سٹی42:قومی اسمبلی میں اپوزیشن لیڈر عمر ایوب نے کہا پاکستان میں اس وقت جمہوریت نہیں ہے ، بلوچستان میں جو حالات بنے ہوئے ہیں وہ بہت تشویشناک ہیں ۔

تفصیلات کےمطابق عمر ایوب نے انسداد دہشت گردی عدالت کے باہر گفتگو کرتے ہوئے کہا کہ وزیر اعلی بلوچستان نے کل میری بیان کی مذمت کی ہے انکی مرضی ہے،انکے اپنے وزیر یا ایم پی اے جن سے اسلحہ چھینا گیا تھا وہ اسلحہ تو واپس دلا دیں۔

انھوں نے لگام لگانے کی کوشش کی ہے لیکن ان سے ہو نہیں رہا،بلوچستان میں جو حالات بنے ہوئے ہیں وہ بہت تشویشناک ہیں۔

بلوچستان کے کچھ اضلاع میں امن وامان کی کیا صورتحال ہے؟وہاں پر سیکورٹی فورسز بھی نہیں جا رہی،لوگوں قافلوں کے بغیر نہیں جا رہے۔

وہ حکومت نام کی کوئی چیز نہیں،یہ نوگو ایریاز بن گئے ہیں،باقی کچھ اضلاع میں 59فیصد ایریاز کنٹرول میں ہیں، جمہوریت کی بحالی کے لئے سڑکوں،ایوانوں اور عدالتوں میں بھی احتجاج ہوتا ہے۔

آپ لاہور ہائیکورٹ،راولپنڈی اور اسلام آباد ہائیکورٹ بار کا الیکشن دیکھ لیں پی ٹی آئی نے جیتا ہے،وہ دن دور نہیں ہے جب وزیراعظم عمران خان ہوں گے۔