کراچی، غیر قانونی کرنسی ایکسچینج میں ملوث 3 ملزمان گرفتار
اشاعت کی تاریخ: 29th, November 2025 GMT
گرفتار ملزمان کے قبضے سے مجموعی طور پر 18000 سعودی ریال، 10000 امریکی ڈالر اور 5000 برطانوی پاؤنڈ برآمد ہوئے ہیں۔ اسلام ٹائمز۔ وفاقی تحقیقاتی ادارہ (ایف آئی اے) کراچی زون نے غیر قانونی کرنسی ایکسچینج میں ملوث افراد کے خلاف کارروائیاں کے دوران 3 ملزمان کو گرفتار کرلیا۔ ترجمان ایف آئی اے نے بتایا کہ کارپوریٹ کرائم سرکل کراچی نے 3 ملزمان گرفتار کو گرفتار کرلیا، جن کی شناخت مدثر، سجاد علی اور محمد خالد کے نام سے ہوئی ہے۔ ترجمان نے بتایا کہ ملزمان کو سمن آباد کراچی سے گرفتار کیا گیا ہے، گرفتار ملزمان غیر قانونی کرنسی ایکسچینج میں ملوث ہیں اور ان کے قبضے سے مجموعی طور پر 18000 سعودی ریال، 10000 امریکی ڈالر اور 5000 برطانوی پاؤنڈ برآمد ہوئے ہیں۔
ملزمان کے قبضے سے 63 لاکھ 45 ہزار روپے بھی برآمد کر لیے گئے، ملزمان کے قبضے سے غیر قانونی کرنسی ایکسچینج سے متعلق شواہد بھی برآمد کرلیے گئے ہیں۔ ترجمان ایف آئی اے نے بتایا کہ ملزمان بغیر لائسنس کرنسی ایکسچینج کا کاروبار کر رہے تھے اور ملزمان برآمد ہونے والی کرنسی کے حوالے سے حکام کو مطمئن نہ کر سکے، ملزمان کو گرفتار کرکے تفتیش شروع کر دی گئی ہے اور ان کے دیگر ساتھیوں کی گرفتاری کیلئے چھاپے مارے جا رہے ہیں۔
ذریعہ: Islam Times
کلیدی لفظ: غیر قانونی کرنسی ایکسچینج کے قبضے سے
پڑھیں:
کرکٹ میچوں پر جوا کھیلنے والے سندھ پولیس اہلکار سمیت 2 ملزمان گرفتار
اسلام آباد میں ایف آئی اے نے کرکٹ میچوں پر جوا کھیلنے اور کرانے میں ملوث دو افراد، مجیب الرحمن اور زاہد علی کو گرفتار کر لیا ہے۔
ملزمان پر الزام ہے کہ وہ بین الاقوامی سطح پر جوئے کے گروہوں سے منسلک تھے۔ ایف آئی اے اینٹی کرپشن اسلام آباد نے دونوں کے خلاف مقدمات بھی درج کر لیے ہیں۔
گرفتار ملزم زاہد علی سندھ پولیس کا اہلکار ہونے کے ساتھ ساتھ پیشہ ور کرکٹر اور امپائر بھی رہا ہے۔ وہ 2021 تک کرکٹ کھیلتا رہا اور ضلعی سطح پر امپائرنگ کرتا رہا۔ اس کے علاوہ، وہ آن لائن کرکٹ جوئے میں بھی ملوث رہا اور زمبابوے، کینیا، گھانا سمیت کئی افریقی ممالک میں کھلاڑیوں کے ساتھ رابطے میں تھا۔
متن مقدمہ کے مطابق زاہد علی خود کو پروفیشنل امپائر کے طور پر پیش کرتا اور “ورلڈ کرکٹ لاء” کے نام سے واٹس ایپ گروپ کے ذریعے افراد سے رابطے رکھتا تھا۔ اسے آئی سی سی کی جانب سے بھی نوٹس جاری ہو چکا ہے۔
مزید تحقیقات سے پتہ چلا کہ ملزم نے کرکٹ جوئے کے لیے انسانی سمگلنگ میں بھی ملوث رہا اور جعلی تعلیمی اسناد کی تیاری میں بھی ہاتھ رہا۔
ایران و پاکستان سے ایک دن میں 12 ہزار افغان مہاجرین کی وطن واپسی