قال اللہ تعالیٰ وقال رسول اللہﷺ
اشاعت کی تاریخ: 29th, November 2025 GMT
data-id="863a0a8" data-element_type="widget" data-widget_type="theme-post-content.default">
جو جہالت میں غرق اور غفلت میں مدہوش ہیں۔ پوچھتے ہیں آخر وہ روز جزاء کب آئے گا؟۔ وہ اْس روز آئے گا جب یہ لوگ آگ پر تپائے جائیں گے۔ (اِن سے کہا جائے گا) اب چکھو مزا اپنے فتنے کا یہ وہی چیز ہے جس کے لیے تم جلدی مچا رہے تھے۔ البتہ متقی لوگ اْس روز باغوں اور چشموں میں ہوں گے۔ جو کچھ اْن کا رب انہیں دے گا اسے خوشی خوشی لے رہے ہوں گے وہ اْس دن کے آنے سے پہلے نیکو کار تھے۔ راتوں کو کم ہی سوتے تھے۔ پھر وہی رات کے پچھلے پہروں میں معافی مانگتے تھے۔ اور اْن کے مالوں میں حق تھا سائل اور محروم کے لیے۔ (سورۃ الذاریات:11تا19)
سیدنا زید بن ارقمؓ سے مروی ہے کہ رسول اللہؐ یہ دعا کیا کرتے تھے: اَللّٰھْمَّ اِنِّی اَعْوذْبِکَ …… وَعِلمٍ لَا یَنفَعْ، وَدَعوَۃٍ لَا یْستَجَابْ لَہَا ’’اے اللہ! میں تیری پناہ چاہتا ہوں کوتاہی سے، سستی سے، بڑھاپے سے، بزدلی سے، بخل سے اور عذابِ قبر سے، اے اللہ! تو میرے نفس کو تقویٰ عطا فرما اور اس کو پاک کر دے، تو اس کو سب سے بہترین پاک کرنے والا ہے، تو اس کا دوست بھی ہے اور مالک بھی، اے اللہ! میں تجھ سے پناہ طلب کرتا ہوں نہ ڈرنے والے دل سے، سیر نہ ہونے نفس سے، نفع نہ دینے والے علم سے اور قبول نہ ہونے والی دعا سے‘‘۔ سیدنا زید بن ارقمؓ نے کہا: یہ کلمات رسول اللہؐ ہم کو سکھاتے تھے۔ (مسند احمد)
ذریعہ: Jasarat News
پڑھیں:
ڈیرہ بگٹی، ایام فاطمیہ کے سلسلے میں مجلس عزاء و ماتمداری
امام بارگاہ ابوالفضل العباس (ع) ڈیرہ بگٹی میں شہادت دختر رسول اکرم جناب سیدہ فاطمہ (س) کی شہادت کی مناسبت پر منعقدہ مجلس عزاء میں اہل علاقہ کے بزرگوں اور جوانوں نے بھرپور شرکت کی۔ اسلام ٹائمز۔ ایام فاطمیہ کے سلسلے میں بلوچستان کے ضلع ڈیرہ بگٹی میں مجلس عزاء اور ماتمداری کا انعقاد کیا گیا۔ امام بارگاہ ابوالفضل العباس (ع) میں شہادت دختر رسول اکرم جناب سیدہ فاطمہ بنت محمد مصطفیٰ صلی اللہ علیہ وآلہ وسلم کی شہادت کی مناسبت پر منعقدہ مجلس عزاء میں اہل علاقہ کے بزرگوں اور جوانوں نے بھرپور شرکت کی۔ اس موقع پر رسول خدا (ص) اور اہلبیت علیہ السلام کی طرز زندگی اور ان پر گزرنے والے مصائب کا تذکرہ کیا گیا۔ مجلس عزاء کے بعد ماتمداری بھی ہوئی۔ جس میں عزاداروں نے بی بی فاطمتہ الزہرا کی شہادت سے منسوب نوحوں پر ماتم کیا۔
مقبوضہ کشمیر کی تاریخ میں کمسن شہید بچی کی کہانی، بھارتی جبر کا سیاہ باب