بالی ووڈ کی سینیئر اداکارہ کامنی کوشل 98 برس کی عمر میں انتقال کر گئیں
اشاعت کی تاریخ: 14th, November 2025 GMT
بالی ووڈ کی سینیئر اداکارہ کامنی کوشل 98 سال کی عمر میں وفات پا گئیں، وہ گزشتہ کچھ عرصے سے مختلف صحت کے مسائل کا سامنا کر رہی تھیں۔
کامنی کوشل 24 جنوری 1927 کو لاہور میں معروف ماہرِ نباتات پروفیسر ایس آر کشیپ کے گھر پیدا ہوئیں۔ ان کا اصل نام اُما کشیپ تھا۔ وہ دو بھائیوں اور تین بہنوں میں سب سے چھوٹی تھیں اور سات سال کی عمر میں ہی ان کے والد کا انتقال ہو گیا تھا۔ بچپن سے ہی اُما کشیپ باصلاحیت اور تعلیم میں نمایاں تھیں، اور صرف دس سال کی عمر میں انہوں نے اپنا پپٹ تھیٹر (کٹھ پتلی تھیٹر) خود بنایا۔ وہ آل انڈیا ریڈیو پر ڈراموں میں بھی حصہ لیتی رہیں۔
یہ بھی پڑھیں: اداکارہ دیشا پٹانی کے گھر کے باہر فائرنگ، مشہور گینگسٹر نے ذمہ داری قبول کرکے وجہ بیان کردی
فلم ساز چیتن آنند نے انہیں ریڈیو پر سنا اور ان کی دلکش آواز سے متاثر ہو کر انہیں فلم نیچا نگر میں کام کی پیشکش کی۔ چونکہ چیتن آنند کی بیوی کا نام بھی اُما تھا، اس لیے انہوں نے اُما کشیپ کو فلمی نام کامنی دیا۔
کامنی کوشل نے 1946 میں فلم نیچا نگر سے اپنے فلمی سفر کا آغاز کیا، جس میں انہوں نے روپا کا کردار ادا کیا۔ صرف 20 سال کی عمر میں وہ شہرت کے عروج پر پہنچ گئیں۔
اداکاری کے بعد کے دور میں وہ خاص طور پر اداکار منوج کمار کی آن اسکرین ماں کے کرداروں کے لیے مشہور رہیں۔ ان کی نمایاں فلموں میں شامل ہیں: شہید (1948)، ندیا کے پار (1948)، آگ (1948)، ضدی (1948)، شبنم (1949)، آرزو (1950)، اور بیراج بہو (1954)۔ فلم بیراج بہو کے لیے انہیں 1954 میں بہترین اداکارہ کا فلم فیئر ایوارڈ بھی ملا۔
یہ بھی پڑھیں: دلیپ کمار کو جیتے جی دوسری شادی کا ملال کیوں رہا؟
کامنی کوشل نہ صرف اپنی اداکاری بلکہ اپنی خوبصورتی کے لیے بھی مشہور تھیں اور ہر دور کے ستاروں کے ساتھ کام کیا۔ حالیہ دور میں وہ فلم کبیر سنگھ میں شاہد کپور کی دادی اور چنئی ایکسپریس میں شاہ رخ خان کی دادی کے کردار میں نظر آئیں۔
دلیپ کمار کے ساتھ تعلق
اپنی زندگی کے ایک یادگار انٹرویو میں کامنی کوشل نے بتایا کہ ان کی اچانک شادی اور سپر اسٹار دلیپ کمار کے ساتھ تعلقات گہرے تھے۔ انہوں نے یاد کیا کہ ان کی شادی کے باوجود دلیپ کمار کے ساتھ تعلق کی شائعات عام رہیں۔ اپنی سوانح حیات میں انہوں نے کہا کہ وہ دونوں دلیپ کمار سے علیحدہ ہونے پر ‘ٹوٹ گئے تھے’۔
‘ہم دونوں ٹوٹ گئے تھے۔ ہم ایک دوسرے کے ساتھ بہت خوش تھے۔ ہمارا بہت اچھا تعلق تھا۔ لیکن یہی زندگی ہے۔ میں لوگوں کو چھوڑ کر نہیں جا سکتی کہ اب بس، میں جا رہی ہوں! میں نے لڑکیوں کا خیال کرنا تھا، اپنی بہن کے سامنے کیسے جا سکتی تھی۔ میرا شوہر، ایک شاندار انسان، سمجھ گیا کہ یہ کیوں ہوا۔ ہر کوئی محبت میں مبتلا ہوتا ہے۔’
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
کمار سنگاکارا کا پاکستان کے حق میں بیان، بھارتی آگ بگولہ
سری لنکا کے سابق کپتان اور معروف کمنٹیٹر کمار سنگاکارا نے پاکستان میں کرکٹ سیریز کھیلنے کے حق میں بیان دے کر بھارتیوں کو آگ لگا دی۔
تفصیلات کے مطابق حالیہ سیکیورٹی معاملات میں کچھ کھلاڑیوں کی جانب سے دورہ ملتوی کیے جانے کی درخواست پر رد عمل میں سنگاکارا کا کہنا تھا کہ کچھ دوستیاں ایسی ہوتی ہیں جن کو چھوڑا نہیں جا سکتا۔
انہوں نے کہا کہ میں اس ٹیم کا حصہ تھا جس پر لاہور میں حملہ ہوا لیکن پاکستانی فورسز نے اسے ناکام بنا دیا تھا۔
کمار سنگاکارا نے کہا کہ اس کے بعد بھی میں بہت بار پاکستان آیا ہوں اور آئندہ بھی آتا رہوں گا کیونکہ پاکستان میں کرکٹ کا الگ ہی مزہ ہے اور پاکستانیوں کا پیار ہمیشہ مجھے یہاں کھینچ لاتا ہے۔
خیال رہے کہ اس وقت سری لنکن ٹیم راولپنڈی میں موجود ہے جہاں پاکستان اور سری لنکا کے درمیان ون ڈے سیریز کے بعد زمبابوے کے ہمراہ سہ ملکی سیریز بھی کھیل جائے گی۔
ذرائع کے مطابق بھارت نے سری لنکا کو پاکستان آنے سے روکنے کی کوشش کرتے ہوئے دورہ بھارت کی آفر کی تھی تاہم سری لنکن بورڈ نے بھارتی آفر ٹھکرا کر پاکستان آنے کو ترجیح دی۔
پاک افغانستان مذاکرات کی ناکامی