میسی کب بھارت کا دورہ کریں گے؟ تاریخیں سامنے آگئیں

اسٹار فٹبالر کا دورہ 3 روز کا ہوگا، اس دوران وہ کولکتہ، ممبئی اور دہلی کا سفر کریں گے، رپورٹس 


ویب ڈیسک June 18, 2025

لیجنڈری فٹبالر لیونل میسی رواں برس ارجنٹائن کی ٹیم کے ہمراہ بھارت کا دورہ کریں گے۔


میڈیا رپورٹس کے مطابق ارجنٹائن کو فیفا ورلڈکپ جتوانے والے کپتان لیونل میسی اپنی ٹیم کے ہمراہ رواں برس دسمبر میں بھارت کا دورہ کریں گے۔

لیونل میسی کا یہ تاریخی دورہ 13 سے 15 تک جاری رہے گا، جس کے دوران وہ کولکتہ، ممبئی اور دہلی کا سفر کریں گے۔ اسٹار فٹبالر کے اعزاز میں مختلف تقریبات منعقد کی جائیں گی، جن کا مقصد ان کے شاندار کیریئر کو خراج تحسین پیش کرنا ہے۔

مزید پڑھیں: میسی اگلے برس ارجنٹائن کی ٹیم کے ہمراہ بھارت کا دورہ کریں گے

دورے کے دوران میسی کا پہلا پڑاؤ ہوگا کولکتہ ہوگا، جہاں انہیں ایڈن گارڈنز اسٹیڈیم میں اعزاز سے نوازا جائے گا، اس موقع پر وزیراعلیٰ مغربی بنگال ممتا بینرجی کی شرکت بھی متوقع ہے۔

میسی کولکتہ میں ایک فٹبال کلینک کا افتتاح بھی کریں گے جبکہ ان کے اعزاز میں ایک 7 رکنی فٹبال ٹورنامنٹ کا انعقاد بھی کیا جائے گا۔

مزید پڑھیں: فیفا ورلڈکپ کیلئے کوالیفائی کرنے پر کھلاڑیوں کو الیکٹرک گاڑیوں سے نواز دیا گیا

کولکتہ کے بعد میسی کا اگلا پڑاؤ ہوگا دہلی ہوگا، جہاں وہ ممکنہ طور پر بھارتی وزیراعظم نریندر مودی سے ملاقات کریں گے، اس دوران اسٹار فٹبالر کو جواہر لال نہرو اسٹیڈیم یا فیروز شاہ کوٹلہ گراؤنڈ کا دورہ بھی کرسکتے ہیں۔

مزید پڑھیں: کیا رونالڈو کے گھر نئے مہمان کی آمد متوقع ہے؟ گرل فرینڈ کی ویڈیو وائرل

میسی کے دورہ بھارت کا آخری مرحلہ ممبئی ہوگا، جہاں وہ ایک خصوصی تقریب میں شرکت کریں گے، جس میں بھارت کے کرکٹ بھگوان سچن ٹنڈولکر سے بھی ملاقات ہونے کا امکان ظاہر کیا جارہا ہے۔

مزید پڑھیں: رونالڈو کی گرل فرینڈ اور ماں کی نیشنز لیگ کا فائنل دیکھنے کی تصاویر وائرل

خیال رہے کہ یہ دورہ میسی کا بھارت کا پہلا دورہ نہیں ہوگا، اس سے قبل ستمبر 2011 میں میسی نے پہلی مرتبہ ارجنٹائن کی کپتانی کرتے ہوئے کولکتہ کے سالٹ لیک اسٹیڈیم میں وینزویلا کے خلاف دوستانہ میچ کھیلا تھا۔

میسی کے دسمبر میں دورہ کرنے سے پہلے، اکتوبر 2025 میں ارجنٹائن کی قومی ٹیم بھارت میں ایک انٹرنیشنل فرینڈلی میچ بھی کھیلے گی، جو کیرالا میں کھیلے جانے کا امکان ہے، اگرچہ میچ کے حریف اور اسٹیڈیم کی باضابطہ تصدیق نہیں ہوئی لیکن امید کی جا رہی ہے کہ میسی اس میچ میں ٹیم کی قیادت کریں گے۔

مقبول خبریں