محفوظ پنجاب کا انقلابی منصوبہ؛ ہر شہری کا موبائل سیف سٹی کیمرہ بن گیا
اشاعت کی تاریخ: 29th, November 2025 GMT
لاہور(نیوز ڈیسک)پنجاب میں ہر شہری کا موبائل فون سیف سٹی کا کیمرہ بن گیا۔ وزیراعلیٰ پنجاب کے محفوظ پنجاب ویژن کے تحت پنجاب سیف سٹیز اتھارٹی نے شہریوں کی حفاظت کے لیے اہم قدم اٹھایا ہے۔
اس اہم انقلابی منصوبے کا مقصد سنگین واقعات کے ویڈیو شواہد فوری طور پر سیف سٹی سے شیئر کرنا ہے، تاکہ ریسپانس ٹائم کم ہو اور مدد جلد پہنچ سکے۔ اس سلسلے میں سیف سٹی کی پبلک سیفٹی ایپ میں جدید ’’کنیکٹ ٹو پی ایس سی اے‘‘ فیچر شامل کیا گیا ہے، جس کے ذریعے شہری اپنے موبائل کیمرے کو براہِ راست سیف سٹی کنٹرول روم سے منسلک کر سکیں گے۔
اس فیچر کے تحت شہری کسی بھی اہم یا ہنگامی موقع کی لائیو ویڈیو فوری طور پر سیف سٹی کو فراہم کر سکیں گے، جس سے اصل صورتحال کا اندازہ فوری لگایا جا سکے گا۔
ترجمان سیف سٹی کے مطابق ایمرجنسی ہیلپ لائن 15 پر کال کرنے پر سیف سٹی آفیسر شہری کو فوری لائیو فیڈ کا خصوصی لنک بھیجے گا۔ لنک اوپن کرتے ہی شہری کے موبائل کا لائیو کیمرہ براہِ راست سیف سٹی کنٹرول روم سے منسلک ہو جائے گا، جس سے موقع واردات کی صورتحال کو حقیقی وقت میں دیکھا جا سکے گا اور فوری امدادی کارروائی ممکن ہوگی۔
ترجمان نے واضح کیا ہے کہ یہ سروس صرف ایمرجنسی کی صورتحال میں استعمال کے لیے ہے اور شہریوں سے درخواست ہے کہ موبائل کی لوکیشن آن رکھیں تاکہ درست مقام کی نشاندہی ہوسکے۔ انہوں نے مزید کہا کہ شہری غیر ضروری ویڈیوز شیئر نہ کریں، کیونکہ اس فیچر کا مقصد صرف ہنگامی مدد اور بروقت کارروائی کو یقینی بنانا ہے۔
.ذریعہ: Daily Mumtaz
کلیدی لفظ: سیف سٹی
پڑھیں:
پنجاب میں بے سہارا بیواؤں کے حقوق پر ڈاکہ ڈالنے والے غاصبوں کے خلاف سخت ایکشن
وزیراعلیٰ پنجاب مریم نوازشریف نے صوبے میں ناجائز قبضوں خصوصاً بے سہارا بیواؤں کی جائیدادوں پر قبضہ کرنے والے عناصر کے خلاف سخت اور فوری کارروائی کا حکم جاری کردیا ہے۔
وزیراعلیٰ مریم نواز نے واضح ہدایت کی کہ پنجاب بھر میں ہونے والے ہر سرکاری فیصلے پر فوری عملدرآمد یقینی بنایا جائے اور کسی بھی شہری کی ملکیت غیر محفوظ نہ رہے۔
اجلاس میں وزیراعلیٰ کو بتایا گیا کہ گزشتہ تین ہفتوں کے دوران پنجاب بھر سے ناجائز قبضوں کے خلاف 2919 درخواستیں موصول ہوچکی ہیں جن میں سے ڈسٹرکٹ ڈسپیوٹ ریزولیشن کمیٹیوں نے 499 کیس حل کر دیے ہیں۔ وزیراعلیٰ نے ہدایت کی کہ باقی تمام کیسز کو بھی فوری ترجیحی بنیادوں پر نمٹایا جائے تاکہ عوام کو جلد از جلد ریلیف فراہم کیا جاسکے۔
مریم نوازشریف نے تمام اضلاع کے ڈپٹی کمشنرز کو روزانہ DRC اجلاس منعقد کرنے اور قبضہ کیسز کی پیش رفت کی رپورٹ روزانہ وزیراعلیٰ آفس بھجوانے کا حکم دیا۔ انہوں نے بتایا کہ وہ خود روزانہ کی بنیاد پر پورے عمل کی نگرانی کریں گی۔
وزیراعلیٰ مریم نواز نے ORDINANCE 2025 کے مکمل نفاذ کی بھی منظوری دیتے ہوئے کہا کہ عوام تک حکومتی اقدامات کی آگاہی یقینی بنانے کے لیے پنجاب بھر کی مساجد میں اعلانات کیے جائیں۔ انہوں نے ہر تحصیل کے اسسٹنٹ کمشنر آفس میں قبضے کے حوالے سے درخواستیں وصول کرنے کا بھی حکم دے دیا۔
مریم نواز نے گجرات، لیہ، حافظ آباد اور دیگر اضلاع میں قبضہ کیسز کے فیصلوں میں تاخیر پر سخت ناپسندیدگی کا اظہار کیا اور واضح کیا کہ تاخیر کسی صورت برداشت نہیں کی جائے گی۔ ان کا کہنا تھا کہ ناجائز قبضے کے کیسز کے جلد حل سے عوام کو فوری ریلیف دینا چاہتے ہیں، اور میں اس سسٹم کی خود نگرانی کروں گی۔
ضمنی انتخابات کے دوران ڈیوٹی، پاک فوج، سول آرمڈ فورسز کیلئے ضابطہ اخلاق جاری