ہم آرمی چیف کی ایک کال پر ملک کی خاطر لڑنے کیلئے تیار ہیں: میجر جنرل (ر) جاوید اسلم
اشاعت کی تاریخ: 6th, May 2025 GMT
’جیو نیوز‘ گریب
میجر جنرل (ر) جاوید اسلم کا کہنا ہے کہ ہم آرمی چیف کی ایک کال پر ملک کی خاطر لڑنے کے لیے تیار ہیں۔
راولپنڈی میں میجر جنرل ریٹائرڈ جاوید اسلم نے ایکس سروس مین کے ہمراہ پریس کانفرنس کرتے ہوئے کہا کہ بھارت نے فالس فلیگ آپریشن کشمیر میں کیا، فالس فلیگ آپریش کی آڑ میں بھارت سندھ طاس معاہدے کی خلاف ورزی کر رہا ہے۔
انہوں نے کہا کہ بھارت نے 2019ء میں بھی ایسا آپریشن کیا اور کشمیر میں 370 کا آرٹیکل لگایا، بھارت کا فالس فلیگ آپریشن نئی بات نہیں، بھارتی پارلیمنٹ پر حملے کا الزام اور کشمیر اسمبلی واقعے پر بھی بھارتی ادراوں نے فالس فلیگ تسلیم کیا، پہلگام فالس فلیگ بھونڈے طریقے سے کیا گیا ہے، بھارت پاکستان کو ٹارگٹ کرنے کے بہانے تلاش کرتا ہے، اس بار بھارت کو وہ بیرونی سپورٹ نہیں ملی جس کی بھارت کو اُمید تھی۔
چیئرمین پاکستان پیپلز پارٹی بلاول بھٹو زرداری نے کہا ہے کہ پاکستان کا پہلگام واقعے میں کوئی ہاتھ نہیں، پاکستان دہشت گردی میں ملوث نہیں بلکہ غیرملکی معاونت سے ہونے والی دہشتگردی سے سب سے زیادہ متاثر ہے۔
جاوید اسلم کا کہنا ہے کہ ہم تمام ویٹنرز اور ریٹائرڈ پاکستان کےلیے حاضر ہیں، پاک وطن کے انچ انچ کی حفاظت کے لیے تیار ہیں، پاکستان کی فوج دنیا کی بہترین فوج ہے، ہم اپنی فوج کے ساتھ سیسہ پلائی دیوار کی طرح کھڑے ہیں۔
ان کا یہ بھی کہنا ہے کہ بھارت نے کوئی ایڈونچر کرنے کی کوشش کی تو اس کو زبردست جواب ملے گا، ہر قسم کی قربانی دینے کے لیے تیار ہیں، بھارت پاکستان میں دہشت گردی میں ملوث ہے، پاکستان معاشی ترقی کی جانب بڑھ رہا ہے، پاکستان ہر قسم کے خطرات سے نمٹنے کی صلاحیت رکھتا ہے۔
اس موقع پر گفتگو کرتے ہوئے میجر جنرل (ر) خالد جعفری نے کہا کہ انڈیا کی اپنے ملک کی انکیوائریز میں فالس فلیگ آپریشنز ثابت ہوئے، ہماری پریزینٹیشن دنیا میں سب سے زیادہ ہے، بھارت کے فالس فلیگ آپریشنز ابھی سے نہیں ہو رہے یہ پہلے سے ہو رہے ہیں۔
انہوں نے کہا کہ ہم پوری دنیا کی بہترین فوج ہیں، ہم پوری طرح تیار ہیں، اس وقت بھی کسی قسم کا ٹاسک ہم پورا کر سکتے ہیں، پہلگام فالس فلیگ منصوبہ دنیا کے سامنے ناکام ہوگیا۔
.ذریعہ: Jang News
کلیدی لفظ: جاوید اسلم فالس فلیگ تیار ہیں
پڑھیں:
مودی نے پہلگام فالس فلیگ کا ڈراما بِہار الیکشن کیلئے رچایا،بھارتی میڈیا
پوری قوم پہلگام واقعے کے غم میں مبتلا ہے اور مودی بہار انتخابات میں مصروف ہیں، میڈیا
مودی پہلگام واقعے کو سیاسی پوائنٹ اسکورنگ کے لیے استعمال کررہے ہیں، سیاسی تجزیہ کار
پہلگام فالس فلیگ کے فوراً بعد مودی کی بہار الیکشن کے لیے اچانک سرگرمیاں بھارتی میڈیا کی شہ سرخیوں میں شامل ہو گئیں، جس سے مودی سرکار کا پورا ڈراما بے نقاب ہوگیا۔بہار انتخابات جیتنے کے لیے مودی کا پہلگام ڈراما بے نقاب ہو چکا ہے ۔ ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی نے بہارانتخابات جیتنے کے لیے پہلگام فالس فلیگ کا ڈراما رچایا، جسے خود بھارتی ذرائع ابلاغ پر بھی بہار انتخابات ہی سے جوڑا جا رہا ہے ۔ٹائمز آف انڈیا کے مطابق بھارت کی اپوزیشن جماعت کانگریس، آر جے ڈی نے مودی کے بہار دورے پر تنقید کی ہے ۔ اسی طرح اے این آئی نے رپورٹ کیا ہے کہ آر جے ڈی نے پٹنہ میں مودی اور وزیر اعلیٰ نتیش کمار کیخلاف بینرز لگا دیے ہیں۔ٹائمز آف انڈیا کے مطابق آر جے ڈی نے مودی کی جانب سے بہار میں پہلگام حملے کے بعد ریلی پر شدید تنقید کی ہے ۔ دریں اثنا سینئر بھارتی صحافی نے سوال اٹھایا ہے کہ پہلگام واقعے کے 45گھنٹے کے بعد آپ ووٹ مانگنے پہنچ گئے ۔این اے آئی کے مطابق پوری قوم پہلگام واقعے کے غم میں مبتلا ہے اور مودی بہار انتخابات میں مصروف ہیں۔اسی طرح سوشل میڈیا پر بھی مودی کی سیاسی سرگرمیاں زیر گردش ہیں، جن میں کہا جا رہا ہے کہ راہول گاندھی پہلگام میں متاثرہ خاندانوں سے ملیں گے جب کہ مودی انتخابات میں مصروف ہیں۔سیاسی تجزیہ کاروں کا کہنا ہے کہ بھارت میں یہ رائے زور پکڑتی جا رہی ہے کہ مودی کا پہلگام ڈراما بہار انتخابات جیتنے کے لیے تھا۔ مودی کے بیانات اس بات کو ظاہر کرتے ہیں کہ وہ پہلگام حملے کو سیاسی پوائنٹ اسکورنگ کے لیے استعمال کر رہا ہے اور شواہد سے یہ ثابت ہو چکا کہ پہلگام حملہ پہلے سے طے شدہ تھا۔
امریکی حکومت کو اعتماد کے عالمی بحران کا سامنا ہے، چینی میڈیا