کراچی فوڈ اسٹریٹ میں بااثر شخص کے ہاتھوں شہری پر تشدد کا واقعہ سامنے آیا ہے، ملزم پولیس کو چکمہ دے کر فرار ہوگیا۔
ترجمان کراچی پولیس، ایس ایس پی ڈسٹرکٹ ساؤتھ کے مطابق کراچی بوٹ بیسن کے علاقے میں واقع فوڈ اسٹریٹ پر شاہ زین نامی شخص نے شہری پر اپنے گارڈز کے ہمراہ تشدد کیا ہے۔
یہ بھی پڑھیں: اسلام آباد: نوجوان پر سرعام تشدد اور گالیوں کی بوچھار کرنیوالی خاتون کیخلاف مقدمہ درج
شہری پر تشدد کا معاملہ سامنے آنے پر ضلع ساؤتھ پولیس کی جانب سے کراچی ڈیفینس کے مختلف علاقوں میں ناکہ بندی کرکے ملزم کی گرفتاری کی کوشش کی گئی۔
Karachi should be clean from this kind of bloody wadera ka beta’s and other criminals
Boat basin Clifton @MQMPKOfficial pic.twitter.com/L8eLSGYi0v
— Khalid Sultan (@Shaikhkhaludsu1) February 28, 2025
اسی دوران فیز 8، خیابان فیصل پر لگائے گئے پولیس ناکے کو دیکھ کرملزم شاہ زین ناکے کے قریب اپنی گاڑی چھوڑ کر فرار ہوگیا۔
ملزم شاہ زین کے زیر استعمال اور واقعے میں استعمال ہونے والی گاڑی قبضہ پولیس میں لے لی گئی ہے جبکہ ملزم اور اس کے ساتھیوں کی گرفتاری کے لیے کوششیں جاری ہیں۔
یہ بھی پڑھیں: مصطفیٰ عامر قتل: تشدد اور زندہ جلانے سے پہلے مبینہ قاتل کی فلمی ولن جیسی حرکتیں
کراچی پولیس کے مطابق ملزم کو جلد گرفتار کرلیا جائے گا۔
