فرانس میں ایک اور بڑی چوری: ریسٹورنٹ کے تقریباً 3 کروڑ روپے مالیت کے گھونگے غائب
اشاعت کی تاریخ: 29th, November 2025 GMT
فرانس میں ایک اور بڑی چوری کی واردات سامنے آئی ہے، جس میں چوروں نے 90,000 یوروز (تقریبا 3 کروڑ پاکستانی روپے) مالیت کے تازہ اور منجمد گھونگے چوری کر لیے ہیں۔
یہ گھونگے ”ل’یسکارگو ڈے گرانڈز“ فارم سے چرائے گئے، جہاں انہیں مِشیلن اسٹار ریسٹورانٹس کے لیے مخصوص کیا گیا تھا۔
پروڈیوسر جان میتھیو ڈاوریگنے نے اس چوری پر حیرانی کا اظہار کرتے ہوئے کہا کہ گھونگے اتوار کی رات سے پیر کی صبح کے درمیان چرائے گئے۔ ان کا کہنا تھا کہ تقریباً 450 کلوگرام گھونگے چوری ہوئے ہیں، جو خاص طور پر کرسمس کے موقع پر اعلیٰ درجے کے ریسٹورانٹس کو فراہم کیے جانے والے تھے۔
ڈاوریگنے نے مزید بتایا کہ چوروں نے فارم کی باڑ کو کاٹا، دروازے کو کراؤ بار سے توڑا اور روشنی کے سینسرز کو بھی توڑ دیا۔ پھر انہوں نے کولڈ اسٹوریج رومز میں موجود گھونگوں کو چُرا لیا۔
انہوں نے کہا کہ ”یہ بہت حیران کن ہے کہ چوروں نے 450 کلوگرام گھونگے چُرا لیے۔ اتنی بڑی مقدار کی چوری ایک منظم نیٹ ورک کی نشانی ہے۔“
یہ گھونگے فرانس کے مشہور مِشیلن اسٹار ریسٹورانٹس میں استعمال کے لیے مخصوص تھے، جن میں ریئمس کا ”ڈومین لی کریئرز“ ریسٹورانٹ شامل ہے، جہاں ان گھونگوں کو پف پیسٹری ڈش میں پیش کیا جاتا ہے۔
یہ چوری ایک اور مشہور واردات کے بعد ہوئی ہے، جس میں لوور میوزیم سے جواہرات چُرائے گئے تھے۔ چیمبرز آف ایگریکلچر کے مطابق، فرانس میں سالانہ تقریباً 14,300 ٹن گھونگے کھائے جاتے ہیں، مگر ان میں سے 95 فیصد گھونگے درآمد کیے جاتے ہیں۔
دوسری جانب، لوور میوزیم سے جواہرات چوری کرنے والے گینگ کے ایک اور رکن کو گرفتار کیا گیا ہے۔ اس ہفتے 39 سالہ ایک شخص کو گرفتار کیا گیا، جسے چوروں کے گروہ کا چوتھا رکن سمجھا جا رہا ہے۔
.ذریعہ: Daily Mumtaz
کلیدی لفظ: ایک اور
پڑھیں:
دپیکا پڈوکون کو مسلسل دوسرے سال کروڑوں کا نقصان، آمدن بھی کم ہوگئی
بالی ووڈ میں کامیاب اداکارہ کے طور پر پہچان رکھنے والی دپیکا پڈوکون کو کاروباری میدان میں مسلسل ناکامی اور کروڑوں کے نقصان کا سامنا ہے۔
کاروباری جریدے کی رپورٹ کے مطابق بالی ووڈ اداکارہ دپیکا پڈوکون کے بیوٹی (اسکن کیئر) برانڈ 82°E کو رواں مالی سال بھی بھاری مالی نقصان کا سامنا ہے اور آمدن بھی گزشتہ سال کی نسبت کم ہوئی ہے۔
کمپنی کی جانب سے وزارتِ کارپوریٹ افیئرز کو جمع کرائی گئی تازہ رپورٹ کے مطابق برانڈ کو 2024-2025ء میں 12 کروڑ 26 لاکھ بھارتی روپے کا خسارہ ہوا۔
رپورٹ میں بتایا گیا ہے کہ رواں سال نقصان گزشتہ برس کی نسبت کم ہوا تاہم کمپنی اب بھی نفع میں نہیں ہے۔
رپورٹ میں بتایا گیا ہے کہ رواں سال کمپنی کی آمدنی میں 30 فیصد سے زائد کمی ہوئی ہے۔ 2023-2024 میں 82°E نے 21.21 کروڑ روپے کمائے جبکہ 2024-2025 میں یہ رقم گھٹ کر 14.66 کروڑ روپے تک محدود رہ گئی ہے۔
اس کمپنی میں دپیکا، اُن کے والد سابق بیڈمنٹن چیمپئن پرکاش پڈوکون بطور ڈائریکٹر ذمہ داریاں انجام دے رہے ہیں۔
کمپنی نے حالیہ رپورٹ پر کہا کہ ’ہم اخراجات کم کرنے اور کاروبار کو مستحکم کرنے کی کوششیں کررہے ہیں تاہم اب تک آمدنی میں مسلسل کمی کاروبار کے لیے بڑا چیلنج بنی ہوئی ہے‘۔
صوابی میں گاڑی حادثہ کا شکار: 4افراد جاں بحق،5زخمی ہوگئے