مسجدِ نبویؐ میں بزرگوں اور معذور افراد کے لیے سہولتوں میں مزید اضافہ
اشاعت کی تاریخ: 29th, November 2025 GMT
جنرل پریزیڈنسی برائے حرمین شریفین نے مسجدِ نبویؐ میں بزرگوں اور معذور افراد کے لیے سہولتیں مزید بہتر بنا دیں، جس کا مقصد عمر رسیدہ زائرین اور خصوصی ضرورت کے حامل افراد کو عبادات ادا کرنے میں زیادہ آسانی اور سکون فراہم کرنا ہے۔
خصوصی نمازی مقامات اور سہولیات کی فراہمی
انتظامیہ نے مسجد کے مرکزی دروازوں کے قریب بزرگوں اور معذور افراد کے لیے خصوصی نماز کے مقامات مختص کیے ہیں۔ سماعت سے محروم افراد کے لیے الگ نماز گاہ قائم کی گئی ہے جہاں خطبوں کے دوران اشاروں کی زبان میں ترجمانی بھی فراہم کی جاتی ہے، جبکہ مغربی حصے کی چھت پر واقع گیٹ نمبر 6 کو ان کی آمد و رفت کے لیے مخصوص کیا گیا ہے۔
بصارت سے محروم نمازیوں کے لیے بریل قرآن پاک کی نقول بھی بڑے پیمانے پر تقسیم کی جارہی ہیں۔
آمد و رفت کے لیے خصوصی انتظامات
زائرین کی نقل و حرکت آسان بنانے کے لیے الیکٹرک گالف کارٹس، وہیل چیئرز اور دستی وہیل چیئرز فراہم کی گئی ہیں، جن میں سے دستی وہیل چیئرز خروجی دروازہ 309 اور 343 پر بلا معاوضہ دستیاب ہیں۔
مسجد کے داخلی راستوں اور سہولتی مقامات پر ریمپس نصب کیے گئے ہیں، جبکہ زائرین خصوصاً وہیل چیئر استعمال کرنے والوں کی سہولت کے لیے زمزم ڈسپنسرز کے لیے خصوصی اسٹینڈ بھی لگائے گئے ہیں۔
لفٹس، ایسکلیٹرز اور دیگر خدمات
مسجدِ نبویؐ اور اس کے صحنوں میں مجموعی طور پر 180 لفٹس اور 156 ایسکلیٹرز نصب ہیں، جن میں سے 24 مسجد کے اندر موجود ہیں۔ بزرگ اور معذور افراد کے لیے مجموعی طور پر 62 خصوصی ٹوائلٹس بھی مختص کیے گئے ہیں، جو مرد و خواتین کے حصوں میں تقسیم ہیں۔
جنرل پریزیڈنسی کا کہنا ہے کہ ان سہولتوں کا مقصد تمام زائرین، خصوصاً بزرگوں اور معذور افراد، کو عبادت کے دوران بہترین ممکنہ آرام اور آسانی فراہم کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: بزرگوں اور معذور افراد اور معذور افراد کے لیے
پڑھیں:
آئینی عدالت کے چیف جسٹس کو اضافی سیکورٹی فراہم
data-id="863a0a8" data-element_type="widget" data-widget_type="theme-post-content.default">
اسلام آباد:وفاقی آئینی عدالت کے چیف جسٹس امین الدین خان کو سیکورٹی فراہم کرتے ہوئے اہم افسران کے تقرر و تبادلے کردیے گئے ہیں ۔
رپورٹ کے مطابق وفاقی پولیس نے وفاقی آئینی عدالت کے چیف جسٹس امین الدین خان کو باضابطہ طور پر سیکورٹی فراہم کر دی ہے جس کے لیے سینئر افسران کی تعیناتیاں بھی کر دی گئی ہیں اور اس حوالے سے نوٹیفکیشن جاری کردیا گیا۔
نوٹیفکیشن میں کہا گیا کہ ایس پی اسپیشل برانچ سجاد حیدر بخاری کو چیف جسٹس امین الدین کا چیف سیکورٹی آفیسر تعینات کیا گیا ہے، اس کے علاوہ ڈی ایس پی یاسین تگڑ کو ڈی ایس پی سیکورٹی وفاقی آئینی عدالت مقرر کر دیا گیا ہے۔
اسلام آباد میں ڈی ایس پی مختیار بگٹی کو سیکورٹی ڈویژن کا اضافی چارج بھی دے دیا گیا ہے، جبکہ ان تقرریوں اور تبادلوں کا نوٹیفکیشن اے آئی جی اسٹیبلشمنٹ ڈویژن نے جاری کیا ۔
وفاقی پولیس کے مطابق چیف جسٹس کی سیکورٹی کو مزید موثر بنانے کے لیے اضافی اہلکار اور انتظامات بھی کیے جا رہے ہیں۔
بابراعظم نے ٹی20 کرکٹ میں ویرات کوہلی کا ریکارڈ برابر کردیا