ویرات کوہلی نے 933 کروڑ روپے سے زائد کی آفر کیوں ٹھکرائی؟ وجہ سامنے آگئی
اشاعت کی تاریخ: 9th, December 2025 GMT
بھارت کے لیجنڈری بلے باز ویرات کوہلی نے 933 کروڑ روپے سے زائد کی آفر ٹھکرادی۔
تفصیلات کے مطابق آٹھ برس تک ’پُوما‘ کے برانڈ ایمبیسڈر رہنے کے بعد ویرات کوہلی نے اس بار اسپورٹس ویئر کمپنی ’اگیلیٹاس اسپورٹس‘ کے ساتھ شراکت داری کا اعلان کیا ہے۔
انہوں نے کھیلوں کے کاروبار میں ایک نیا قدم اٹھاتے ہوئے اپنے لائف اسٹائل برانڈ ’ون ایٹ‘ کے لیے بڑا اعلان کیا ہے۔
بھارتی میڈیا رپورٹس کے مطابق 37 سالہ کرکٹر نے ’پُوما‘ کی 933 کروڑ روپے سے زائد کی پیشکش چھوڑ کر اس نئے اشتراک میں خود اپنی طرف سے 124 کروڑ روپے سے زائد کی سرمایہ کاری کی ہے۔
ویرات کوہلی نے سماجی رابطے کی ویب سائٹ ایکس پر ایک ویڈیو بھی پوسٹ کی جس میں وہ اگیلیٹاس اسپورٹس کی انتظامیہ کے ہمراہ موجود ہیں اور برانڈ کی شروعات کرنے کے بارے میں بتا رہے ہیں۔
ویڈیو کے کیپشن میں انہوں نے لکھا کہ آج میرے دل سے براہ راست ایک دلچسپ نئے باب کا آغاز ہے۔ ’ون ایٹ‘ اور اگیلیٹاس‘کے لیے ایک نیا سفر شروع ہورہا ہے، جو مقصد اور عزم سے بھرپورہے۔
Today marks the beginning of an exciting new chapter straight from my heart.
واضح رہے کہ اگیلیٹاس اسپورٹس کی بنیاد 2023 میں اَبھشیک گنگولی نے رکھی تھی جو پہلے ’پُوما انڈیا‘ کے مینجنگ ڈائریکٹر تھے۔
ذریعہ: Express News
کلیدی لفظ: کروڑ روپے سے زائد کی ویرات کوہلی نے
پڑھیں:
مردان: ساڑھے 4 کروڑ روپے یومیہ کی غیر قانونی سگریٹ بنانے والی فیکٹری پر ایف بی آر کا چھاپہ
فیڈرل بورڈ آف ریونیو (ایف بی آر) ان لینڈ ریونیو کی مختلف غیر قانونی سگریٹ بنانے والی فیکٹریوں کے خلاف کارروائیاں جاری ہیں۔
مردان میں غیر قانونی سگریٹ کے 200 سے زیادہ کارٹن برآمد کرکے مختلف فیکٹریوں کو سیل کیا گیا ہے۔ غیر ڈیوٹی شدہ سگریٹ سے قومی خزانے کو سالانہ 250 سے 300 ارب روپے کا نقصان پہنچ رہا ہے۔
ایف بی آر ذرائع کے مطابق مردان میں ایک فیکٹری پر چھاپا مارا جہاں خفیہ اور غیر قانونی مشینری سے غیر قانونی سگریٹ سازی کے لیے تمباکو تیار کیا جا رہا تھا، یہ کمپنی معروف سگریٹ برانڈز بناتی ہے، جس میں مشینری کی یومیہ استعداد 6 سے 7 ہزار کلوگرام تک تھی۔
ایف بی آر ذرائع کے مطابق غیر قانونی سگریٹ کی مالیت ساڑھے 4 کروڑ روپے یومیہ بنتی تھی، فیکٹری کے پاس پہلے سے منظور شدہ مشینری بھی موجود تھی۔ خفیہ مشینری کا مقصد غیر قانونی سگریٹ کی مینوفیکچرنگ تھا۔
تمباکو آزاد کشمیر اور حیدرآباد کے یونٹس کو بھیجا جاتا تھا۔
اس سے قبل ایف بی آر ان لینڈ ریونیو نے مردان ہی میں غیر قانونی سگریٹ کے 200 سے زیادہ کارٹن برآمد کرکے مختلف فیکٹریوں کو سیل کیا تھا۔
غیر ڈیوٹی شدہ سگریٹ سےقومی خزانے کو سالانہ 250 سے 300 ارب روپے کا نقصان ہو رہا ہے۔ ٹیکس چوری پر فیکٹری کے مالکان کے خلاف مقدمہ درج کیا گیا ہے۔
چین: پتھر کے دور میں مردوں اور عورتوں کی قربانی کی ہولناک رسومات کا انکشاف