سلمان خان کی شاندار فٹنس نے مداحوں کو حیران کردیا
اشاعت کی تاریخ: 14th, November 2025 GMT
بالی وڈ کے سپر اسٹار سلمان خان نے اپنی شاندار فٹنس کے ایک نئے مظاہرے سے مداحوں کو حیران کردیا۔
اداکار نے انسٹاگرام پر ایک تصویر شیئر کی جس میں وہ زبردست لچک کا مظاہرہ کرتے ہوئے اپنی ٹانگ بے حد اونچی اٹھائے نظر آرہے ہیں جبکہ ان کے بھائی سہیل خان اسے اپنے کندھے پر تھامے ہوئے ہیں۔ سلمان خان نے پوسٹ کے کیپشن میں مختصراً لکھا، ’’آہاا‘‘۔
59 سالہ اداکار کی اس پوسٹ نے سوشل میڈیا پر دھوم مچا دی اور مداحوں نے ان کی فٹنس کی تعریفوں کے ڈھیر لگا دیے۔ شیئر کی گئی تصویر میں سلمان خان گہرے سبز رنگ کی ٹی شرٹ، نیلی جینز اور بلیک بوٹس پہنے ہوئے دکھائی دے رہے ہیں۔
View this post on Instagramاپنی آنے والی فلم 'بیٹل آف گالوان' کے بارے میں بات کرتے ہوئے سلمان خان کا کہنا تھا کہ یہ فلم جسمانی طور پر بے حد مشکل ہے جس کیلئے سخت ٹریننگ کرنی پڑ رہی ہے۔
انہوں نے کہا کہ پہلے میں ایک دو ہفتے میں تیار ہو جاتا تھا لیکن اس فلم کے لیے شدید رننگ، ککس، پنچنگ اور ہر طرح کی ایکشن ٹریننگ کر رہا ہوں۔
سلمان خان کے مطابق فلم کی شوٹنگ لداخ کے بلند مقامات اور برفیلے پانی میں کرنا بھی ان کے لیے سخت چیلنج ثابت ہو رہا ہے۔
واضح رہے کہ سلمان خان ان دنوں بگ باس 19 کی میزبانی بھی کر رہے ہیں جبکہ اپوروا لکھیا کی نئی ایکشن فلم 'بیٹل آف گالوان' کی تیاریوں میں بھی مصروف ہیں جو 2020 کے گالوان ویلی تصادم پر مبنی ہے اور آئندہ سال جون میں ریلیز ہونے کی توقع ہے۔
.ذریعہ: Express News
پڑھیں:
تقریب میں جعلی ایڈمرل کی انٹری،اتنے تمغے کہ اصلی فوجی بھی حیران
لندن: ویلز کے قصبے لینڈڈنو میں منعقدہ ری میمبرینس سنڈے کی تقریب میں ایک شخص جعلی ایڈمرل بن کر پہنچ گیا، جس کے بعد برطانوی نیوی اور سابق فوجیوں میں غم و غصہ پھیل گیا۔
مقامی میڈیا کے مطابق جوناتھن ڈیوڈ کارلی نامی شخص نے ریئر ایڈمرل کی یونیفارم اور بارہ تمغے پہن کر یادگارِ شہدا کے سامنے سلامی دی۔ تقریب کے منتظمین کے مطابق وہ مہمانوں کی فہرست میں شامل نہیں تھا اور اچانک وہاں پہنچا۔
یہ بھی پڑھیں: جعلی فوجی افسر گرفتار، پیکا ایکٹ کے تحت مقدمہ درج
برطانوی رائل نیوی نے اس حرکت کو تضحیک آمیز قرار دیتے ہوئے کہا کہ فوجی یونیفارم پہننے کا یہ عمل 1894 کے یونیفارمز ایکٹ کے تحت جرم ہوسکتا ہے۔
کارلی کے جعلی تمغوں میں ڈسٹنگوئشڈ سروس آرڈر، ایم بی ای اور گلف وار میڈل شامل تھے — ایسی ترکیب جو کسی حقیقی افسر کے پاس ہونا ممکن نہیں۔ اس کے لباس کے دیگر حصے بھی قواعد کے خلاف تھے۔
منتظمین نے بتایا کہ کارلی نے خود کو لارڈ لیفٹننٹ آف کلویڈ کا نمائندہ ظاہر کیا، لیکن اصل لارڈ لیفٹننٹ ہیری فیتھر سون ہاف نے وضاحت کی کہ وہ اس شخص کو جانتے ہی نہیں۔
یہ بھی پڑھیں: اسلام آباد کے پوش سیکٹر میں جعلی پولیس اہلکاروں نے غیرملکی خاتون کو لوٹ لیا
رپورٹس کے مطابق کارلی اس سے قبل 2018 اور 2019 میں بھی اسی علاقے میں یادگاری تقریبات میں جعلی ایڈمرل بن کر شریک ہوچکا ہے۔
والٹر مِٹی ہنٹرز کلب، جو جعلی فوجی شخصیات کو بے نقاب کرتا ہے، نے کہا: یہ شاید اب تک کا سب سے اعلیٰ درجے کا جعلی افسر ہے۔
رائل نیوی کے ترجمان نے کہا کہ ایسا عمل بحریہ سے وابستہ افراد کی توہین ہے اور یادگاری تقریب کے تقدس کو متاثر نہیں کرنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برطانیہ جعلی ایڈمرل ری میمبرینس سنڈے فوج لندن نیوی
۔27 ویں ترمیم اور نظام کے فالج زدگان