پی پی 52 ضمنی الیکشن میں شکست پر صدر زرداری پارٹی قیادت سے ناخوش، تنظیم نو کی ہدایت

صدر مملکت کے دورہ لاہور اور گورنر ہاؤس میں قیام کی اندرونی کہانی سامنے آگئی


ویب ڈیسک June 04, 2025

صدر مملکت آصف علی زرداری نے سمڑیال پی پی 52 ضمنی الیکشن میں پیپلزپارٹی کی شکست پر پارٹی عہدیداران سے ناراضی کا اظہار کیا ہے۔

ایکسپریس نیوز کے مطابق صدر مملکت اصف علی زرداری کی لاہور گورنر ہاوس میں وزیراعظم شہباز شریف اور دیگر سے ملاقاتوں کی اندرونی کہانی سامنے آگئی۔

پاکستان پیپلزپارٹی پنجاب کی قیادت سے ملاقات میں آصف علی زرداری نے سیالکوٹ پی پی 50 ضمنی الیکشن پر شکست پر پارٹی عہدیداروں کی کارکردگی پر تنقید کی اور تنظیم نو کی ہدایت کی۔

دوسری جانب پیپلزپارٹی پنجاب کے ترجمان نے وضاحت کی ہے کہ صدر مملکت کی پارٹی عہدیداروں سے ملاقات میں سمبڑیال الیکشن پر کوئی بات نہیں ہوئی۔

انہوں نے کہا کہ پی پی 52کے ضمنی الیکشن میں گزشتہ الیکشن زائد ووٹ حاصل کیے، صدر مملکت اصف علی زرداری نے سمڑیال الیکشن میں شہزاد عہدے داروں پر ناراضگی کا اظہار نہیں کیا۔

انہوں نے کہا کہ صدر زرداری نے پارٹی کو پنجاب میں مضبوط بنانے کیلئے مرکزی اورصوبائی قیادت کو ہدایات جاری کیں۔

علاوہ ازیں وزیراعظم شہباز شریف سے ملاقات میں پاک بھارت کشیدگی اور ملک کی موجودہ صورتحال پربات چیت ہوئی جبکہ دونوں رہنماؤں میں  بجٹ 2025-2026 میں صوبوں اوراتحادیوں کے تخفظات دور کرنے پر اتفاق ہوا۔

اندرونی کہانی کے مطابق وزیراعظم نے بلاول بھٹو زرداری نے بیرون ملک پاک بھارت کشیدگی میں پاکستانی موقف کو اجاگر کرنے کو سراہا۔

در آصف علی زرداری اوروزیراعظم شہبازشریف نے پی پی پی ن لیگ میں بہتر کوارڈنیشن کو وقت ضرورت اور پنجاب میں دونوں جماعتوں کے مشترکہ چلنے کو ضروری قرار دیا۔

 صدر مملکت آصف علی زرداری نے گورنر پنجاب سردار سلیم حیدر کی کارکردگی کو بھی سراہا جبکہ بلاول ہاؤس کی جگہ گورنر ہاؤس میں قیام کے بعد گورنر کی پوزیشن مزید مضبوط ہوگئی۔گورنر پنجاب سردار سلیم حیدر نے پنجاب میں پیپلزپارٹی کو درپیش مسائل کے بارے میں صدر اصف علی زرداری کو بریفنگ دی تھی۔

صدر آصف علی زرداری لاہور سے آسلام آباد جانے کیلئے ایک دو روز میں جائیں گے۔

مقبول خبریں

رائے

کون ہارا کون جیتا

Jul 24, 2025 01:30 AM |

کرایہ

Jul 24, 2025 01:23 AM |

پیسہ پیسہ کرکے!!

Jul 24, 2025 01:14 AM |