ریئر ارتھ اور دیگر متعلقہ اشیاء پر برآمدی کنٹرول کے اقدامات ایک جائز قدم ہیں، چینی وزارت تجارت
اشاعت کی تاریخ: 14th, October 2025 GMT
ریئر ارتھ اور دیگر متعلقہ اشیاء پر برآمدی کنٹرول کے اقدامات ایک جائز قدم ہیں، چینی وزارت تجارت WhatsAppFacebookTwitter 0 14 October, 2025 سب نیوز
بیجنگ : چینی وزارت تجارت کے ترجمان نے چین کے خلاف اضافی محصولات سمیت دیگر پابندیوں کے اقدامات کے حالیہ امریکی اعلان کے حوالے سے نامہ نگاروں کے سوالات کا جواب دیا۔منگل کے روز چینی میڈیا کے مطابق چین نے چین پر 100 فیصد محصولات سمیت دیگر پابندیاں عائد کرنے کی امریکی دھمکی پر اپنی پوزیشن واضح کی ہے۔
ترجمان کا کہنا تھا ہم اس بات کا اعادہ کرتے ہیں کہ ریئر ارتھ اور دیگر متعلقہ اشیاء پر برآمدی کنٹرول کے اقدامات ایک جائز قدم ہیں جو چینی حکومت نے اپنے برآمدی کنٹرول کے نظام کو بہتر بنانے کے لیے قوانین اور ضوابط کے مطابق اٹھائے ہیں۔ ایک ذمہ دار بڑے ملک کی حیثیت سے، چین نے ہمیشہ مضبوطی سے اپنی قومی سلامتی اور مشترکہ بین الاقوامی سلامتی کی حفاظت کی ہے۔
چین کی برآمدی کنٹرول پالیسی برآمدات پر پابندی نہیں ہے۔ ہم عالمی سپلائی چین کی سلامتی اور استحکام کو مشترکہ طور پر برقرار رکھتے ہوئے شرائط کو پورا کرنے والی درخواستوں کی منظوری جاری رکھیں گے۔ ان اقدامات پر عمل درآمد سے قبل چین نے دو طرفہ ایکسپورٹ کنٹرول ڈائیلاگ میکنزم کے ذریعے امریکہ کو آگاہ کیا۔ٹیرف جنگوں اور تجارتی جنگوں کے حوالے سے چین کا موقف مستقل ہے۔ اگر لڑائی ہوئی تو ہم آخری دم تک لڑیں گے۔
بات چیت کرنی ہے تو ہمارے دروازے کھلے ہیں۔ گزشتہ چار اقتصادی اور تجارتی مشاورت کے ادوار نے ثابت کیا ہے کہ چین اور امریکہ باہمی احترام اور مساوی مشاورت کی بنیاد پر اپنے مسائل کا حل تلاش کر سکتے ہیں۔ ترجمان نے مزید کہا کہ امریکہ نئی پابندیوں کی دھمکیوں کے ساتھ مذاکرات کا مطالبہ نہیں کر سکتا۔ چین کے ساتھ بات چیت کا یہ صحیح طریقہ نہیں ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچین کا امریکی جہازوں سے خصوصی بندرگاہ فیس وصول کرنے کا اعلان پیٹرولیم مصنوعات کی قیمت میں بڑی کمی کا امکان صدر ایف پی سی سی آئی عاطف اکرام شیخ کی قیادت میں وفد کی سیکرٹری تجارت جواد پال سے ملاقات پاکستان اسٹاک ایکسچینج میں شدید مندی کے ساتھ کاروبار کا آغاز چین کی اشیاء کی درآمد و برآمد 33.61 ٹریلین یوآن تک پہنچ گئی، چینی کسٹمز جنرل ایڈمنسٹریشن ملک بھر میں شادیوں کی تقریبات سے ٹیکس وصولیوں میں بڑا اضافہ ریکارڈ سعودی عرب اور چین کی مدد سے پاکستان میں توانائی کے اہم منصوبوں کا آغاز
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: برا مدی کنٹرول کے کے اقدامات
پڑھیں:
کفایت شعاری اقدامات، حکومت نے مارکیٹوں اور ریسٹورنٹس کے اوقات کار میں توسیع کردی گئی
نائب وزیراعظم و وزیر خارجہ اسحاق ڈار کی زیر صدارت کفایت شعاری اقدامات پر اہم اجلاس ہوا جس میں مارکیٹوں اور ریسٹورنٹس کے اوقات کار میں توسیع کردی گئی۔
ایکسپریس نیوز کے مطابق نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کا اجلاس منعقد ہوا۔
اجلاس میں ملک بھر میں توانائی کے مؤثر استعمال اور کاروباری سرگرمیوں کے اوقات کارجبکہ جاری کفایت شعاری اقدامات کا تفصیلی جائزہ لیا گیا۔
موسمِ گرما میں دن کے دورانیے میں اضافے اور بلند درجہ حرارت کے پیش نظر کمیٹی نے دکانوں، بازاروں، شاپنگ مالز اور جنرل ریٹیل کاروبار کے اوقات کار رات 9 بجے تک بڑھانے کی منظوری دے دی۔
مزید پڑھیںلاہور میں بھی اسمارٹ لاک ڈاؤن پھر سے نافذ، پرانے اوقات کار بحال
اجلاس کے فیصلوں کے مطابق ریسٹورنٹس، کیفے اور دیگر کھانے پینے کے مراکز رات 11 بجے تک کھلے رہ سکیں گے، تاہم ٹیک اوے اور ہوم ڈلیوری سروسز ان اوقات کی پابندی سے مستثنیٰ ہوں گی۔
شادی ہالز اور تقریبات کے مقامات کے اوقات کار رات 10 بجے تک برقرار رکھنے کا فیصلہ کیا گیا جبکہ فارمیسیز، ہسپتال، پٹرول پمپس، آئی ٹی اور ٹیلی کام سے متعلق خدمات سمیت ضروری سروسز کو ان پابندیوں سے استثنیٰ حاصل ہوگا۔
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ مکمل تعاون کرتے ہوئے ان فیصلوں پر مؤثر عملدرآمد یقینی بنائیں۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات اور آئی ٹی و ٹیلی کام، وزیر اعظم کے معاونینِ خصوصی برائے خزانہ اور نائب وزیراعظم، وفاقی سیکریٹریز تجارت، کابینہ، پیٹرولیم اور آئی ٹی و ٹیلی کمیونی کیشنز کے علاوہ صوبائی حکومتوں کے سینئر حکام نے بھی شرکت کی۔کمیٹی نے ایجنڈے میں شامل دیگر امور اور کیسز کی بھی منظوری دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ