’شادی کی ایکسپائری ڈیٹ ہونی چاہیے‘ ، کاجول کے بیان کے بعد اجےکا بیان وائرل
اشاعت کی تاریخ: 14th, November 2025 GMT
بالی وڈ سپر اسٹار کاجول کاے شادی سے متعلق دیے گئے بیان پر ان کے شوہر اجے دیوگن کا ردعمل آگیا۔
کاجول نے ایک یوٹیوب چینل پر گفتگو کے دوران محبت کے بدلتے نظریے اور نئے دور کے رشتوں پر کھل کر اپنے خیالات کا اظہار کیا۔
ٹوئنکل کھنہ نے کاجول سے پوچھا تھا کہ کیا شادی کی کوئی ایکسپائری اور تجدید کا آپشن ہونا چاہیے؟ اس پر کاجول نے اتفاق کیا جب کہ ٹوئنکل کھنہ، وکی کوشل اور کریتی سینن نے اس بات سے اختلاف کیا۔
اس موقع پر کاجول نے وضاحت کرتے ہوئے کہا کہ میں بالکل ایسا ہی سمجھتی ہوں، آخر کیا ضمانت ہے کہ آپ صحیح وقت پر صحیح شخص سے شادی کریں گے؟ تجدید کا آپشن ہونا منطقی بات ہے اور اگر ایکسپائری ڈیٹ ہو تو کوئی زیادہ دیر تک تکلیف نہیں برداشت کرے گا۔
بعد ازاں اجے دیوگن نے ایک الگ انٹرویو میں کہا کہ میرے خیال میں محبت کے معنی وقت گزرنے کے ساتھ بدل گئے ہیں، اب یہ ایک معمولی اور عام سی چیز بن گئی ہے، اب محبت پہلے جیسی نہیں رہی، لفظ محبت یا آئی لو یو اتنا زیادہ اور بے مقصد استعمال ہونے لگا ہے کہ اس کا مطلب ہی کھوگیا ہے، ہمارے عہد میں آئی لو یو کہنا ایک بہت بڑی بات ہوتی تھی، اب لوگ اس لفظ کی گہرائی کو نہیں سمجھتے۔
اداکار آر مادھوون نے ان سے اتفاق کیا اور کہا کہ ماضی کی جنریشن محبت کو عظیم خلوص سمجھا کرتی تھی، یہاں تک کہ جب ہم ایک کارڈ پر سائن کرتے تو اسے بہت سنجیدگی سے لیتے تھے، اس پر اجے دیو گن نے کہا کہ اب تو ہر میسیج پر ہارٹ ایموجی یا اس کا اختتام لو پر ہوتا ہے۔
واضح رہے کہ کاجول اور اجے دیوگن کی پہلی ملاقات 1995 کی فلم ہلچل کے سیٹ پر ہوئی جس کے 4 سال بعد دونوں نے شادی کر لی۔
.ذریعہ: Daily Mumtaz
کلیدی لفظ: کہا کہ
پڑھیں:
افغان کرکٹر راشد خان نے دوسری شادی کرلی
افغانستان کرکٹ ٹیم کے کپتان راشد خان نے دوسری شادی کی تصدیق کردی۔
راشد خان کی ایک تقریب کے دوران ایک خاتون کے ساتھ تصاویر وائرل ہونے پر انہوں نے خود اپنے انسٹاگرام اکاؤنٹ پر اپنی شادی کا اعلان کیا۔
راشد خان نے کہا کہ میں نے 2 اگست 2025 کو زندگی کا ایک نیا سفر شروع کیا ہے۔ میں نے ایک ایسی عورت سے اپنا نکاح کیا اور شادی کی جو محبت کی ایک مثال ہیں۔
انہوں نے مزید کہا کہ میں حال ہی میں اپنی بیوی کو ایک تقریب میں لے کر گیا اور بدقسمتی سے اتنی سادہ سی بات پر مفروضے بنائے جا رہے ہیں۔ سچ یہ ہے کہ وہ میری بیوی ہے اور ہم کچھ بھی چھپانا نہیں چاہتے۔
View this post on Instagramذرائع کا کہنا ہے کہ راشد خان کی دوسری بیوی افغان نژاد اور بیرونِ ملک مقیم ہیں۔
خیال رہے کہ راشد خان نے اپنی پہلی شادی سے متعلق کوئی بات نہیں کی۔
بھارتی فوج کی تازہ ریاستی دہشتگردی، ضلع کپواڑہ میں 2کشمیری نوجوان شہید