عزیزآباد پولیس کی ناک کے نیچے گٹکا و ماوا کھلے عام فروخت
اشاعت کی تاریخ: 6th, November 2025 GMT
تھانے کی پیچھے والی گلی میں گٹکا و ماوا ڈیلر طاہر عرف بوبی کے کارندے مال بیچنے میں مگن
ڈیلرطاہر عرف بوبی کے کیبن سمیت کئی کیبن عزیزآباد کی حدود میں موجود، ویڈیو موصول
(رپوٹ/ایم جے کے )عزیزآباد پولیس کی ناک کے نیحے گٹکا و ماوا کی سپلائی و فروخت کھلے عام جاری، تھانے کے پیچھے والی گلی میں گٹکا و ماوا ڈیلر طاہر عرف بوبی کے کارندے مال بیچنے میں مگن، ویڈیو
موصول، ڈیلرطاہر عرف بوبی کے اس کیبن سمیت کئی کیبن عزیزآباد کی حدود میں موجود، پولیس خاموش تماشائی۔ علاقہ ذرائع کے مطابق ضلع وسطی تھانہ عزیزآباد کی حدود میں منشیات و گٹکا ماوا اول نمبر ڈیلر طاہر عرف بوبی کا کھلے عام گٹکا و ماوا علاقے کے تمام کیبنوں پر فروخت ہورہا ہے جسے باقاعدہ طور پر عزیزآباد پولیس اور خاص کر ایس ایچ او وقار قیصر اور خاص بیٹر ہیڈ کانسٹیبل سہراب کی سرپرستی حاصل ہے ، عزیزآباد حسین آباد کی حدود میں طاہر عرف بوبی نے جگہ جگہ اپنے ذاتی 12 سے 15 کیبن لگا رکھے ہیں جہاں وہ اپنے ذاتی کارخانے سے گٹکا و ماوا تیار کرکے اسے پیک کرواکر اپنے ان کیبنوں پر سپلائی کرتا ہے (جس کی ویڈیو بھی موصول ہوئی) اور اس کے کارندے جن میں جواد، آصف نیاپو، دانیال مالا، عمران کاکا، شاہریب اور عدیل نامی اشخاص کھلے عام فروخت کرتے ہیں، ذرائع سے نمائندہ جرات کو جو اب نئی ویڈیو موصول ہوئی وہ ویڈیو تھانہ عزیزآباد کی پیچھے والی گلی کی ہے جہاں طاہر عرف بوبی کا کارندہ جواد کھلے عام گٹکا و ماوا فروخت کرنے میں مگن ہے ، حیرت کی بات یہ ہے کہ تھانے کے پیچھے والی گلی مطلب یہ ہوا کہ عزیزآباد پولیس کی ناک کے نیچے ہی گٹکا اور ماوا فروخت ہو رہا ہے ، ذرائع سے یہ بھی پتہ چلا کہ طاہر عرف بوبی اپنے تمام گٹکا و ماوا کیبنوں کی مد میں ایس ایچ او وقار قیصر کے خاص بیٹر ہیڈ کانسٹیبل سہراب کو چار لاکھ روپے ہفتہ دیتا ہے جس حوالے سے محکمہ پولیس کے اعلی افسران کو آگاہ بھی کیا گیا پر اب تک ڈی آئی جی ویسٹ زون اور ایس ایس پی سینٹرل کی جانب سے ثبوت (ویڈیو، تصاویر) اور جگہ کی نشاندہی کے باوجود بھی ایس ایچ او عزیزآباد وقار قیصر اس کا خاص بیٹر ہیڈ کانسٹیبل سہراب اور عزیزآباد کا سب سے بڑا منشیات و گٹکا ماوا ڈیلر طاہر عرف بوبی کے خلاف کاروائی نہیں کرسکے ، کچھ دن قبل اسپیشل برانچ کی کرپٹ پولیس افسران، اہلکاروں اور بیٹروں کے حوالے سے مرتب کردہ رپورٹ آئی جی سندھ کو ارسال کی گئی اس لسٹ میں عزیزآباد ایس ایچ او وقار قیصر کا 99 نمبر ہے ، علاقہ مکین عزیزآباد نے آئی جی سندھ، کراچی پولیس چیف اور سندھ رینجرز سے مطالبہ کیا ہے کہ فلفور ایس ایچ او عزیزآباد وقار قیصر اور اس کے خاص بیٹر ہیڈ کانسٹیبل سہراب کو سسپینڈ کر کے ہیڈ کوارٹر بی کمپنی بھیجا جائے اور ساتھ ہی علاقہ عزیزآباد میں زہر کی شکل میں گٹکا و ماوا فروخت کرنے ، کروانے والا طاہر عرف بوبی کے خلاف سخت سے سخت قانونی کاروائی عمل میں لائی جائے ۔
ذریعہ
ذریعہ: Juraat
کلیدی لفظ: ڈیلر طاہر عرف بوبی طاہر عرف بوبی کے عزیزآباد پولیس عزیزآباد کی گٹکا و ماوا کی حدود میں ایس ایچ او کھلے عام
پڑھیں:
چیمپئنز لیگ جیتنے کی خوشی تشدد میں بدل گئی، پیرس میں جلاؤ گھیراؤ اور پولیس سے جھڑپیں
یورپی چیمپئنز لیگ میں پی ایس جی کی کامیابی کے بعد فرانس کے دارالحکومت پیرس میں جشن پرتشدد ہنگاموں میں تبدیل ہو گیا۔ مظاہرین اور پولیس کے درمیان جھڑپوں، جلاؤ گھیراؤ اور توڑ پھوڑ کے واقعات میں متعدد افراد زخمی ہوئے، جبکہ پولیس نے 400 سے زائد افراد کو حراست میں لے لیا۔
یورپی چیمپئنز لیگ کے فائنل میں پی ایس جی کی فتح کے بعد فرانس کے دارالحکومت پیرس میں جشن کا ماحول بدامنی اور تشدد میں تبدیل ہو گیا، جہاں مشتعل افراد نے جلاؤ گھیراؤ، توڑ پھوڑ اور پولیس کے ساتھ جھڑپوں کا سلسلہ شروع کر دیا۔
میڈیا رپورٹس کے مطابق شہر کے مختلف علاقوں میں مظاہرین نے بوتل بم پھینکے، متعدد دکانوں پر حملے کیے اور سڑکوں پر موجود کچرے کے ڈبوں سمیت دیگر اشیا کو آگ لگا دی۔ ہنگامہ آرائی کے دوران درجنوں گاڑیوں کو بھی نقصان پہنچایا گیا۔
مظاہرین اور پولیس کے درمیان ہونے والی جھڑپوں میں کم از کم سات پولیس اہلکار زخمی ہوئے۔ بعض شرپسند عناصر نے آتش بازی کا رخ آسمان کے بجائے پولیس اہلکاروں کی جانب کر دیا، جس کے باعث کشیدگی میں مزید اضافہ ہوا۔
فرانسیسی پولیس نے کارروائی کرتے ہوئے 400 سے زائد افراد کو گرفتار کر لیا۔ حکام کے مطابق گرفتار افراد کے قبضے سے تیزاب سے بھری بوتلیں اور دیگر خطرناک مواد بھی برآمد کیا گیا ہے۔
حکام کو پہلے ہی ممکنہ ہنگامہ آرائی کا خدشہ تھا، جس کے پیش نظر پیرس میں 22 ہزار سے زائد پولیس اہلکار تعینات کیے گئے تھے۔ اس کے باوجود شہر کے مختلف حصوں میں جلاؤ گھیراؤ اور پرتشدد واقعات کو مکمل طور پر روکنا ممکن نہ ہو سکا۔
واضح رہے کہ پیرس سینٹ جرمین (PSG) نے چیمپئنز لیگ کے فائنل میں آرسنل کو شکست دے کر ٹائٹل اپنے نام کیا، جس کے بعد ہزاروں شائقین جشن منانے کے لیے سڑکوں پر نکل آئے۔ تاہم بعض مقامات پر یہ جشن بدامنی اور تشدد میں تبدیل ہو گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ