ڈکی بھائی کی رہائی کے بعد اہلیہ عروب جتوئی کا پہلا بیان، اہم اعلان
اشاعت کی تاریخ: 29th, November 2025 GMT
معروف یوٹیوبر ڈکی بھائی کی رہائی کے بعد ان کی اہلیہ عروب جتوئی نے خاموشی توڑتے ہوئے اپنا پہلا بیان جاری کیا۔
عروب جتوئی نے انسٹاگرام اسٹوری میں بتایا کہ سعد (ڈکی بھائی) اس وقت سوشل میڈیا سے وقفہ لے رہے ہیں۔ رہائی کے بعد نہ انہوں نے کوئی نیا کونٹینٹ بنایا ہے اور نہ ہی کسی کے ساتھ تصویر بنوائی ہے۔
انہوں نے مداحوں سے درخواست کی کہ وہ افواہوں اور جھوٹی خبروں پر بھروسہ نہ کریں اور غلط فہمی کا شکار نہ ہوں۔
عروب جتوئی نے مزید کہا کہ ڈکی بھائی جلد واپس آئیں گے اور پہلے سے زیادہ مضبوط انداز میں اپنا سفر دوبارہ شروع کریں گے۔
واضح رہے کہ ڈکی بھائی جوئے کی ایپس کی تشہیر کے الزام میں مقدمات کا سامنا کر رہے تھے اور دو روز قبل تین ماہ بعد جیل سے رہا ہوئے تھے۔
ذریعہ: Daily Mumtaz
کلیدی لفظ: عروب جتوئی ڈکی بھائی
پڑھیں:
امریکا نے تمام ترقی پذیر ممالک سے امیگریشن مستقل طور پر معطل کر دی، ٹرمپ کا اعلان
امریکی صدر ڈونلڈ ٹرمپ نے واشنگٹن ڈی سی میں نیشنل گارڈ کے اہلکار پر حملے کے بعد سخت امیگریشن اقدامات کا اعلان کیا ہے۔
ٹرمپ کے مطابق، تمام “تھرڈ ورلڈ” ممالک سے امیگریشن کو مستقل طور پر معطل کر دیا گیا ہے، جبکہ 19 ممالک کے گرین کارڈ ہولڈرز کی فوری سیکیورٹی آڈٹ کا حکم بھی جاری کیا گیا ہے۔
یہ اعلان اس واقعے کے بعد سامنے آیا، جس میں 29 سالہ افغان نژاد رحمان اللہ لاکنوال پر دو امریکی نیشنل گارڈز پر فائرنگ کا الزام ہے، جس کے نتیجے میں 20 سالہ سارہ بیکسٹروم ہلاک اور ایک اہلکار شدید زخمی ہوا۔
ٹرمپ نے سابق صدر جو بائیڈن پر تنقید کرتے ہوئے کہا کہ 2021 میں افغانستان سے انخلا کے دوران مہاجرین بغیر مکمل جانچ پڑتال کے امریکا میں داخل ہوئے۔
پریس کانفرنس کے دوران جب ایک رپورٹر نے سوال کیا کہ حملہ آور کو ٹرمپ دور میں ہی ویزہ ملا تھا، تو صدر نے رپورٹر کو ’’احمق‘‘ قرار دیتے ہوئے سوال مسترد کر دیا۔
ٹرمپ نے مزید کہا کہ وہ ایسے تمام غیر شہریوں کے وفاقی فوائد ختم کریں گے، جنہیں امریکا کے لیے خطرہ سمجھا جائے، اور ان کی شہریت منسوخ کر کے ملک بدر کر دیا جائے گا۔
حکام کے مطابق 19 ممالک کے گرین کارڈ ہولڈرز کا مکمل سیکیورٹی آڈٹ ایک سخت اور جامع عمل ہوگا۔ متاثرہ ممالک میں افغانستان، برما، چَیڈ، کانگو، ایران، لیبیا، صومالیہ، یمن، سوڈان، وینزویلا اور دیگر افریقی و ایشیائی ریاستیں شامل ہیں۔
واقعے کے بعد امریکا میں سیکیورٹی اور امیگریشن پالیسیوں پر بحث شدت اختیار کر گئی ہے، جبکہ زخمی اہلکار اینڈریو وولف کی حالت تشویشناک بتائی جا رہی ہے۔
پاکستان نے زمبابوے کو یک طرفہ مقابلے میں شکست دے کر سہ فریقی سیریز کے فائنل میں جگہ بنالی، عثمان طارق کی ہیٹرک