ایپل نے صارفین کو خبردار کر دیا، اہم فیچر فوری بند کرنے کا مشورہ
اشاعت کی تاریخ: 21st, May 2025 GMT
ایپل نے دنیا بھر کے کروڑوں آئی فون صارفین کو خبردار کیا ہے کہ وہ فوراً اپنے موبائل فونز میں موجود ”ایئر پلے“ فیچر کو بند کر دیں۔ یہ انتباہ ایک معروف اسرائیلی سائبر سیکیورٹی کمپنی اولیگو (Oligo) کی رپورٹ کے بعد سامنے آیا ہے جس میں بتایا گیا ہے کہ اس فیچر میں خطرناک سیکیورٹی خامیاں موجود ہیں۔
ایئر پلے وہ فیچر ہے جو آئی فون صارفین کو اپنے فون سے آڈیو اور ویڈیو مواد دوسرے اسمارٹ ڈیوائسز جیسے سمارٹ ٹی وی پر بغیر تار (وائرلیس) کے ذریعے چلانے کی سہولت دیتا ہے۔ تاہم اولیگو کے ماہرین نے خبردار کیا ہے کہ اسی فیچر کو استعمال کرتے ہوئے ہیکرز کسی بھی وائی فائی نیٹ ورک پر موجود ایئر پلے سے منسلک ڈیوائسز کو ہیک کر سکتے ہیں۔
اولیگو کے چیف ٹیکنیکل آفیسر گل ایل باز کے مطابق: ”چونکہ ایئر پلے کا استعمال بہت سی مختلف ڈیوائسز میں ہوتا ہے اس لیے ان میں سے کئی میں یہ مسئلہ برسوں تک حل نہیں ہو سکے گا اور بعض میں شاید کبھی بھی نہ ہو۔ یہ سب ایک ہی سافٹ ویئر کی خرابی کی وجہ سے ہو رہا ہے جو متعدد آلات پر اثر انداز ہو رہا ہے۔“
رپورٹ کے مطابق ایئر پلے پروٹوکول اور اس کے سافٹ ویئر ڈیولپمنٹ کٹ میں 23سیکیورٹی خامیاں دریافت کی گئی ہیں، جو کہ تھرڈ پارٹی ڈیوائسز کو ایئر پلے کے قابل بنانے کے لیے استعمال ہوتی ہیں۔ ان خامیوں کی مدد سے ہیکرز “زیرو کلک حملے “کر سکتے ہیں، جس کے ذریعے وہ بغیر صارف کی مداخلت یا اطلاع کے فون تک رسائی حاصل کر کے میلویئر انسٹال کر سکتے ہیں اور حساس معلومات چوری کر سکتے ہیں۔
محفوظ رہنے کے لیے درج ذیل اقدامات کریں:
اپنے آئی فون کی سیٹنگز میں جا کر ایئر پلے ریسیور کو ”بند“ کر دیں۔
اگر مکمل طور پر بند نہ کرنا چاہیں تو رسائی کو صرف ”موجودہ صارف“ تک محدود کریں۔
کسی معتبر تحفظی سافٹ ویئر یا اینٹی وائرس کا استعمال کریں جو ایئر پلے کے مسلسل پسِ منظر میں چلنے والے سگنلز پر نظر رکھ سکے۔
یہ پہلا موقع نہیں کہ ایپل نے سیکیورٹی خطرات کے باعث صارفین کو اپڈیٹ کرنے یا فیچرز بند کرنے کا مشورہ دیا ہو۔ اس سے قبل فروری 2025 میں ایپل نے انکشاف کیا تھا کہ کچھ صارفین کو نشانہ بنانے والے ”انتہائی جدید“ ہیکنگ حملے کیے گئے تھے جن میں آئی فون کا یو ایس بی ریسٹریکٹڈ موڈ بھی غیر فعال کر دیا گیا۔ ایپل کے مطابق: ”ہمیں رپورٹ ملی ہے کہ یہ خامیاں انتہائی ماہر حملہ آوروں نے کچھ خاص افراد کو نشانہ بنانے کے لیے استعمال کی ہیں۔“ واضح رہے کہ یو ایس بی ریسٹریکٹڈ موڈ وہ فیچر ہے جو آئی فون کو لاک ہونے کی صورت میں کسی بھی بیرونی ڈیوائسز جیسے یو ایس بی یا لائٹننگ پورٹ کے ذریعے ڈیٹا کے اخراج سے بچاتا ہے۔ یہ فیچر 2018 میں آئی او ایس 11.
صارفین سے اپیل ہے کہ وہ فوری طور پر ایئر پلے فیچر بند کریں اور اپنے آئی فون کو تازہ ترین سیکیورٹی اپڈیٹس سے اپڈیٹ کریں تاکہ کسی بھی ممکنہ سائبر حملے سے بچا جا سکے۔
Post Views: 4
ذریعہ
ذریعہ: Daily Mumtaz
کلیدی لفظ: کر سکتے ہیں صارفین کو ایئر پلے ایپل نے آئی فون
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی