سندھ بلڈنگ ،سوسائٹیز میں رہائشی پلاٹوں پر کمرشل تعمیرات کا بے قابو سلسلہ
اشاعت کی تاریخ: 2nd, December 2025 GMT
بہار مسلم کو آپریٹو سوسائٹی میں بنیادی ڈھانچہ بُری طرح متاثر، پانی و بجلی کی قلت
ڈائریکٹر شاہد خشک پر غیرقانونی تعمیرات کے’’محافظ‘‘ بننے کا الزام،رہائشی تنگ
ضلع شرقی کے معروف علاقے بہادر آباد شرف آباد میں واقع بہار مسلم کو آپریٹو ہاؤسنگ سوسائٹی کے رہائشی پلاٹوں پر غیرقانونی کمرشل تعمیرات کے خلاف رہائشیوں کا غم و غصہ برسوں بعد پھٹ پڑا ہے ۔ سندھ بلڈنگ کنٹرول اتھارٹی کے ڈائریکٹر شاہد خشک کی مبینہ سرپرستی میں یہ سلسلہ اس قدر بے قابو ہو چکا ہے کہ سوسائٹی کا بنیادی ڈھانچہ ٹوٹ پھوٹ کا شکار ہو رہا ہے ، جبکہ رہائشی اپنے بنیادی مسائل کے حل کے لیے عدالت کا دروازہ کھٹکھٹانے پر مجبور ہیں۔رہائشیوں کا کہنا ہے کہ انتظامیہ کی خاموش حمایت اور پشت پناہی کے باعث سوسائٹی کے رہائشی پلاٹوں پر مارکیٹیں، دکانیں اور تجارتی پلازہ تعمیر کیے جا رہے ہیں۔ یہ عمل نہ صرف سوسائٹی کے رجسٹرڈ ڈیڈ کے منافی ہے بلکہ شہری منصوبہ بندی کے تمام اصولوں کو بھی پاؤں تلے روند رہا ہے۔زمینی حقائق کے مطابق پلاٹ نمبر 98اور 102کے رہائشی پلاٹوں پر تجارتی مقاصد کے لئے خلاف ضابطہ تعمیرات کو انتظامیہ کی مکمل سرپرستی حاصل ہے ،جرأت سروے ٹیم سے بات کرتے ہوئے ایک بزرگ رہائشی محمد سرور کا کہنا ہے ، ’’ہم نے یہاں پرامن زندگی گزارنے کے لیے پلاٹ خریدے تھے ، لیکن اب تو یہاں رہنا مشکل ہو گیا ہے۔ صبح سے شام تک ڈرل مشینوں اور ہتھوڑوں کی آواز، ٹریفک کے ہارن اور دھویں نے ہماری زندگی اجیرن بنا دی ہے ۔ہم نے ایس بی سی اے کے ڈائریکٹر جنرل کو کئی خطوط لکھے ہیں، انہیں صورت حال سے آگاہ کیا ہے ، لیکن ہر بار ہمیں یہی جواب ملا ہے کہ’ معاملے کی جانچ پڑتال کی جا رہی ہے ‘۔ عملی طور پر کوئی کارروائی نہیں ہوئی۔اس بحران کا سب سے گہرا اثر سوسائٹی کے بنیادی ڈھانچے پر پڑ رہا ہے ۔ پانی کی لائنیں کمزور پڑ گئی ہیں،گیس کا دباؤ انتہائی کم ہے اور بجلی کے ٹرانسفارمر زیادہ دباؤ ہونے کے باعث بار بار جل جاتے ہیں۔شہری ماہر پروفیسر ڈاکٹر عائشہ قریشی کے مطابق، ’’یہ صرف ایک سوسائٹی کا مسئلہ نہیں، بلکہ پورے شہر کی منصوبہ بندی کے لیے ایک بڑا خطرہ ہے ۔ جب رہائشی زونز میں بے ہنگم تجارتی سرگرمیاں ہونے لگتی ہیں تو اس کا اثر پورے علاقے کے ماحول، نقل و حمل اور رہائشی معیار زندگی پر پڑتا ہے‘‘۔ سندھ بلڈنگ کنٹرول اتھارٹی کے ترجمان نے اس معاملے پر کوئی واضح موقف اختیار کرنے سے انکار کرتے ہوئے صرف یہ کہا کہ ’’ہر شکایت کو مناسب طریقے سے دیکھا جاتا ہے‘‘ ۔دوسری جانب، شرف آباد کے متاثرہ رہائشیوں نے واضح کر دیا ہے کہ اگر غیرقانونی تعمیرات کو روکا نہ گیا اور ملوث افسران کے خلاف کارروائی نہ ہوئی، تو وہ سندھ ہائی کورٹ کا دروازہ کھٹکھٹانے کے علاوہ سڑکوں پر احتجاج کے لیے نکل آئیں گے ۔
.ذریعہ: Juraat
کلیدی لفظ: رہائشی پلاٹوں پر سوسائٹی کے کے لیے
پڑھیں:
ای چالان نادہندہ ‘ وزیراعلیٰ سکواڈ‘ مشیر‘ ایل ڈی اے افسر کی گاڑیاں قابو آ گئیں
لاہور (نامہ نگار) سٹی ٹریفک پولیس لاہور نے ای چالان نادہندہ گاڑیوں کے خلاف کارروائیاں تیز کر دیں جبکہ سرکاری ای چالان نادہندہ گاڑیوں کے خلاف بھی سخت کارروائی کی جارہی ہے۔گزشتہ روز سی ایم سکواڈ کی گاڑی، ایڈوائزر ٹو سی ایم اور ایڈیشنل ڈائریکٹر جنرل ایل ڈی اے کی ای چالان نادہندہ گاڑیوں کو روکا اور چالان کی رقم وصول کرکے جانے دیا۔ایڈیشنل ڈائریکٹر جنرل ایل ڈی اے لاہور کی گاڑی کے 36ای چالان نکلے۔جس پر ایڈیشنل ڈائریکٹر جنرل لاہورنے فوری 17250روپے ای چالان جرمانے کی رقم کی ادائیگی کی۔
کویت نے طویل مدتی اقامہ متعارف کروا دیا