کراچی: اورنگی ٹاؤن میں اے وی ایل سی پولیس سے مبینہ مقابلے میں ایک ملزم ہلاک
اشاعت کی تاریخ: 29th, November 2025 GMT
کراچی:
اورنگی ٹاؤن میں اے وی ایل سی پولیس سے مبینہ مقابلے کے دوران ایک ملزم مارا گیا۔
ریسکیو حکام کے مطابق اورنگی ٹاون کے علاقے ایرانی کیمپ رحیم شاہ قبرستان کے قریب اینٹی وہیکل لفٹنگ سیل پولیس کا مسلح ملزمان سے مبینہ پولیس مقابلہ ہوا ۔
مقابلے کے دوران دو طرفہ فائرنگ کے نتیجے میں ایک ملزمل ہلاک ہوگیا جس کی لاش چھیپا ایمبولنس کے ذریعے اسپتال منتقل کردی گئی، پولیس کےمطابق ہلاک ہونے والے ملزم کی شناخت خالد حسین ولد بشیر احمد کے نام سے ہوئی۔
ہلاک ملزم کے قبضے سے پولیس نے اسلحہ برآمد کرلیا، تاہم ملزم خالد کا کریمنل ریکارڈ چیک کیا جارہا ہے۔
.ذریعہ: Express News
پڑھیں:
کراچی: بلاول ہاؤس چورنگی کے قریب سیف سٹی سافٹ ویئر باکس کی چوری میں ملوث ملزم گرفتار
data-id="863a0a8" data-element_type="widget" data-widget_type="theme-post-content.default">
کراچی: بلاول ہاؤس چورنگی کے قریب سیف سٹی پروجیکٹ کے سافٹ ویئر باکس کی چوری میں ملوث ملزم کو گرفتار کر لیا گیا ہے۔
پولیس کے مطابق واقعہ 6 نومبر کو پیش آیا تھا، جس میں چور باکس کے ساتھ موجود سیف سٹی کیمرے بھی اتار کر لے گئے تھے۔ پولیس نے کارروائی کرتے ہوئے ملزم کو ساتھی سمیت حراست میں لیا، جبکہ دیگر 3 ملزمان پہلے ہی گرفتار ہو چکے ہیں۔
ملزم کی نشاندہی پر پولیس نے مسروقہ سامان برآمد کر لیا اور اس کے ساتھ کباڑی کو بھی گرفتار کیا گیا ہے۔
واضح رہے کہ یہ ڈسٹری بیوشن باکس سیف سٹی کیمروں کو بہتر سروس فراہم کرنے میں استعمال ہوتا ہے اور اس میں لاکھوں روپے مالیت کا سامان موجود ہوتا ہے، جس کی واپسی سے پروجیکٹ کی کارکردگی میں بہتری آئے گی۔