محمد وسیم نے ورلڈ گولڈ بینٹم ویٹ ٹائٹل جیت لیا، مریم نواز کی مبارکباد
اشاعت کی تاریخ: 29th, November 2025 GMT
پاکستانی باکسر محمد وسیم نے دوسری انٹرنیشنل باکسنگ چیمپیئن شپ فائٹ فور گلوری میں شاندار کارکردگی کا مظاہرہ کرتے ہوئے ورلڈ گولڈ بینٹم ویٹ ٹائٹل اپنے نام کر لیا۔ فائنل میں انہوں نے تھائی لینڈ کے جکراوت مجنگو کو 12 راؤنڈز کے مقابلے کے بعد شکست دی۔
فتح کے بعد محمد وسیم نے کہا کہ وہ ایونٹ کے انعقاد پر پاک فوج اور پنجاب حکومت کے شکر گزار ہیں اور یہ کامیابی شہدا کے نام کرتے ہیں۔ یاد رہے کہ پاکستان میں ہونے والی اس چیمپئن شپ میں 15 ممالک کے 44 باکسرز نے حصہ لیا تھا۔
مریم نواز کی محمد وسیم کو مبارکبادتقریب سے خطاب کرتے ہوئے وزیراعلیٰ مریم نواز نے کہا ہے کہ وہ چیمپیئن باکسر محمد وسیم کو مبارکباد پیش کرتی ہیں، محمد وسیم نے قوم کا سر فخر سے بلند کردیا۔
یہ بھی پڑھیں: پاکستان کا ایک اور اعزاز، باکسنگ چیمپیئن کا ٹائٹل اپنے نام کر لیا
مریم نواز نے کہا کہ ایک ٹیم جیت گئی، اور دوسری ٹیم ہاری نہیں بلکہ جیت نہیں سکی، اور وہ خوش ہیں، جیتنے کے لیے سخت محنت، مسلسل مشق، نظم و ضبط، ہمت اور مہارت کی ضرورت ہوتی ہے۔ لیکن اس کے ساتھ ساتھ، بار بار گرنے اور اٹھنے کی ہمت بھی چاہیے، چاہے زخمی ہو یا تھکے ہوئے ہوں۔ یہی کھیل کی خوبصورتی ہے۔
مریم نواز نے کہا کہ ایسے ایونٹس جاری رہنے چاہئیں، پاکستان کی فتح دیکھ کر خوشی ہوئی، سب پاکستانی وعدہ کریں کہ وہ ہمیشہ پاکستانی پرچم بلند رکھیں اور اپنے ملک کو کبھی مایوس نہ کریں۔
یہ بھی پڑھیں: کراٹے کمبیٹ چیمپیئن شپ، پاکستانی کک باکسر عبداللہ چانڈیو نے اردنی حریف کو شکست دیدی
آخر میں انہوں نے ایونٹ کے مقابلوں میں شریک تمام 16 ممالک کو مبارکباد دی، خاص طور پر انگلینڈ، تھائی لینڈ اور پاکستان کو، اور سب سے پاکستان کا نعرہ لگانے کو کہا۔
پاک فوج اور فیلڈ مارشل سید عاصم منیر کا شکریہانہوں نے کہا کہ یونٹ کے کامیاب انعقاد پر پنجاب حکومت اور پاک فوج، کور کمانڈر لاہور کو مبارکباد پیش کرتی ہوں، فیلڈ مارشل سید عاصم منیر کا بھی شکریہ ادا کرتی ہوں،جن کے تعاون کی وجہ سے فائٹ فار گلوری باکسنگ چیمپئین شپ کا زبردست انعقاد ہوا ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چیمپئن شپ فائٹ فور گلوری لاہور مبارکباد محمد وسیم مریم نواز.ذریعہ: WE News
کلیدی لفظ: لاہور مریم نواز کو مبارکباد مریم نواز نے کہا کہ
پڑھیں:
پنجاب میں ٹریفک اصلاحات کا اعلان، لاہور میں چنگ چی رکشوں پر پابندی
پنجاب میں 60 سال پرانے ٹریفک قوانین میں 20 بڑی اصلاحات متعارف کر دی گئیں، جن کے بعد صوبے میں ٹریفک مینجمنٹ کا نیا دور شروع ہونے جا رہا ہے۔
وزیر اعلیٰ مریم نواز شریف کی زیرِ صدارت اجلاس میں ٹریفک کے جدید نظام، روڈ سیفٹی اور شہریوں کے تحفظ کے لیے اہم فیصلے کیے گئے۔ اصلاحات کے مطابق، بار بار چالان ہونے پر گاڑی نیلام کی جا سکے گی اور قانون توڑنے والی سرکاری گاڑیوں پر بھی بھاری جرمانے ہوں گے۔
مزید پڑھیں: بابا گرو نانک کا پیغام محبت، ہمدردی اور بھائی چارے پر مبنی ہے، وزیراعلیٰ پنجاب مریم نواز شریف
صوبے میں ون وے کی خلاف ورزی ختم کرنے کے لیے 30 دن کی مہلت دی گئی ہے جبکہ یوٹرن کی ری ماڈلنگ کے ذریعے ٹریفک کو محفوظ بنانے کا فیصلہ کیا گیا۔
دیت کی فوری ادائیگی پر اتفاق ہوا ہے، اور یہ بھی طے پایا کہ جہاں پارکنگ نہیں ہوگی وہاں میرج ہال کی اجازت نہیں دی جائے گی۔
کم عمر ڈرائیونگ کے خلاف فیصلہ کن کریک ڈاؤن ہوگا، اور انڈر ایج ڈرائیونگ کی صورت میں گاڑی مالک کو 6 ماہ تک قید ہو سکتی ہے۔ صوبے بھر میں بس کی چھت پر سفر پر مکمل پابندی عائد کر دی گئی ہے جبکہ لاہور کی ماڈل سڑکوں پر چنگ چی رکشوں پر پابندی ہوگی۔
مزید پڑھیں: نواز شریف کا پیپلز پارٹی سے تنازع پر وزیراعلیٰ پنجاب مریم نواز کی حمایت کا اعلان
وزیر اعلیٰ مریم نواز شریف نے لاہور میں ٹریفک بہتری کے لیے 30 روز کی ڈیڈ لائن دیتے ہوئے کہا کہ قانون سب کے لیے برابر ہے اور خلاف ورزی پر ہر شخص کو جرمانہ دینا پڑے گا۔
انہوں نے خبردار کیا کہ ٹریفک پولیس کو آخری موقع دیا جا رہا ہے، ناکامی کی صورت میں نیا ڈیپارٹمنٹ بنانا پڑے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹریفک اصلاحات چنگ چی رکشوں پر پابندی لاہور وزیرِ اعلیٰ مریم نواز شریف
ولیکا اسپتال انتظامیہ کی مجرمانہ غفلت پر بخت زمین کی مذمت