سابق وزیراعظم کا بیٹا ڈاکوؤں کے نشانے پر، بارسلونا میں قیمتی گھڑی چھین لی گئی
اشاعت کی تاریخ: 11th, August 2025 GMT
سابق وزیراعظم یوسف رضا گیلانی کے صاحبزادے اور رکن قومی اسمبلی سید عبدالقادر گیلانی کی قیمتی گھڑی بارسلونا میں چھین لی گئی۔ اطلاعات کے مطابق گھڑی کی مالیت 56 ہزار یورو تھی، جو پاکستانی کرنسی میں تقریباً ایک کروڑ 85 لاکھ روپے بنتی ہے۔
عبدالقادر گیلانی بارسلونا تفریحی دورے پر ہیں اور واقعے کے وقت وہ اپنے بچوں کے ساتھ تھے۔ میڈیا سے گفتگو میں انہوں نے بتایا کہ یہ گھڑی تقریباً 12 سے 13 سال پرانی تھی، جو اُس وقت خریدی گئی جب سونا نسبتاً سستا تھا، لیکن اب اس کی قیمت کئی گنا بڑھ چکی ہے۔
یوسف رضا گیلانی جن کی تنخواہ حال ہی میں بڑھا کر دو ملین کی اور جنوری سے ادا کر دی اس کے غریب بیٹے ممبر اسمبلی عبدالقادر گیلانی کی 56ہزار یورو کی گھڑی جو پاکستانی تقریباً دو کروڑ بنتے بارسلونا سپین میں کوئی لوٹ کر بھاگ گیا ہے آپ زرا اسلامی ٹچ چیک کیججے کہ یہ گھڑی بھی شرعی مجبوری… pic.
— RAShahzaddk (@RShahzaddk) August 11, 2025
انہوں نے بتایا کہ گھڑی ان کے ہاتھ میں تھی، جب اچانک چھینی گئی۔ ان کے میزبان کی گھڑی بھی اسی واردات میں چوری ہو گئی۔ لیکن اللہ کا شکر ہے کہ جان بچ گئی کیونکہ جان ہے تو جہان ہے، جو چیز آپ کے نصیب میں نہیں وہ آپ کو کوئی دے نہیں سکتا اور چیز آپ کے نصیب ہے وہ ساری دنیا کی مخالفت کے باوجود کوئی لے نہیں سکتا۔
عبدالقادر گیلانی کا مزید کہنا تھا کہ اگرچہ سونا مردوں کے لیے ممنوع ہے، مگر سفر کے دوران سونے کی کوئی چیز ساتھ رکھنا سنت ہے تاکہ ہنگامی حالات میں اسے فروخت کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سونے کی گھڑی سونے کی گھڑی چوری یوسف رضا گیلانی یوسف رضا گیلانی بیٹاذریعہ: WE News
کلیدی لفظ: سونے کی گھڑی سونے کی گھڑی چوری یوسف رضا گیلانی عبدالقادر گیلانی یوسف رضا گیلانی کی گھڑی
پڑھیں:
اسلام آباد، بین الپارلیمانی اسپیکرز کانفرنس، 40 ممالک کے رہنما شریک ہونگے
اسلام آباد(اصغر چوہدری)مشیر چیئرمین سینیٹ میاں خرم رسول نے کہا ہے کہ بین الپارلیمانی اسپیکرز کانفرنس کے انتظامات مکمل، دنیا کے 40 سے زائد ممالک کے پارلیمانی رہنما شرکت کریں گے۔ چیئرمین سینیٹ اور بانی چیئرمین انٹر پارلیمنٹری اسپیکرز کانفرنس (ISC) سید یوسف رضا گیلانی کے وڑن اور رہنمائی کے مطابق کانفرنس کے تمام تر انتظامات کو حتمی شکل دے دی گئی ہے، چیئرمین سینیٹ خود روزانہ کی بنیاد پر کانفرنس سے متعلق تیاریوں اور انتظامی امور کا جائزہ لے رہے ہیں،انٹر پارلیمنٹری اسپیکرز کانفرنس پاکستان کے لیے ایک تاریخی اور سفارتی سنگِ میل کی حیثیت رکھتی ہے،جس میں دنیا کے 40 سے زائد ممالک کے اسپیکرز، ڈپٹی اسپیکرز اور پارلیمانی نمائندگان کی شرکت کرینگے، کانفرنس امن، ترقی اور عالمی ہم آہنگی کے فروغ کے موضوع پر اسلام آباد میں 11 تا 12 نومبر 2025 کو منعقد ہو رہی ہے،چیئرمین سینیٹ سید یوسف رضا گیلانی کو اپریل 2025 میں سیول، جنوبی کوریا میں ہونے والے اجلاس کے دوران انٹر پارلیمنٹری اسپیکرز کانفرنس (ISC) کا بانی چیئرمین متفقہ طور پر منتخب کیا گیا تھا، دنیا بھر کے پارلیمانی رہنماو¿ں نے متفقہ طور پر گیلانی کو اس منصب کے لیے منتخب کیا،یہ انتخاب عالمی پارلیمانی برادری کے پاکستان پر اعتماد اور احترام کا مظہر ہے،مشیر چیئرمین سینیٹ برائے میڈیا نے کہا کہ کانفرنس کے دوران مختلف سیشنز میں پارلیمانی سفارت کاری سمیت اہم امور پر تبادلہ خیال کیا جائے گا،مزید برآں، اجلاس میں ماحولیاتی اقدامات، پائیدار ترقی اور وسائل کی مساوی تقسیم سے متعلق عملی تجاویز بھی زیرِ غور آئیں گی، باہمی تعاون کے نئے فریم ورکز پر بھی مشاورت کی جائے گی، چیئرمین سینیٹ سید یوسف رضا گیلانی کا ویڑن ایک پرامن، باہمی جڑے ہوئے اور ترقی یافتہ عالمی معاشرے کی تشکیل پر مبنی ہے، پارلیمانوں کا کردار محض قانون سازی تک محدود نہیں بلکہ امن، استحکام اور پائیدار ترقی کے فروغ میں فعال شراکت داری پر مشتمل ہے، اسلام آباد میں ہونے والی یہ عالمی کانفرنس پاکستان کے پارلیمانی تشخص، بین الاقوامی وقار، اور سفارتی کردار کو مزید اجاگر کرے گی۔۔۔۔
سلمان خان کی نئی تصویریں وائرل، ممکنہ نئی فلم پر مداحوں کے تبصرے