بارہ سال بعد شام کا لندن میں سفارت خانہ فعال، وزیرخارجہ نے نیا پرچم لہرا دیا
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
لندن: بارہ برس بعد شام اور برطانیہ کے مابین سفارتی تعلقات کی بحالی کا ایک اہم مرحلہ اس وقت مکمل ہوا جب شام نے لندن میں قائم اپنا سفارت خانہ دوبارہ کھول دیا۔
عالمی میڈیا رپورٹس کےمطابق وزیرخارجہ اسد الشیبانی نے لندن میں سفارت خانے کی عمارت پر شام کا نیا قومی پرچم لہرا کر سفارتی سرگرمیوں کے باضابطہ آغاز کا اعلان کیا۔ اس موقع پر انہوں نے واضح کیا کہ لندن اور دمشق کے درمیان منقطع رابطے ایک دہائی سے زائد عرصے کے بعد بحال ہو رہے ہیں۔
میڈیا رپورٹس کے مطابق وزیرخارجہ اسد الشیبانی برطانیہ کے متعدد سرکاری و سفارتی عہدیداروں سے ملاقاتیں کریں گے جن میں دو طرفہ تعلقات، خطے کی صورتحال اور باہمی تعاون کے مختلف پہلوؤں پر تبادلہ خیال کیا جائے گا۔ سفارت خانے کی بحالی کو نئی شامی حکومت کی خارجہ پالیسی کا ایک اہم قدم قرار دیا جا رہا ہے۔
گزشتہ ہفتے وزیرخارجہ صدر احمد الشرع کے ہمراہ امریکا کا سرکاری دورہ بھی کرچکے ہیں، جہاں ان کی امریکی صدر ڈونلڈ ٹرمپ سے ملاقات ہوئی، یہ امر قابلِ ذکر ہے کہ احمد الشرع وہ پہلے شامی صدر ہیں جنہیں اس نوعیت کی سرکاری دعوت وائٹ ہاؤس کی جانب سے موصول ہوئی۔
شام میں سابق صدر بشارالاسد کی حکومت ختم ہونے کے بعد نئی قائم ہونے والی حکومت نے قومی پرچم کی نئی شکل بھی متعارف کرائی ہے، جس میں سفید، سیاہ اور سبز رنگ کے ساتھ تین ستارے شامل کیے گئے ہیں۔ یہ پرچم پرانے سرخ، سفید اور سیاہ رنگ کے ڈیزائن سے مختلف ہے جس میں دو ستارے ہوتے تھے۔ وزیرخارجہ اسد الشیبانی اپریل میں اقوام متحدہ کے ہیڈکوارٹرز میں بھی نیا پرچم لہرا چکے ہیں، جس نے سابقہ یونائیٹڈ عرب ری پبلک کے پرچم کی جگہ لی۔
صدر احمد الشرع نے حالیہ مہینوں میں امریکا، روس اور دیگر ممالک کے دورے کیے ہیں۔ نئی حکومت کا مؤقف ہے کہ شام ایک ایسے نئے دور میں داخل ہو رہا ہے جس میں عالمی برادری کے ساتھ تعلقات ازسرِنو قائم کرکے ملک کو استحکام اور ترقی کی جانب گامزن کیا جائے گا۔
ذریعہ: Jasarat News
پڑھیں:
یتیم خانہ کے حفاظتی اقدامات مزید مستحکم
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جمشید کوارٹر تھانے کی حدود میں واقع یتیم خانہ میں پولیس اور متعلقہ حکام نے حفاظتی اقدامات اور تحقیقات کو مزید مستحکم کر دیا ہے۔ ذرائع کے مطابق تھانے کو خفیہ اطلاعات موصول ہوئی تھیں کہ یتیم خانہ میں کچھ مشکوک سرگرمیاں جاری ہیں جس کے بعد پولیس نے فوری طور پرجمشید کوارٹر تھانے کی حدود میں کارروائی کی۔
خیرپور : کالج آف ایگری کلچر میں داخلے کی تاریخ میں توسیع کردی گئی