عامر خان پر بھائی کا سنگین الزام، خاندان والے بھی بول پڑے
اشاعت کی تاریخ: 11th, August 2025 GMT
بالی ووڈ اداکار عامر خان کے خاندان نے فیصل خان کی جانب سے ان کی والدہ اور خاندان کے بارے میں دیے گئے حالیہ بیانات پر تشویش کا اظہار کیا ہے۔
فیصل خان نے حالیہ انٹرویو میں دعویٰ کیا کہ ان کے خاندان اور خاص طور پر عامر خان نے ان کے ساتھ برسوں تک غلط سلوک کیا۔
اب اس معاملے پرعامر خان کے خاندان کا بیان سامنے آیا ہے جن میں رینا دتہ، جنید خان، ایرا خان، فرحت دتہ، راجیو دتہ، کرن راؤ، سنتوش ہیگڑے، سحر ہیگڑے، منصور خان، نزہت خان، عمران خان، ٹینا فونسیکا، زین ماریہ خان اور پابلو خان شامل ہیں۔
یہ بھی پڑھیں: ’مجھے ایک برس گھر پر قید رکھا گیا‘ فیصل خان کا بھائی عامر خان پرالزام
ان کا کہنا ہے کہ ’ہم فیصل کی جانب سے اپنی والدہ زینت طاہر حسین، اپنی بہن نکہت ہیگڑے اور اپنے بھائی عامر کے بارے میں دی گئی گمراہ کن اور تکلیف دہ تصویر کشی سے بہت دل گرفتہ ہیں۔ چونکہ یہ پہلا موقع نہیں ہے جب فیصل نے ان واقعات کو غلط انداز میں پیش کیا ہے، اس لیے ہم ضروری سمجھتے ہیں کہ اپنی نیت کو واضح کریں اور اپنے خاندانی اتحاد کا اعادہ کریں‘۔
انہوں نے کہا کہ فیصل سے متعلق ہر فیصلہ اجتماعی طور پر خاندان نے متعدد ماہرینِ نفسیات و ڈاکٹروں سے مشاورت کے بعد کیا جو صرف محبت، ہمدردی اور ان کی جذباتی و ذہنی بھلائی کے خیال پر مبنی تھا۔ انہی وجوہات کی بنا پر ہم نے اس تکلیف دہ اور مشکل وقت کی تفصیلات کو عوامی سطح پر بیان کرنے سے گریز کیا۔
عامر خان کے خاندان نے مزید کہا کہ ہم میڈیا سے گزارش کرتے ہیں کہ وہ ہمدردی کا مظاہرہ کرے اور اس نجی معاملے کو سنسنی خیز، اشتعال انگیز اور تکلیف دہ گپ شپ میں نہ بدلے۔
یہ بھی پڑھیں: ’ہاتھ جوڑ کر معافی مانگتا ہوں میں نے جھوٹ بولا‘، عامر خان نے ایسا کیوں کہا؟
واضح رہے کہ پنک ولا کو دیے گئے ایک انٹرویو میں فیصل خان نے بتایا کہ ان کے خاندان نے ان پر شیزوفرینیا (دماغی بیماری) کا الزام لگایا اور کہا کہ ’وہ پاگل ہیں اور معاشرے کے لیے خطرہ بن سکتے ہیں‘۔ انہوں نے دعویٰ کیا کہ چند سال پہلے عامر خان نے انہیں ممبئی کے اپنے گھر میں ایک سال سے زیادہ عرصے تک قید رکھا۔
فیصل نے کہا ’وہ لوگ کہہ رہے تھے کہ مجھے شیزوفرینیا ہے اور میں پاگل ہوں، میں سوسائٹی کو نقصان پہنچا سکتا ہوں۔ یہ سب باتیں ہو رہی تھیں۔ میں خود سوچ رہا تھا کہ یار میں اس چکر ویو سے کیسے نکلوں۔ چکر ویو ہو گیا تھا میرے لیے۔ میں اس میں پھنس گیا تھا کیونکہ سارا خاندان میرے خلاف جا رہا تھا۔ مجھے پاگل سمجھ رہے تھے‘۔
انہوں نے کہا کہ وہ دعا کرتے تھے کہ ان کے والد ان کی مدد کو آئیں، جو اس وقت اپنی دوسری بیوی کے ساتھ تھے اور خاندان کی سیاست سے دور تھے۔ ان کا نمبر بھی میرے پاس نہیں تھا۔ اور عامر نے مجھے ایک سال کے لیے گھر میں قید کر دیا تھا۔ فیصل نے مزید بتایا کہ ایک سال بعد، جب انہوں نے زور دیا تو عامر نے انہیں دوسرے گھر منتقل ہونے کی اجازت دی۔
یہ بھی پڑھیں: پولیس کی بھاری نفری اداکار عامر خان کے گھر کیوں پہنچی؟ وجہ سامنے آگئی
عامر خان اور ان کے بھائی فیصل خان کے درمیان برسوں سے کشیدہ تعلقات رہے ہیں۔ فیصل ایک بار ایک قانونی تنازع میں بھی ملوث رہے، جب ان سے ان کے دستخطی اختیارات واپس لینے کے لیے کہا گیا، جس پر وہ عدالت چلے گئے۔ فیصل نے پہلے انکشاف کیا تھا کہ انہوں نے جے جے اسپتال میں 20 دن کی ذہنی جانچ کروائی، جہاں ڈاکٹروں نے انہیں ذہنی طور پر مکمل طور پر صحت مند قرار دیا تھا۔
دونوں بھائی 2000 کی فلم میلا میں ایک ساتھ نظر آئے تھے، جس میں ٹوئنکل کھنہ بھی تھیں اور فلم کی ہدایت کاری دھرمیش درشن نے کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عامر خان عامر خان الزامات عامر خان بھائی فیصل خان.
ذریعہ
ذریعہ: WE News
کلیدی لفظ: عامر خان الزامات عامر خان بھائی فیصل خان ان کے خاندان عامر خان کے انہوں نے فیصل خان فیصل نے کہا کہ کے لیے
پڑھیں:
مسئلہ کشمیر کا منصفانہ حل جنوبی ایشیا میں امن کی بنیاد، دہشتگردی عالمی سلامتی کیلئے سنگین خطرہ: اسحاق ڈار
اسلام آباد، منیلا (خبر نگار خصوصی) نائب وزیراعظم اسحاق ڈار نے کہا ہے کہ پاکستان علاقائی امن، استحکام اور تعاون کے فروغ کے لیے آسیان ریجنل فورم کے ذریعے اپنا کردار ادا کرنے کے لیے پْرعزم ہے۔ اسحاق ڈار نے 33 ویں آسیان ریجنل فورم سے خطاب کرتے ہوئے کہا کہ عالمی اور علاقائی چیلنجز سے نمٹنے کے لیے مؤثر کثیرالجہتی تعاون ناگزیر ہے۔ جموں و کشمیر کے تنازعے کا منصفانہ حل ہی جنوبی ایشیا میں پائیدار امن کی بنیاد ہے۔ پاکستان مسئلہ کشمیر کے پرامن اور منصفانہ حل کی حمایت جاری رکھے گا، جبکہ عالمی برادری کو حل کے لیے اپنا کردار ادا کرنا چاہیے۔ اسحاق ڈار نے بھارت کی جانب سے سندھ طاس معاہدے کی معطلی کو تشویشناک اور اشتعال انگیز اقدام قرار دیتے ہوئے کہا کہ معاہدے سے متعلق یکطرفہ اقدامات 25 کروڑ پاکستانیوں کے مفادات کو متاثر کر سکتے ہیں۔ غزہ کی انسانی صورتحال پر تشویش کا اظہار کرتے ہوئے کہا کہ پاکستان فلسطینی عوام کے حق خودارادیت کی غیر متزلزل حمایت جاری رکھے گا۔ پاکستان 1967ء سے پہلے کی سرحدوں پر مشتمل آزاد فلسطینی ریاست کے قیام کا حامی ہے۔انہوں نے دہشتگردی کو عالمی امن و سلامتی کے لیے سنگین خطرہ قرار دیتے ہوئے کہا کہ پاکستان دہشتگردی کے خلاف جنگ میں 90 ہزار سے زائد جانوں کی قربانیاں دے چکا ہے اور ہر قسم کی دہشتگردی کے خلاف اپنی جدوجہد جاری رکھے گا۔ افغان سرزمین پاکستان کے خلاف دہشتگردی کے لیے استعمال نہیں ہونی چاہیے، جبکہ افغانستان میں امن سے علاقائی تجارت، روابط اور ترقی کو فروغ ملے گا۔ نائب وزیراعظم نے جنوبی بحیرہ چین کے تنازعات کے پرامن حل کی حمایت کا اعادہ کرتے ہوئے کہا کہ پاکستان ایک چین پالیسی کی مکمل حمایت جاری رکھے گا۔ انہوں نے موسمیاتی تبدیلی کو ترقی پذیر ممالک کے لیے بڑا چیلنج قرار دیتے ہوئے کہا کہ اس سے نمٹنے کے لیے عالمی تعاون کو مزید مضبوط بنانے کی ضرورت ہے۔ دوسری جانب نائب وزیراعظم اور وزیر خارجہ و سینیٹر اسحاق ڈار نے عمان ترجمان دفتر خارجہ کے مطابق فلپائن میں آسیان ریجنل فورم کی سائیڈ لائنز پر ملاقات ہوئی، دونوں رہنمائوں نے دوطرفہ تعاون کی مثبت پیش رفت پر اطمینان کا اظہار کیا۔ملاقات کے دوران اعلیٰ سطح تبادلوں، تجارت و سرمایہ کاری کے فروغ کو مزید مستحکم بنانے پر اتفاق کیا گیا۔ نائب وزیراعظم اسحاق ڈار نے فلپائن میں مختلف ملکوں کے وزرائے خارجہ سے ملاقاتیں کیں۔ وزرائے خارجہ نے امریکہ ایران کے درمیان ثالثی پر پاکستان کے کردار کو سراہا اور مشرق وسطیٰ میں کشیدگی کے خاتمے کیلئے مذاکرات پر زور دیا، اسحاق ڈار نے برطانیہ کے سیکرٹری آف سٹیٹ برائے خارجہ سے ملاقات کی دونوں رہنماؤں نے پاک برطانیہ تعلقات کو مزید مضبوط بنانے کے مشترکہ عزم کا اعادہ کیا۔ ملاقات میں خطے کی سکیورٹی صورتحال پر تبادلہ خیال کیا گیا۔ اسحاق ڈار نے نیوزی لینڈ کے وزیر خارجہ ونٹسن پیٹرز سے ملاقات کی۔ دونوں ملکوں نے تجارت، سرمایہ کاری اور کھیل کے شعبے میں تعاون پراتفاق کیا۔ ملاقات میں خطے اور عالمی صورتحال پر تبادلہ خیال کیا گیا۔ اسحاق ڈار نے آسٹریلیا کے وزیر خارجہ سے بھی ملاقات کی جس میں مختلف شعبوں میں تعاون کو مزید مضبوط بنانے کے عزم کا اعادہ کیا گیا۔ نائب وزیراعظم اسحاق ڈار آسیان ریجنل فورم میں شرکت کے بعد کرغزستان روانہ ہو گئے۔ ترجمان دفتر خارجہ کے مطابق اسحاق ڈار ایس سی او وزرائے خارجہ کونسل کے اجلاس میں شرکت کریں گے۔ اجلاس 23 اور 24 جولائی کو ہوگا، اسحاق ڈار اجلاس کے موقع پر رکن ملکوں کے وزرائے خارجہ سے دو طرفہ ملاقاتیں کریں گے۔؎
بھارت سے جنگ اور افغانستان میں کارروائی خارج ازامکان نہیں، وزیردفاع