کے ذریعے ان پر نظر رکھے ہوئے ہیں۔ نیز جو ممالک، ایران کے جوہری پروگرام کی نگرانی کر رہے ہیں، وہ بھی اسی نتیجے پر پہنچے ہیں کہ ایران، ایٹم بم بنانا نہیں چاہتا۔
ذریعہ: Islam Times
کلیدی لفظ: رافائل گروسی کہا کہ
پڑھیں:
پاکستان نے بھارتی وزیرِ خارجہ کے اشتعال انگیز بیان کو مسترد کردیا
فائل فوٹوپاکستان نے بھارتی وزیرِ خارجہ امور کے اشتعال انگیز، بے بنیاد اور غیر ذمہ دارانہ بیان کو یکسر مسترد کرتے ہوئے سخت مذمت کی ہے۔
ترجمان دفترِ خارجہ طاہر حسین اندرابی نے شدید ردِعمل دیتے ہوئے کہا کہ پاکستان ایک ذمہ دار ریاست ہے اور اس کے تمام ادارے، بشمول مسلح افواج، قومی سلامتی کے مضبوط ستون ہیں۔
انہوں نے کہا کہ پاکستان کے ادارے ملک کی خودمختاری اور علاقائی سالمیت کے تحفظ کے لیے مکمل طور پر پُرعزم ہیں، مئی 2025 میں پاکستان کی مسلح افواج نے پیشہ ورانہ مہارت، عزم اور ذمہ داری کے ساتھ بھارتی جارحیت کا مؤثر جواب دیا، جسے کوئی بھی پروپیگنڈا جھٹلا نہیں سکتا۔
دفترِ خارجہ کے ترجمان نے کہا کہ بھارتی قیادت کی جانب سے پاکستان کے ریاستی اداروں اور قیادت کو بدنام کرنے کی کوششیں ایک منظم اور مذموم پروپیگنڈا مہم کا حصہ ہیں، جس کا مقصد خطے میں بھارت کے عدم استحکام پیدا کرنے والے اقدامات سے توجہ ہٹانا ہے۔
انہوں نے کہا کہ افغانستان سے سرحد کی بندش ہم نے اپنی حفاظت کے لیے کی ہے، ہم نہیں چاہتے کہ ہمارے شہری دہشت گردی کا نشانہ بنیں
ترجمان نے کہا کہ بھارت پاکستان میں اپنی ریاستی سرپرستی میں جاری دہشت گردی سے بھی توجہ ہٹانے کی کوشش کر رہا ہے، ایسے اشتعال انگیز بیانات سے واضح ہوتا ہے کہ بھارت کو خطے میں امن، ہم آہنگی اور استحکام کی کوئی پروا نہیں۔
انہوں نے مزید کہا کہ بھارتی قیادت کو پاکستان کی مسلح افواج پر بے بنیاد تبصرے کے بجائے فاشسٹ اور انتہاپسندانہ ہندوتوا نظریے کی تحقیقات کرنی چاہئیں، ہندوتوا نظریہ نے بھارت میں ہجوم کے ہاتھوں قتل، ماورائے عدالت کارروائیوں، عبادت گاہوں واور املاک کی مسماری کو جنم دیا۔
ان کا کہنا تھا کہ بھارت اور اس کی قیادت مذہب کے نام پر پروان چڑھنے والی دہشت سے یرغمال بن چکے ہیں، پاکستان بقائے باہمی، مکالمے اور سفارت کاری پر یقین رکھتا ہے، پاکستان قومی مفادات اور خود مختاری کے تحفظ کے لیے متحد، مضبوط اور پُرعزم ہے۔
2024 میں عالمی سطح پر اسلحے کی فروخت میں اضافہ ریکارڈ، بڑی کمپنیوں نے 679 ارب ڈالر کا کاروبار کیا