طیاروں کے سافٹ ویئر میں بڑی خرابی، دنیا بھر میں کئی پروازیں روک دی گئیں
اشاعت کی تاریخ: 29th, November 2025 GMT
دنیا بھر کی ایئر لائنز نے ہفتے کے اختتام سے قبل بڑے پیمانے پر اپنی پروازیں منسوخ کردیں۔
ایسوسی ایٹڈ پریس کی رپورٹ کے مطابق اس کی وجہ یہ بتائی گئی ہے کہ گزشتہ ماہ 30 اکتوبر کو امریکی طیارے جیٹ بلیو کی دورانِ پرواز رفتار میں کمی واقع ہوگئی تھی جس کے باعث وہ نیچے کی جانب آتا چلا گیا۔ اس کی وجہ وسیع پیمانے پر استعمال ہونے والے مسافر طیارے کے سافٹ ویئر کا مسئلہ ہوسکتی ہے۔
اس حوالے سے یورپ کی ایوی ایشن کمپنی ایئربس نے جمعے کو بتایا کہ شدید شمسی تابکاری اے 320 فیملی طیاروں کے فلائٹ کنٹرول سسٹم کا اہم ڈیٹا متاثر کر سکتی ہے۔
یورپی یونین ایوی ایشن سیفٹی ایجنسی (ای اے ایس اے) نے اے 320 چلانے والی ایئر لائنز کے لیے ایک ہدایت نامہ جاری کرتے ہوئے مسئلے کے حل کو لازمی قرار دیا ہے۔
ایجنسی نے خبردار کیا کہ اس کے باعث پروازوں کے شیڈول میں عارضی خلل پڑ سکتا ہے۔ ادارے کا کہنا تھا کہ یہ مسئلہ طیارے کے آن بورڈ کمپیوٹرز کے حالیہ سافٹ ویئر اپ ڈیٹ کے ذریعے سامنے آیا تھا۔
یہ سافٹ ویئر اپ ڈیٹ اس وقت سامنے آیا ہے جب امریکا میں تھینکس گیونگ کی چھٹیوں کے بعد مسافر واپس گھروں کو لوٹ رہے ہیں جو ملک کا سب سے مصروف سفری دورانیہ کہلاتا ہے۔
جاپان میں آل نپون ایئرویز جو اے 320 سیریز کے تیس سے زائد طیارے چلاتی ہے، نے ہفتے کے روز 65 ملکی پروازیں منسوخ کی ہیں۔
امریکن ایئرلائنز کے پاس اے 320 فیملی کے تقریباً 480 طیارے ہیں جن میں سے 209 متاثر ہیں۔ ایئر لائن کا کہنا ہے کہ زیادہ تر طیاروں میں خرابی کا حل تقریباً دو گھنٹے میں مکمل ہو جائے گا، اور جمعے تک ان کی بڑی تعداد پر کام مکمل کر لیا جائے گا، جبکہ چند طیارے ہفتے کو اپ ڈیٹ کیے جائیں گے۔
کمپنی نے تاخیر کے خدشے کا اظہار کیا، تاہم یہ بھی کہا کہ پروازوں کی منسوخی کم سے کم رکھنے کی کوشش کی جائے گی۔ اس نے واضح کیا کہ مسافروں کی حفاظت اس کی اولین ترجیح ہے۔
ڈیلٹا ایئرلائن نے کہا کہ یہ مسئلہ اس کے 50 سے کم ‘اے 321 نیو’ طیاروں کو متاثر کرے گا۔
یونائیٹڈ ایئر لائنز کے مطابق اس کے بیڑے کے چھ طیارے متاثر ہیں اور صرف معمولی نوعیت کی تاخیر متوقع ہے۔ جبکہ ہوائیئن ایئرلائنز نے بتایا کہ اس کی پروازیں متاثر نہیں ہوں گی۔
جرمن ایئر لائن کا کہنا ہے کہ اس کے بیڑے میں شامل کچھ طیاروں پر مرمت کے لیے کئی گھنٹے درکار ہوں گے، جس کے نتیجے میں ہفتے کے آخر میں چند پروازیں منسوخ یا تاخیر کا شکار ہو سکتی ہیں۔
کولمبیا کی ایویانکا نے کہا ہے کہ اس کے بیڑے کا 70 فیصد سے زیادہ حصہ اس ری کال سے متاثر ہوا ہے، جس کے باعث آئندہ 10 دنوں میں نمایاں آپریشنل خلل متوقع ہے۔ ایئر لائن نے 8 دسمبر تک سفر کی نئی ٹکٹوں کی فروخت روک دی ہے۔
برٹش ایئرویز کے مطابق اس کے مختصر فاصلے کی پروازوں میں استعمال ہونے والے تین اے 320 طیارے متاثر ہیں، تاہم ایئر لائن کوئی آپریشنل اثرات متوقع نہیں سمجھتی۔
ایئر فرانس نے جمعہ کے روز ایئربس کی ہدایات کے بعد 35 پروازیں منسوخ کر دی ہیں۔
ایئر نیوزی لینڈ کے مطابق اس کے تمام اے 320 نیو طیاروں میں اگلی پرواز سے قبل سافٹ ویئر اپڈیٹ کیا جائے گا، جس کی وجہ سے ہفتہ کے دن متعدد پروازیں متاثر ہوں گی اور ایئر لائن کو کچھ سروسز منسوخ کرنا پڑ سکتی ہیں۔
ایروڈائنامک ایڈوائزری کے ہوابازی کے ماہر مائیک اسٹینگل نے کہا کہ یہ مسئلہ پروازوں کے درمیان یا رات کے وقت روٹین چیکنگ کے دوران حل کیا جا سکتا ہے۔
انہوں نے کہا کہ، یقیناً یہ انتہائی مصروف چھٹیوں کے ہفتے میں ایک عام استعمال ہونے والے طیارے کے ساتھ پیش آنے والی صورتِ حال ہے، جو اچھی نہیں۔ تاہم مثبت پہلو یہ ہے کہ سافٹ ویئر کو اپ ڈیٹ کرنے میں صرف چند گھنٹے لگتے ہیں۔
رپورٹ میں بتایا گیا کہ 30 اکتوبر کے واقعے میں کم از کم 15 جیٹ بلیو مسافر زخمی ہوئے تھے اور انہیں اسپتال منتقل کیا گیا تھا۔ یہ پرواز میکسیکو کے کینکون سے نیوارک، نیو جرسی جا رہی تھی مگر ہنگامی طور پر ٹیمپا، فلوریڈا اتارنی پڑی تھی۔
.ذریعہ: Daily Mumtaz
کلیدی لفظ: پروازیں منسوخ کے مطابق اس سافٹ ویئر ایئر لائن اپ ڈیٹ کہا کہ نے کہا
پڑھیں:
دنیا کی بہترین ایئرلائنز کی فہرست جاری؛ مسلم ملک نے سکہ جمادیا
ایئر ہیلپ نے سال 2015 کے لیے دنیا کی بہترین ایئرلائنز کی سالانہ فہرست جاری کر دی۔
عالمی خبر رساں ادارے کے مطابق ایئرلائن کی درجہ بندی کے لیے وقت کی پابندی، صارفین کی رائے اور کلیمز پروسیسنگ کی کارکردگی کو مدنظر رکھا گیا تھا۔
جس کے لیے یکم اکتوبر 2024 سے 30 سمتبر 2025 تک کے عرصے تک کے ڈیٹا کا تجزیہ کیا گیا تھا۔
اس فہرست میں درجہ اوّل پر قطر ایئرویز ہے جو دوبارہ دنیا کی بہترین ایئرلائن کا اعزاز حاصل کرنے میں کامیاب ہوگئی۔
باوجود اس کے ایئر ویز وقت کی پابندی میں دسویں اور کلیمز پروسیسنگ میں پندرہویں پوزیشن پر ہے لیکن صارفین کی رائے میں واضح طور پر دیگر تمام ایئرلائنز سے آگے رہی۔
ایئر ویز کے بعد بہترین ہوائی کمپنیوں میں دوسرے نمبر پر متحدہ عرب امارات کی اتحاد ایئرویز اور تیسرے نمبر پر برطانیہ کی ورجن اٹلانٹک رہی۔
جس کے بعد دنیا کی دس بہترین ایئرلائنز میں آسٹریلیا کی قانتاس، مالٹا کی ایم کے مالٹا ایئرلائنز، ایئرو میکسیکو، عمان ایئر، سعودی عرب کی سعودیہ، جرمنی کی برسلز ایئرلائنز اور ایل او ٹی پولش ایئرلائنز شامل ہیں۔
حیران کن طور پر عالمی شہرت یافتہ ایمیریٹس اس فہرست میں سولہویں نمبر پر رہی اگرچہ اسے صارفین کی رائے میں دوسری بہترین ایئرلائن قرار دیا گیا تھا۔
تاہم کلیمز پروسیسنگ میں کمزور کارکردگی نے ایمیریٹس کی مجموعی رینکنگ کو بہت متاثر کیا تھا۔
دلچسپ بات یہ ہے کہ امریکا کی کوئی بھی ایئرلائن اس فہرست میں جگہ بنانے میں کامیاب نہیں ہوسکی۔
ضمنی انتخابات کے لئے پولنگ کا وقت ختم: سخت سیکورٹی میں ووٹوں کی گنتی شروع