اسلام ٹائمز: رزق کے ساتھ ساتھ احساسات بھی بانٹو۔۔۔۔۔ مسکراہٹ بھی بانٹو۔۔۔۔۔۔ وقت بھی بانٹو۔۔۔۔۔۔ محبتیں بھی بانٹو۔۔۔۔۔۔کہ شاید تمہارے بانٹنے سے کسی کی اداسی کم ہو جائے۔۔۔۔۔۔۔ کسی کی امید جاگ اٹھے۔۔۔۔۔ کسی کا دل پگھل جائے اور تمہارے حق میں دعا کرے۔۔۔۔۔۔۔۔ لہٰذا بانٹنا سیکھو۔۔۔ کہ یہی امانت کا حق۔۔۔۔ اور یہی بندگی کی معراج ہے۔ تحریر: ساجد علی گوندل
خدا کے بندو۔۔۔
یہ شان و شوکت،
یہ مال و دولت،
یہ بنگلہ، یہ گاڑی، یہ سونا، یہ چاندی،
یہ عزت، یہ شہرت، یہ طاقت۔۔۔
یہ “میں”، یہ “میرا”، یہ “میری” — سب وہم ہے،
فریب ہے، غفلت ہے۔
یہ سب تمہارا نہیں۔۔۔
یہ امانت ہے۔۔۔۔۔۔
اور تم اس کے امین ہو۔۔۔۔۔
تم اس کے نگہبان ہو۔۔۔۔۔۔۔
اللہ نے تمہیں یہ شرف بخشا ہے کہ دوسروں کا لقمہ تمہارے رزق میں رکھا۔۔۔۔۔۔۔
یہ عزت تمہیں اس لیے دی گئی کہ تم الہیٰ سنت کو زندہ کرو۔۔۔۔۔۔۔
جو کچھ تمہارے پاس ہے، وہ تمہارا نہیں۔۔۔۔۔۔۔
تم وسیلہ ہو۔۔۔۔۔۔ ذریعہ ہو۔۔۔۔۔۔۔ مقسم ہو۔۔۔۔۔۔۔
تم نے پہنچانا ہے۔۔۔۔۔۔۔۔ روکنا نہیں۔۔۔۔۔۔۔
یہ بہاؤ ہے۔۔۔
یہ گردش ہے۔۔۔
دامن بچاؤ ۔۔۔۔۔۔
احتیاط کرو۔۔۔۔۔۔۔ بچ نکلو۔۔۔۔۔۔
کہیں احساسِ مالکیت غالب نہ آ جائے۔۔۔۔۔۔
یہ وہم ایک خوبصورت فریب ہے، جو سب کچھ نگل لیتا ہے۔۔۔۔۔۔
فرعون کا اپنا کیا تھا؟
اسی دھوکے نے اسے نابود کیا۔۔۔۔۔۔
قارون کی “مالکیت” کہاں گئی؟
شدّاد اور اس کی بلند و بالا عمارتیں کہاں گئیں؟
جاتے وقت سکندر کے دونوں ہاتھ خالی تھے۔۔۔۔۔
مت سمجھو کہ تم مالک ہو۔۔۔۔۔۔۔
مالک تو وہی اکیلا ہے۔۔۔
جو دینا بھی جانتا ہے۔۔۔۔۔ اور لینا بھی۔۔۔۔۔۔۔
تم صرف واسطہ ہو۔۔۔۔۔۔۔
امانت پہنچاؤ۔۔۔۔۔۔۔ کہیں دیر نہ ہو جائے۔۔۔۔۔۔۔۔
یہی تمہارا امتحان ہے۔۔۔۔۔۔
یہی تمہاری شرافت۔۔۔۔۔۔۔
اور یہی انسانی پیمانہ۔۔۔۔۔۔۔
خود سے ہمسائے کی خبر لو،
کہیں ایسا نہ ہو کہ وہ بھوکا سو جائے۔
کبھی سفید اجلے لباس کے پیچھے چھپی خاموشی اور بے بسی کو بھی پڑھو۔۔۔۔۔۔۔
اپنوں کی خاموشی کو زبان دو۔۔۔۔۔۔۔۔ یہ دور آزمائش کا دور ہے۔۔۔۔۔۔۔ کبھی بنا دعوت کسی کو کھانا کھلاؤ۔۔۔۔۔۔ بنا مانگے کسی کو لباس پہناؤ۔۔۔۔۔۔۔۔ کسی یتیم کو پناہ دو۔۔۔۔۔۔۔۔ کسی مقروض کا ہاتھ بٹاو۔۔۔۔۔۔۔ درحقیقت آزمائش مفلس کی نہیں صاحبِ ثروت کی ہے
یاد رکھو۔۔۔
جب تم بانٹتے ہو تو تم دیتے نہیں۔۔۔
درحقیقت لوٹاتے ہو۔۔۔۔۔۔
وہی لوٹا رہے ہو جو تمہیں عارضی طور پر دیا گیا۔۔۔۔۔۔
ہاں۔۔۔۔۔۔۔۔
رزق کے ساتھ ساتھ احساسات بھی بانٹو۔۔۔۔۔
مسکراہٹ بھی بانٹو۔۔۔۔۔۔ وقت بھی بانٹو۔۔۔۔۔۔ محبتیں بھی بانٹو۔۔۔۔۔۔
کہ شاید تمہارے بانٹنے سے کسی کی اداسی کم ہو جائے۔۔۔۔۔۔۔
کسی کی امید جاگ اٹھے۔۔۔۔۔
کسی کا دل پگھل جائے اور تمہارے حق میں دعا کرے۔۔۔۔۔۔۔۔
لہٰذا بانٹنا سیکھو۔۔۔
کہ یہی امانت کا حق۔۔۔۔
اور یہی بندگی کی معراج ہے
ذریعہ: Islam Times
پڑھیں:
جنگ کا بینیفشری نہیں، بلکہ متاثرہ فریق ہوں، سرفراز بگٹی
کوئٹہ میں ایک تقریب سے خطاب کرتے ہوئے سرفراز بگٹی نے کہا کہ میں نے اپنے خاندان اور قبیلے کے 280 لوگوں کی لاشیں اٹھائی ہیں اور آج بھی 280 بیواؤں اور انکے بچوں کی کفالت کر رہا ہوں۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ انہیں سماجی رابطہ کی ویب سائٹس پر چلنے والی مہمات کی کوئی پرواہ نہیں ہے۔ اپنے موقف سے پیچھے نہیں ہٹیں گے۔ ان خیالات کا اظہار انہوں نے آج کوئٹہ میں صحافیوں کیلئے میڈیا ہاؤسنگ سوسائٹی کی سنگ بنیاد رکھنے کے موقع پر خطاب کرتے ہوئے کیا۔ انہوں نے کہا کہ میں جنگ کا بینیفشری (فائدہ اٹھانے والا) نہیں، بلکہ ایفیکٹی (متاثرہ فریق) ہوں۔ میں نے اپنے خاندان اور قبیلے کے 280 لوگوں کی لاشیں اٹھائی ہیں اور آج بھی 280 بیواؤں اور ان کے بچوں کی کفالت کر رہا ہوں۔ وزیراعلیٰ نے کہا کہ میرا سیاسی سرمایہ پاکستان کے ساتھ کھڑے ہو کر لاشیں دینا ہے۔ مجھے سوشل میڈیا مہمات کی پرواہ نہیں، میں مظلوم کے ساتھ کھڑا ہوں اور کسی صورت ظالم کا ساتھ نہیں دوں گا اور نہ ہی اپنے موقف سے پیچھے ہٹوں گا۔ سرفراز بگٹی نے صحافیوں پر زور دیا کہ وہ میڈیا ہاؤسنگ اسکیم کو کوئی احسان نہ سمجھیں، بلکہ یہ ان کا حق ہے۔ انہوں نے کہا کہ صحافی حکومت کی غلطیوں کی نشاندہی کریں، سچ کو فروغ دیں اور بلیک میلنگ کی حوصلہ شکنی کریں۔
وزیراعظم شہباز شریف بحرین کے 2 روزہ دورے پر روانہ ہو گئے