متعدد غیر ملکی ائیر لائنز نے پاکستان کیلئے پروازیں بحال کر دیں
اشاعت کی تاریخ: 12th, May 2025 GMT
فلائیٹ شیڈول میں بہتری ہو گئی، 12 غیر ملکی ائیرلائنز نے بھی پاکستان کے لئے پروازیں بحال کر دی ہیں۔فلائٹ شیڈول کے مطابق مختلف ائیر پورٹس سے پروازوں کی منسوخی کم ہو کر 50 رہ گئی، فلائی دبئی، امارات، ترکش، قطر، اتحاد، ائیر عریبیہ، گلف ائیر نے پروازیں شروع کر دی ہیں۔ایوی ایشن ذرائع کا کہنا ہے کہ حج پروازوں کو معمول پر لانے کی کوششیں جاری ہیں، اسلام آباد 23، لاہور 14، کراچی کی 15 پروازیں منسوخ کی گئی ہیں۔پشاور 4، سیالکوٹ 2 اور فیصل آباد سے ایک پرواز منسوخ کی گئی ہے، ذرائع کے مطابق سیالکوٹ ائیر پورٹ کی شارجہ، دمام اور کویت سے 3 پروازیں لاہور منتقل کی گئیں۔
.ذریعہ: Nawaiwaqt
پڑھیں:
پاور سیکٹر گردشی قرض میں کمی کیلئے بینکوں سے قرض معاہدوں پر آج دستخط ہوں گے، ذرائع
پاور سیکٹر گردشی قرض میں کمی کے لیے بینکوں سے قرض معاہدوں پر آج دستخط ہوں گے، وزیراعظم تقریب میں ورچوئل شریک ہوں گے۔
ذرائع کے مطابق گردشی قرضوں میں کمی کے لیے بینکوں سے 1275 ارب روپے قرض لیا جائے گا، 18 بینکوں سے قرض کے لیے معاہدوں پر دستخط کی تقریب آج وزیراعظم آفس میں ہوگی۔
ذرائع کا کہنا ہے کہ وزیراعظم شہباز شریف معاہدوں پر دستخطوں کی تقریب میں ورچوئل شریک ہوں گے۔
سینٹرل پاور پرچیزنگ ایجنسی نے تقریب میں شرکت کے لیے اسٹیک ہولڈرز کو مطلع کر دیا ہے، تقریب میں 18 بینکوں اور ڈسکوز سمیت دیگر حکام کو دعوت دی گئی ہے۔
ذرائع کے مطابق وزیر پاور اویس لغاری اور کئی وفاقی ورزا معاہدوں پر دستخط کی تقریب میں شریک ہوں گے۔
آئی ایم ایف مشن ہیڈ، ورلڈ بینک اور ایشیائی ترقیاتی بینک کے کنٹری ڈائریکٹرز بھی مدعو ہیں، جبکہ چیئرمین نیپرا اور گورنر اسٹیٹ بینک اور دیگر اعلیٰ حکام کو بھی تقریب میں شرکت کی دعوت دی گئی ہے۔
ذرائع کا کہنا ہے کہ جولائی 2025 تک پاور سیکٹر کا گردشی قرض 1661 ارب روپے ریکارڈ کیا گیا، 683 ارب روپےکی فنانسنگ سے پاور ہولڈنگ کمپنی کے بقایا جات ادا ہوں گے۔
ذرائع کا مزید کہنا ہے کہ بینکوں کو قرض کی واپسی 24 سہ ماہی اقساط میں جائے گی، قرض کی ادائیگی بجلی صارفین سے سرچارجز کے ذریعے کی جائے گی۔
واضح رہے کہ اس وقت صارفین سرچارجز کی مد میں 3 روپے23 پیسے فی یونٹ ادا کر رہے ہیں۔
ہمت اور محنت کی مثال: پشاور کی خاتون کا کامیاب آن لائن شہد بزنس