ایشیا کپ فائنل: انڈیا کیخلاف پاکستان کو کیسے کھیلنا چاہیے؟ ہیڈ کوچ نے کھلاڑیوں کو ہدایات دے دیں
اشاعت کی تاریخ: 27th, September 2025 GMT
پاکستان کرکٹ ٹیم کے ہیڈ کوچ مائیک ہیسن نے کھلاڑیوں کو ہدایت دی ہے کہ ایشیا کپ کے فائنل میں بھارت کے خلاف میدان میں اترتے وقت صرف کھیل پر توجہ دیں۔ انہوں نے کہا کہ گذشتہ دونوں میچوں میں پیدا ہونے والی کشیدگی کے باوجود کھلاڑیوں کو جذباتی ردعمل سے گریز کرنا چاہیے۔
پاکستان نے جمعرات کو دبئی میں بنگلہ دیش کو سخت مقابلے کے بعد 11 رنز سے شکست دے کر تاریخ میں پہلی بار ایشیا کپ کا فائنل کھیلنے کا اعزاز حاصل کیا جہاں اس کا مقابلہ روایتی حریف بھارت سے ہوگا۔
یہ بھی پڑھیے: ایشیا کپ فائنل: بھارت کو کیسے پچھاڑا جا سکتا ہے؟ وسیم اکرم نے گُر بتا دیا
یاد رہے کہ اس ٹورنامنٹ میں دونوں ٹیموں کے درمیان 2 میچز کھیلے جا چکے ہیں، جن میں بھارت نے پاکستان کو 7 وکٹوں اور 6 وکٹوں سے شکست دی تھی۔ ان میچز کے بعد کھلاڑیوں نے ہاتھ ملانے سے بھی انکار کیا تھا جبکہ دونوں جانب سے سیاسی اور جارحانہ اشارے بھی دیکھنے کو ملے۔
بھارتی کپتان سوریہ کمار یادو پر پہلے میچ کے بعد سیاسی بیان دینے کا الزام لگا جبکہ پاکستانی اوپنر صاحبزادہ فرحان اور فاسٹ بولر حارث رؤف نے دوسرے میچ میں جارحانہ اشارے کیے۔
ہیڈ کوچ ہیسن نے کہا کہ ہمیں بھارت جیسی مضبوط ٹیم کے خلاف مستقل مزاجی کے ساتھ کھیلنا ہوگا کیونکہ وہ دنیا کی نمبر ون ٹیم ہیں۔ اگر ہم نے انہیں دباؤ میں رکھا تو جیت ہماری ہوسکتی ہے۔
انہوں نے مزید کہا کہ گزشتہ میچ میں ٹیم نے پہلے میچ کے مقابلے میں بہتر کھیل پیش کیا۔ پہلا میچ ذرا سست انداز میں کھیلا گیا تھا اور بھارت نے مکمل کنٹرول سنبھال لیا تھا۔ دوسرے میچ میں ہم نے زیادہ تر وقت بھارت کو قابو میں رکھا لیکن ابھیشیک شرما کی شاندار اننگز نے نتیجہ بدل دیا۔
یہ بھی پڑھیے: ایشیا کپ: حارث اور ’سوریا‘ پر آئی سی سی ضابطہ اخلاق کی خلاف ورزی پر جرمانہ، صاحبزادہ فرحان کو وارننگ
ابھیشیک شرما نے 39 گیندوں پر 74 رنز کی جارحانہ اننگز کھیل کر بھارت کو 172 رنز کا ہدف 6 وکٹوں کے نقصان پر حاصل کرنے میں مدد دی تھی۔
ہیسن نے کہا کہ کھلاڑیوں نے فائنل کھیلنے کا حق محنت سے کمایا ہے، اب ان پر منحصر ہے کہ وہ اس موقع سے بھرپور فائدہ اٹھائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
PAK INDIA MATCH پاک انڈیا میچ کرکٹ کھیل ہیڈ کوچ.
ذریعہ
ذریعہ: WE News
کلیدی لفظ: پاک انڈیا میچ کرکٹ کھیل ہیڈ کوچ ایشیا کپ ہیڈ کوچ کہا کہ
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ