مارشل آرٹس اسٹار راشد نسیم نے مزید 4 نئےعالمی ریکارڈز بنا ڈالے
اشاعت کی تاریخ: 1st, November 2025 GMT
پاکستان کے لیے سب سے زیادہ عالمی ریکارڈز بنانے والے لیجنڈ مارشل آرٹس اسٹار راشد نسیم نے رومانیہ میں بھی مزید 4 نئے عالمی ریکارڈ بنا ڈالے۔
موصولہ اطلاعات کے مطابق رومانیہ کے معروف انٹرنیشنل ٹی وی شو دی ٹکٹ میں راشد نسیم نے ایک بار پھر سب کو حیران کر دیا۔
راشد نسیم نے ایک ہی پروگرام میں 4 ناقابلِ یقین ورلڈ ریکارڈز بناکر دنیا بھر میں قومی پرچم بلند کر دیا۔
تمام ججز راشد نسیم کی رفتار، طاقت اور مہارت سے دنگ رہ گئے جبکہ شرکاء کے چہروں پر حیرت، جوش اور خوف کے تاثرات نمایاں نظر آئے۔
راشد نسیم نے اپنی پرفارمنس کا آغاز کہنی کے ساتھ کنکریٹ بلاک توڑنے سے کیا، پھر آنکھوں پر پٹی باندھ کر طاقتور ضربوں سے کین کرش کیے، تیسری شاندار کوشش میں راشد نسیم نے سر کی مدد سے لوہے کی کیل ٹھونکی اور پھر ناریل توڑنے اور کولڈ ڈرنک کین کرش کرنے کا مظاہرہ کیا۔
پروگرام کے اختتام پر راشد نسیم نے پاکستانی ثقافت کی نمائندگی کرتے ہوئے ججز اور شرکاء کو سندھی اجرک پیش کی جسے بے حد پسند کیا گیا۔
راشد نسیم اس سے قبل اٹلی، جرمنی، اسپین، کوریا، چین، سنگاپور اور رومانیہ سمیت کئی ممالک میں اپنی ناقابلِ یقین صلاحیتوں کا لوہا منوا چکے ہیں۔
راشد نسیم واحد پاکستانی ہیں جو بغیر کسی حکومتی سرپرستی کے عالمی سطح پر ملک کا نام روشن کر رہے ہیں۔
.ذریعہ: Express News
پڑھیں:
سعودی عرب کی پہلی لگژری 5 اسٹار ٹرین، سفر اور آرٹ کا حسین امتزاج
data-id="863a0a8" data-element_type="widget" data-widget_type="theme-post-content.default">
سعودی عرب نے اپنی پہلی 5 اسٹار لگژری ٹرین سروس متعارف کرانے کا اعلان کیا ہے جو 800 میل طویل صحرائی راستے پر سفر کرے گی۔
ریاض میں منعقدہ فیوچر انویسٹمنٹ کانفرنس کے دوران “ڈریم آف دی ڈیزرٹ” کے نام سے اس پراجیکٹ کو پیش کیا گیا، جو 2026 کے آخر تک فعال کر دیا جائے گا۔
یہ منصوبہ سعودی ریلوے اور اٹلی کے معروف Arsenale گروپ کے اشتراک سے مکمل کیا جا رہا ہے، جو دنیا بھر میں لگژری ٹرینوں کی تیاری میں شہرت رکھتا ہے۔ Arsenale کے چیف ایگزیکٹو پاؤلو بارلیٹا کے مطابق “ڈریم آف دی ڈیزرٹ” ایک متحرک شاہکار ہوگا جو اطالوی مہارت اور سعودی وژن کا امتزاج پیش کرے گا۔
یہ جدید ترین ٹرین ریاض سے قریات شہر تک کا 800 میل طویل سفر طے کرے گی، دورانِ سفر مسافروں کو سعودی عرب کے دلکش صحرائی مناظر دیکھنے کا موقع ملے گا۔ ٹرین میں مجموعی طور پر 14 بوگیاں شامل ہوں گی جن میں 34 پرتعیش کمروں کی سہولت دستیاب ہوگی، جبکہ ایک وقت میں 66 مسافر سفر کر سکیں گے۔
مسافروں کے لیے ایک یا دو راتوں کے خصوصی ٹورز بک کرانے کی سہولت بھی فراہم کی جائے گی۔ ہر بوگی کا ڈیزائن سعودی ثقافت کے مختلف پہلوؤں کو خراجِ تحسین پیش کرے گا، جبکہ ٹرین میں دو ریستوران ہوں گے جہاں سعودی اور بین الاقوامی کھانوں کا امتزاج پیش کیا جائے گا۔ اس کے علاوہ ایک مرکزی لاؤنج بھی موجود ہوگا جہاں مسافر سفر کے دوران آرام اور میل جول کر سکیں گے۔
یہ منصوبہ سعودی عرب کے سیاحت کے فروغ کے ویژن 2030 کا حصہ ہے، جس کا مقصد ملک میں بین الاقوامی سیاحوں کو متوجہ کرنا ہے۔ سعودی ریلوے کمپنی کے مطابق “ڈریم آف دی ڈیزرٹ” سیاحوں اور مقامی رہائشیوں کو نہ صرف شاہ سلمان بن عبدالعزیز رائل نیچرل ریزرو بلکہ یونیسکو کے عالمی ثقافتی ورثے میں شامل مقامات تک پرتعیش انداز میں لے جانے کا ذریعہ بنے گی۔
بنگلادیش کے چیف ایڈوائزر کا چیئرمین جوائنٹ چیفس کو کتاب کا تحفہ، بھارتی کیوں آگ بگولہ ہوگئے؟