غزہ میں جنگ بندی بڑی انسانی خدمت، پاکستان کو اس میں اپنا کردار ادا کرنے پر فخر ہے؛ وزیراعظم
اشاعت کی تاریخ: 18th, October 2025 GMT
سٹی 42 : وزیراعظم شہباز شریف نے کہا ہے کہ غزہ میں جنگ بندی ایک بڑی انسانی خدمت ہے، اور پاکستان کو اس میں اپنا کردار ادا کرنے پر فخر ہے۔ پاکستان نے امن اور انسانی حقوق کے تحفظ کے لیے نمایاں کردار ادا کیا، جسے عالمی سطح پر سراہا گیا۔
ان خیالات کا اظہار وزیراعظم شہباز شریف نے جہانیاں میں خطاب کے دوران کیا، کہا کہ پاکستان نے معاشی استحکام اور سفارتی کامیابیوں کی نئی مثال قائم کی، پاکستان نے گزشتہ ڈیڑھ سال میں دیوالیہ پن کے خطرے سے نکل کر معاشی استحکام کی راہ اختیار کی ہے۔ انہوں نے کہا کہ ملکی معیشت کے تمام اشاریے بہتری کی جانب گامزن ہیں، حکومت شبانہ روز محنت کے ساتھ پاکستان کو ترقی اور خوشحالی کی جانب لے جا رہی ہے۔
دکی ؛ کوئلے کی کان میں مٹی کا تودہ گرنے سے دو کان کن جاں بحق
وزیراعظم نے کہا کہ وزیراعلیٰ مریم نواز اور ان کی ٹیم نے محنت، دیانت اور خلوص سے عوامی خدمت کی نئی مثال قائم کی ہے۔ پنجاب میں ٹرانسپورٹ، تعلیم، صحت اور سڑکوں کے منصوبوں کو عوامی ریلیف یقینی بنایا گیا ۔ انہوں نے کہا کہ پاکستان کو حالیہ دنوں میں بھارت کے خلاف دفاعی میدان میں عظیم فتح نصیب ہوئی، افواجِ پاکستان کی جرات، بہادری اور اللہ تعالیٰ کے فضل و کرم کا نتیجہ ہے، فیلڈ مارشل سید عاصم منیر کی قیادت میں پاک افواج نے وطنِ عزیز کا دفاع یقینی بنایا، دنیا بھر میں پاکستان کا نام روشن کیا۔
وزیراعلیٰ سندھ سے قمر زمان کائرہ کی ملاقات،سیاسی صورتحال اور پارٹی امور پر گفتگو
شہباز شریف نے کہا کہ موجودہ حکومت نے اقتدار سنبھالا تو ملک کو شدید معاشی بحران اور دیوالیہ پن کا سامنا تھا۔ محنت، دیانت اور درست پالیسیوں کے نتیجے میں معاشی اشاریے بہتری کی طرف گامزن ہیں۔ انہوں نے کہا کہ سعودی عرب کے ساتھ تعلقات میں نئی گرمجوشی پیدا ہوئی ہے۔ سعودی قیادت نے پاکستان کے ساتھ مثالی تعاون کا اظہار کیا ہے۔
وزیراعظم شہباز شریف نے بتایا کہ اقوامِ متحدہ میں صدر ٹرمپ، صدر اردوان، اور صدر عبدالفتاح السیسی سمیت عالمی رہنماؤں سے ملاقاتیں ہوئیں۔ انہوں نے کہا کہ غزہ جنگ بندی کے لیے پاکستان نے کلیدی کردار ادا کیا، پاکستان نے امن اور انسانی حقوق کے تحفظ کے لیے نمایاں کردار ادا کیا، جسے عالمی سطح پر سراہا گیا۔ انہوں نے کہا کہ غزہ میں جنگ بندی ایک بڑی انسانی خدمت ہے، اور پاکستان کو اس میں اپنا کردار ادا کرنے پر فخر ہے۔
محمد رضوان کی ون ڈے کی کپتانی خطرے میں، نیا کپتان کون ہوگا؟
آخر میں وزیراعظم شہباز شریف نے کہا کہ تمام سیاسی قوتوں کو اختلافات سے بالاتر ہو کر قومی مفاد میں مل کر کام کرنا ہوگا، پاکستان کے خوابوں کو حقیقت بنانا ہے۔ ہمیں دیانت، امانت اور محنت کے ساتھ دن رات کام کرنا ہوگا، پاکستان کی ترقی ہی سب کی کامیابی ہے، پاکستان ہے تو ہم سب ہیں، پاکستان کی عزت ہے تو ہماری عزت ہے۔ آئیے، مل کر پاکستان کو عظیم بنائیں۔
.