غیر قانونی مخدوش تعمیرات کسی المیے کو جنم دے سکتی ہیں ‘ سیف الدین
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
251112-08-27
کراچی(اسٹاف رپورٹر) اپوزیشن لیڈر سٹی کونسل کراچی سیف الدین ایڈووکیٹ نے ایک وفد کے ہمراہ ڈائریکٹر جنرل سندھ بلڈنگ کنٹرول اتھارٹی مزمل حسین ہالیپو تہ سے ایس بی سی اے کے دفتر میں ملاقات کی ، وفد میں شاہد فرمان ، تیمور احمد اور منظر عالم بھی شامل تھے ۔سیف الدین ایڈووکیٹ نے کراچی بھر میں جاری غیر قانونی تعمیرات پر شدید تشویش کا اظہار کیا اور کہا کہ غیر قانونی تعمیرات کسی المیے کو جنم دے سکتی ہیں، کراچی اس وقت غیر قانونی تعمیرات کے بدترین دور سے گزر رہا ہے،یہ بات طے کر لی جائے کہ اب مزید کوئی غیر قانونی تعمیر نہیں ہو گی،یہ تعمیرات بذات خود ایک جرم تو ہے ہی لیکن اس کے نتیجے میں ہر علاقے میں پانی کی قلت ، سیوریج ، بجلی ، گیس اور پارکنگ سمیت دیگر مسائل پیدا ہو رہے ہیں ، صرف ایک گھر کی جگہ 6سے 12منزلہ تک فلیٹس بنائے جا رہے ہیں اور بعض جگہ تو باقاعدہ کثیر المنزلہ بلڈنگز تعمیر کی جارہی ہیں اور یہ سارا عمل بلڈنگ کنٹرول اتھارٹی کے عملے کی ملی بھگت کے بغیر ممکن نہیں ۔ انہوں نے غیر قانونی تعمیرات کی روک تھام میں منتخب نمائندوں اور ڈپٹی کمشنر کو بھی شامل کرنے کی تجویز دی ۔ ملاقات میں مجوزہ بلڈنگ کنٹرول ایکٹ پر بھی گفتگو ہوئی اور کراچی میں غیر قانونی تعمیرات کے باعث مسائل اور اس کی رو ک تھام کے حوالے سے ایک یادداشت بھی پیش کی گئی ۔سیف الدین ایڈووکیٹ نے کہا کہ ہم کسی کو بے گھر نہیں کرنا چاہتے لیکن ضروری ہے کہ ایک لائن کھینچ دی جائے کہ اب کوئی غیر قانونی تعمیرات نہیں ہونے دی جائے گی اور پرانی تعمیرات سے کس طرح نمٹنا ہے اس پر تجاویز مرتب کی جا سکتی ہیں ۔ سیف الدین ایڈووکیٹ نے نئے ڈی جی کی اب تک کی کارکردگی کو سراہا ، اس موقع پر ڈی جی ایس بی سی اے نے تفصیل سے پیش کردہ مسائل پر اپنے آئندہ کے لائحہ عمل اور وسائل اور افرادی قوت کی کمی کے متعلق بھی آگاہ کیا ۔ جماعت اسلامی کے وفد نے مثبت کاموں اور شہر کی بہتری کے لیے ہر فورم میں تعاون کا یقین دلایا ۔
ذریعہ: Jasarat News
کلیدی لفظ: سیف الدین ایڈووکیٹ نے غیر قانونی تعمیرات
پڑھیں:
طرز زندگی میں معمولی تبدیلیاں ڈیمنشیا کا خطرہ کم سکتی ہیں، تحقیق
برطانیہ (نیوزویب )طرز زندگی میں معمولی تبدیلیاں ڈیمنشیا کے خطرے کو کم سکتی ہیں، سائنسدانوں کا کہنا ہے کہ روزمرہ کی سادہ سرگرمیاں بھی ڈیمنشیا (نسیان اور یاداشت میں کمی) کے خطرات کو 39 فیصد تک کم کرسکتی ہیں، اسکے علاوہ طرز زندگی میں دیگر تبدیلیاں کرکے آپ اس بیماری کے خطرات کو کم سکتے ہیں۔
سائنسدانوں کے مطابق اس کے کافی شواہد ملے ہیں کہ ذہنی اور جسمانی طور پر متحرک رہنا اور صحت بخش و متوازن غذا کا استعمال یادداشت کی کمزوری سے بچاؤ کے بہترین طریقوں میں سے ہیں۔
سائنس دانوں نے ان روز مرہ سرگرمیوں میں ایک دلچسپ عنصر موسیقی سننا شامل کر دی ہے۔ ملبورن میں آسٹریلیا کی موناش یونیورسٹی کے محققین کی جانب سے کی گئی اس تحقیق میں یہ بات سامنے آئی ہے کہ 70 سال سے زائد عمر میں موسیقی سننا ڈیمنشیا کے خطرے کو کم کر سکتا ہے۔
یہ تحقیق 10,800 سے زیادہ عمر رسیدہ افراد پر کی گئی، اس دوران موسیقی سننے یا اسے بجانے کے فوائد کا جائزہ لیا تو پتہ چلا کہ جو لوگ موسیقی سنتے ہیں ان میں اس بیماری کے خطرے میں 39 فیصد کمی پائی گئی۔
انکا کہنا تھا کہ ہمیشہ موسیقی سننے سے ڈیمنشیا کے خطرے میں کافی زیادہ کمی ہوتی ہے۔ اس کے علاوہ ایسے افراد کی مجموعی ذہنی سوچ سمجھ اور یادداشت بھی اچھی تھی۔
تحقیق کی مرکزی مصنفہ اور موناش یونیورسٹی کی آنرز اسٹوڈنٹ ایما جافا کے مطابق نتائج اس بات کی نشاندہی کرتے ہیں کہ موسیقی سے متعلق سرگرمیاں بزرگ افراد میں ذہنی صحت کو برقرار رکھنے کے لیے ایک قابل رسائی حکمت عملی ثابت ہو سکتی ہیں، تاہم اس تحقیق سے وجہ کا تعلق ثابت نہیں کیا جا سکتا۔
ٹیکس ادائیگی میں بے ضابطگیاں متعدد ریسٹورنٹس، شاپس اور مارکیز کے سیل ریکارڈ کی جانچ شروع