شہرقائد میں بادلوں کے ڈیرے! ہلکی و تیز بارش سے موسم خوشگوار
اشاعت کی تاریخ: 28th, June 2025 GMT
کراچی (نیوز ڈیسک) شہر قائد پر آج بھی بادلوں کا راج ہے اور مختلف علاقوں میں ہلکی و تیز بارش شروع ہوتے ہی موسم ایک بار پھر خوشگوار ہوگیا۔
ہفتے کے روز کراچی میں علی الصبح مختلف علاقوں میں ہلکی بوندا باندی شروع ہوئی جو بعد ازاں تیز بارش میں بدل گئی، آئی آئی چندریگر روڈ، اولڈ سٹی ایریا، ملیر، شاہراہ فیصل، صفورہ گوٹھ، قیوم آباد، گلشن اقبال، سرجانی ٹاؤن، نارتھ کراچی سمیت مختلف علاقوں میں بادل برستے رہے۔
جمعرات کی شب ہونے والی بارش سے کراچی کا موسم بدلتے ہی گزشتہ دن (جمعہ کو) بھر شہر کا موسم خوشگوار رہا جس کا سلسلہ آج بھی جاری ہے۔
محکمہ موسمیات کے مطابق آج بھی کراچی کا مطلع ابر آلود رہے گا، شہر پر بادل چھائے رہیں گے جبکہ مغربی ہواؤں کے زیر اثر کراچی میں 29 جون تک بارش کا سلسلہ جاری رہے گا۔
آج دوپہر سے وقفے وقفے سے گرج چمک کے ساتھ بارش متوقع ہے، شہر کا درجہ حرارت 28 ڈگری سینٹی گریڈ ہے ریکارڈ کیا گیا ہے تاہم گرمی کی شدت 35 ڈگری سینٹی گریڈ تک محسوس کی جا رہی ہے۔
محکمہ موسمیات کے مطابق آج زیادہ سے زیادہ درجہ حرارت 31 ڈگری سینٹی گریڈ تک جانے کا امکان ہے، شہر میں شمال مشرق سمت سے 10 کلو فی گھنٹہ کی رفتار سے ہوا چل رہی ہے اور ہوا میں نمی کا تناسب 90 فیصد ہے۔
Post Views: 3.ذریعہ: Daily Mumtaz
پڑھیں:
برطانیہ میں خشک سالی کا خطرہ، حکومت نے ہنگامی منصوبے تیار کیے
برطانیہ میں واٹر کمپنیاں اور حکومت آئندہ سال متوقع شدید خشک سالی سے نمٹنے کے لیے ہنگامی منصوبے تیار کر رہی ہیں۔
محکمہ موسمیات کے مطابق اس سال موسمِ سرما میں معمول سے کم بارش ہونے کا امکان ہے، جس سے پانی کی قلت بڑھ سکتی ہے۔
یہ بھی پڑھیں: برطانیہ میں مہنگائی میں ایک اور غیر متوقع اضافہ، معاشی خدشات بڑھ گئے
ماہرین نے خبردار کیا ہے کہ اگر رواں موسمِ سرما خشک رہا تو پانی کے ذخائر نازک سطح تک گر سکتے ہیں اور پابندیاں محض ’ہوز پائپ بین‘ تک محدود نہیں رہیں گی۔
⚡️JUST IN:
England faces its worst drought in decades in 2026, with low reservoirs and dry groundwater forcing emergency water restrictions beyond hosepipe bans, including limits on businesses.
Source: The Guardian pic.twitter.com/vemqykel5V
— S2FUncensored (@S2FUncensored) November 9, 2025
رپورٹ کے مطابق انگلینڈ میں اس وقت ذخائر اوسطاً 63 فیصد تک بھرے ہیں، جبکہ کئی مقامات پر یہ 30 فیصد سے بھی کم ہیں۔
ماہرین کا کہنا ہے کہ زیرِ زمین پانی کی سطح بحال ہونے میں وقت لگتا ہے، اس لیے پانی کی صورتحال اب بھی غیر مستحکم ہے۔
مزید پڑھیں: برطانیہ کا نیا پاسپورٹ جاری کرنے کا فیصلہ، یہ کن منفرد خصوصیات کا حامل ہوگا؟
واٹر ماہرین نے حکومت پر زور دیا ہے کہ صرف نئے ذخائر بنانے کے بجائے پانی کے مؤثر استعمال، رساؤ روکنے، اور گھروں میں واٹر ایفیشنسی اقدامات پر بھی توجہ دی جائے۔
ماہرین کا کہنا ہے کہ برطانیہ میں گزشتہ 3 دہائیوں سے کوئی نیا بڑا ذخیرہ تعمیر نہیں ہوا، اور آبادی میں اضافے و موسمیاتی تبدیلی کے باعث پانی کی مانگ بڑھ رہی ہے۔
محکمہ موسمیات کے مطابق اکتوبر کے اختتام تک انگلینڈ کو سالانہ متوقع بارش کا صرف 61 فیصد پانی ملا ہے۔
مزید پڑھیں: آسٹریلوی خاتون نے ’دنیا کے بد صورت ترین صحن‘ کا مقابلہ جیت لیا
اگر بہار اور گرمیوں میں بھی بارش کم ہوئی تو آئندہ سال پانی کی شدید قلت کا سامنا کرنا پڑ سکتا ہے۔
ہائیڈرولوجی کے ماہرین کا کہنا ہے کہ اب صرف غیر معمولی بارش ہی پانی کی قلت کو پورا کر سکتی ہے، ورنہ صورتحال مزید بگڑنے کا اندیشہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ پانی قحط ہائیڈرولوجی واٹر ایفیشنسی
اسلام آباد ہائیکورٹ کے حکم کے باوجود شیخ رشید کو عمرہ روانگی سے روک دیا گیا