سانحہ نیپا شہر میں جاری بد انتظامی و غفلت کا نتیجہ ہے‘ جاوداں فہیم
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
251203-01-5
کراچی(اسٹاف رپورٹر) جماعت اسلامی حلقہ کراچی کی ناظمہ جاوداں فہیم نے گزشتہ روز گٹر میں گر کر کمسن بچے کی افسوسناک اور المناک موت پر گہرے دکھ کا اظہار کرتے ہوئے کہا ہے کہ یہ سانحہ شہر میں برسوں سے جاری بدانتظامی اور غفلت کا نتیجہ ہے۔ پیپلز پارٹی کی صوبائی حکومت اور میئر کراچی اس صورتِ حال کے براہِ راست ذمے دار ہیں، جو شہریوں کے بنیادی تحفظ کو یقینی بنانے میں بری طرح ناکام رہے ہیں۔انہوں نے کہا کہ کھلے مین ہولز اور ٹوٹے ہوئے ڈھکن اہل کراچی بالخصوص بچوں کے لیے مستقل خطرہ بن چکے ہیں، یہ سانحہ واضح کرتا ہے کہ شہری نظامِ حکومت کا کوئی پرسان حال نہیں۔ تباہ حال نظام فوری اصلاحات کا متقاضی ہے۔جاوداں فہیم نے مطالبہ کیا کہ شہر بھر میں تمام خطرناک مقامات کی ہنگامی بنیادوں پر مرمت کی جائے اور غفلت کے ذمے داران کے خلاف سخت کارروائی کی جائے۔ انہوں نے غم زدہ خاندان سے گہری ہمدردی کا اظہار کیا اور کہا کہ دکھ کی اس گھڑی میں ہم سب آپ کے ساتھ آپ کے غم میں شریک ہیں ۔
ذریعہ: Jasarat News
پڑھیں:
ایم کیو ایم پاکستان نے سندھ کی تقسیم کا مطالبہ کردیا
سندھ بمبئی بیکری کا کیک نہیں ہے تو کراچی بھی مدراس بیکری کا کیک نہیں
اب ہمیں شرافت کا چلن بدلنا ہوگا، کراچی کے مسائل حل کرنے میں صوبائی حکومت کی کوئی دلچسپی نہیں
۔۔۔۔۔۔۔۔۔۔۔
ایم کیو ایم پاکستان نے سندھ کی تقسیم کا مطالبہ کرتے ہوئے کہا ہے کہ جب کراچی انتظامی بنیادوں پر تقسیم ہوسکتا ہے تو سندھ کیوں نہیں ہوسکتا،
سندھ بمبئی بیکری کا کیک نہیں ہے تو کراچی بھی مدراس بیکری کا کیک نہیں اب ہمیں شرافت کا چلن بدلنا ہوگا۔ کراچی کے مسائل حل کرنے میں صوبائی حکومت کی کوئی دلچسپی نہیں، وہ اس حوالے سے ناکام ہے اس لئے اس شہر کو وفاق کے حوالے کیا جائے،
دوسری صورت میں سندھ میں نئے انتظامی یونٹ تشکیل دئیے جائیں۔ اتوار کی شب ملیر میں ایم کیو ایم پاکستان کے بڑے جلسے سے ڈاکٹر خالد مقبول صدیقی ، ڈاکٹر فاروق ستار اور گورنر سندھ کامران ٹیسوری نے خطاب کیا۔
چیئر مین ڈاکٹر خالد مقبول صدیقی نے کہا ہے کہ وقت بدل رہا ہے، اگلا سال ہمارا ہوگا، یہ شہر پورے پاکستان کو پال رہا ہے یہ شہر حکمرانوں کی عیاشی کا سامان اور اسلام آباد کے حکمرانوں کی تنخواہوں کو برداشت کررہا ہے اس شہر کی وجہ سے پورے ملک میں موٹر وے اور مہاجر مٹر وے کہلارہے ہیں،
دیہی ،شہری تقسیم کو ختم کرنے کے لئے قربانی دے چکے اب باری کسی اور کی ہے، کوئی ڈرا دھمکا کر یہ نہ سمجھے کہ ہماری محبت اور لحاظ کمزوری ہے یہ شہر کھڑا ہوتا ہے تو تخت پلٹ جاتے ہیں اور حکمران تختہ دار پر چلے جاتے ہیں۔
اس موقع پرڈاکٹر فاروق ستار نے کہا کہ اگر کراچی انتظامی بنیادوں پر تقسیم ہوسکتا ہے تو سندھ بھی ہوسکتا ہےاگر ہماری یہ تجاویز منظور نہیں ہیں تو پھر سندھ کے 6 ڈویژنوں کو انتظامی یونٹ ڈکلیئر کیا جائےاگر سات انتظامی یونٹ کراچی میں بن سکتے ہیں تو سندھ میں بھی 6 انتظامی یونٹ بن سکتے ہیں۔
سندھ میں بھی چھ سے سات ڈویژن بن سکتے ہیں اور کوئی مائی کا لعل اسکو بننے سے نہیں روک سکتا، اب سندھ کے شہری عوام تحریک شروع کریں گے،عوام صوبائی حکومت سے 25ہزار ارب روپے کا حساب چاہتی ہے، خالد مقبول نے مزید کہا کہ مہاجروں کے کارنامے کسی شخص کا نہیں کار کنوں کی محنت کا نتیجہ ہے، اب ہمیں شخصیت پرستی نہیں کرنی، مصلحت اور مصالحت کے لئے تیار ہیں مگرحقوق پر کوئی سمجھوتہ نہیں ہوگا،
حق جتانا ہمارا کام نہیں حق دلانا کام ہے، پاکستان میں جتنی اور جیسی ترقی ہے اس شہر اور ایم کیو ایم کی وجہ سے ہے اس امیر ترین شہر میں غریب ترین لوگ بستے ہیں اگر ہم اس عوام کے لیے کھڑے نہ ہوئے تو تاریخ کے مجرم کہلائیں گے۔
انہوں نے کہا کہ عوام سے کہتا ہوں کہ آپ لوگوں کو بھی ہم پر نظر رکھنی ہےخدارا ایم کیو ایم کو بدلنے نہیں دیجئے گایہ ایم کیو ایم ہزاروں شہیدوں کی امانت ہےجو آج اسٹیج پر بیٹھا ہے کل اسے نیچے دریوں پر بیٹھنا ہےیہاں کوئی رہنمانہیں ہے، سب کارکن ہیںسب رکاوٹیں دور ہوتی جارہی ہیں جبر ہمت ہار رہا ہےایم کیوایم جبر کے نظام کے خلاف ہےجبر کے نظام کے خلاف مہاجر 77سال سے جدوجہد کر رہا ہے،
پاکستان کے غریبوں و مظلوموں کے خواب اس شہر کے ساتھ جڑے ہیں خوش نصیب ہے پاکستان کے ایوان جہاں ایم کیو ایم کے نمائندے بیٹھتے ہیںجہاں ایم کیوایم کے نمائندگان بیٹھتے ہیں وہیں ملک کی جمہوریت بیٹھتی ہےیہ ثابت ہوا کہ پاکستان کو جن لوگوں نے بنایا تھا وہی اس ملک کو چلا سکتے ہیں۔
اس موقع پر گورنر سندھ کامران ٹیسوری نے کہا کہ مودی سندھ حاصل کرنے کا خواب دیکھنا چھوڑ دے،کراچی کے غیور عوام اس کی راہ میں سب سے بڑی رکاوٹ ثابت ہوں گے۔
جنرل ساحر شمشاد مرزا کے اعزاز میں الوداعی تقریب، تینوں افواج کا گارڈ آف آنر پیش